Көкпекті ауылында мемлекеттік рәміздер күніне орай көк туды желбіреткен автошеру өтті. Бұл шараға 10-нан астам автокөлік қатысты. Биыл еліміздің мемлекеттік рәміздері бекітілгеніне 27 жыл толды. 1992 жыл 4 маусым елдігіміздің, Тәуелсіз ел болуымыздың жарқын белгісін білдіретін айрықша тарихи күн.

Қазақ елі үшін, оның ішінде елдіктің тірегін сақтаушы өскелең ұрпақ үшін қастерлі саналатын мерекені көкпектіліктер автошеру ұйымдастырып атап өтті. Мемлекеттік рәміздер - бұл кез келген мемлекеттің егемендігі мен бір тұтастығын бейнелейтін, оның ажырағысыз атрибуттарының бірі. Елбасы Нұрсұлтан Назарбаев: «Мемлекеттік рәміздер - халқымыздың рухын, ұлттық санасы, қаһармандығы мен даналығын, болашаққа деген үмітін, арман-тілегін жеткізетін ерекше құнды белгілер»- деген болатын. Аспан түстес байрағымыз халқымыздың арманын асқақтатып, қыран бүркіттей аспан әлемінде қалықтап тұр. Елтаңбамыз тарихымыздың тереңінен тамыр тартып, ұлттық рухымызды асқақтатып, шаңырағымыздың беріктігін паш етіп, республикамыздың қанатты тұлпардай ұшқырлығын айғақтап келеді. Осының бәрі - Қазақстанның жаңа тарихының қастерлі беттері. Себебі отан - Мемлекетік Ту, Елтаңба және Әнұраннан бастау алады.

20 мамыр күні аудан әкімінің орынбасары Жаслан Талғатұлы Майкенов аудан әкімінің қабылдауына тіркелген азаматтарды қабылдап, олардың өтініштеріне құлақ түрді.
Мәселен қабылдауға келгендердің алды болып кірген Үлкенбөкен ауылынан көп балалы ана Әсемгүл Алпысова қазіргі тұрып жатқан үйі апаттық жағдайда, жөндеу жұмыстарын жүргізуге қаражаттың тапшылығын айтып жергілікті билік орындарынан көмек сұрап келді. Сонымен қатар, атаулы әлеуметтік алу үшін құжат жинап өткізсе де әлі алмағанына шағымданды. Әсемгүлді мұқият тыңдаған Жаслан Талғатұлы ауыл әкімі және тиісті бөлім басшысына тапсырма берді.

Көкпекті ауданына соңғы екі жылда еліміздің оңтүстік өңірлерінен 30ға жуық отбасы мемлекеттік бағдарлама бойынша қоныс аударуда. Еңбек ұтқырлығын арттыру бағдарламасының ауданда жүзеге асуы жайлы аудандық жұмыспен қамту орталығының маманы Айжан Сайфуллақызының айтуынша, 2018 жылы Республиканың Оңтүстік өңірінен 12 отбасы 49 адам қоныс аударған. Олар Алматы облысы Қаратал, Сарқанд және Қарасай аудандарынан Көкпекті, Шәріптоғай, Ажа ауылдарына көшіп келген.
Қоныс аударушылар жаңа мекенде тұрақты жұмыс тауып, жайлы баспанаға ие болды. Квотаға енгізілген 12 отбасы 49 адамының ішінде 16 адам жұмыспен қамтылды. 5 көшіп келуші азамат аудандық кәсіпкерлік палатасы арқылы «Бастау бизнес» кәсіпкерлік негіздері курсын оқуға ниет білдірді. Оларға баспана алып, қоныстануға жергілікті атқарушы билік тарапынан барынша қолдау көрсетіліп жатыр. Жалпы қоныс аударушыларды қаржылай қолдау үшін мемлекет бюджетінен 11 045,0 теңге бөлінген. Оның ішінде қоныс аударғанда субсидиялары – 4292,3 мың теңге, қоныс аударушыларға тұрғын үйлеріне жалға алу және коммуналдық шығындарды өтеуге – 6 млн. 752,2 мың теңге жұмсалған. «Еңбек» бағдарламасы аясында жұмыс күші көп аймақтардан (Алматы, Жамбыл, ОҚО, Қызылорда, Маңғыстау облыстары) жұмыс күші тапшы өңірлерге (СҚО, ШҚО, Павлодар, Қостанай облыстары) ерікті қоныс аудару қарастырылған. Бұл бағытта үміткерлерді ерікті қоныстандыру кезеңінде қатысушыларға мемлекеттік қолдау отбасының әрбір адамына көшіп барған әрбір адамға 88375 теңге көлемінде бір реттік, оған қоса тұрғын үй жалдауға және коммуналдық қызметтерге ақы төлеу шығыстарын өтеуге субсидиялар беріледі.
Жұмыспен қамту орталығы мекемесінің берген мәліметіне сәйкес Көкпекті ауданы бойынша қоныс аударушыларды қабылдау квотасы 24 отбасы 86 адамды құрайды. Қоныс аудару үшін жалпы 28737,0 мың теңге оның ішінде тұрғын үйді жалға алу субсидиясы -18544,0 мың теңге, қоныс аударуға субсидия – 10193, 0 мың теңге бөлінген. Қазақстан Республикасының жұмыс күші көп облыстарына атап өтсек, Маңғыстау, Алматы, Қызылорда, Түркістан облыстары, Шымкент қаласы бекітілген іс-сапар кестесіне сәйкес шығу жұмыстары жүргізіліп, барлығы 437 адамға ақпараттық түсіндіру жұмыстары жасалды. Соның нәтижесінде ағымдағы жылдың маусым айында тағы 15 отбасы 57 адам көшіп келуге өтініш білдірген. Оның ішінде бес отбасының отағасы сәуір айында біздің ауданды келіп көрді. Биылғы оқу жылы аяқталғаннан кейін Шәріптоғай, Көкпекті және Биғаш ауылдарына қоныстанбақ. Бүгінгі күнге 1 отбасы бес адам Биғаш ауылына қоныс аударды, тиісті субсидиялары маусым айында жүргізіледі.

Ағымдағы жылдың 13-14 мамыр күндері аудан әкімі Асхат Сайдахметұлы Смаилов Көкпекті және Самар ауылдық округтерінде азаматтарды қабылдады. Кездесу барысында өтініш берушілер аудандық деңгейде шешуге болатын өзекті мәселелерді айтты.

Көкпекті ауылындағы қабылдауда 6 адам болды. Алғашқы болып қабылдауға келген Көкпекті ауылының тұрғындары К.Гизатова, Г.Маханова, Г.Дюсупованың өтініштері тұрғын үй мәселесі болса, Теректі ауылдық округіне қарасты Каменка ауылынан келген С.Рамазанова жер мәселесі бойынша өтініштерін айтты.
Ал, Көкпекті ауылы Ж.Болғанбаев көшесінің тұрғыны Әбіш Сақтағанов баспанасына жөндеу жұмыстарын жүргізуге көмек сұрап келді. Аудан басшысы Ә.Сақтағановтың мәселесін мұқият тыңдады. Оның баласы мүмкіндігі шектеулі жандардың санатына жатқандықтан, Заң аясында қандай көмек көрсете алатынын анықтау үшін Жұмыспен қамту, әлеуметтік бағдарламалар және АХАТ бөлімі басшысының м.а Қанат Мұқышевқа тапсырды.