23 қараша күні облыс орталығында ауыл шаруашылығы өнімдерінің жәрмеңкесі өтті. Аудан әкімінің орынбасары Д.Б.Қойгелдин және ауыл шаруашылығы бөлімі басшысының м.а. Р.М.Сарманов қатысты.

«Халық үніне құлақ асатын мемлекет» тұжырымдамасы – бұл ел Президенті Қасым-Жомарт Тоқаевтың Қазақстан халқына арнаған Жолдауына арқау болған бағыттардың бірі. Мемлекет басшысының бұл тұжырымдамасы көптеген мәселеге қозғау салып, қалың ел тарапынан қолдау тауып отыр. Иә, билік бұқараға барынша жақын болуы керек. Шенеуніктер алдына келген адамға шекесінен қарамай, қайта мәселесін шешіп беруге ұмтылуы тиіс. Президент Жолдауында айтылған пікірді міне, осы екі ауыз сөзге сыйдыруға болады. Бізді қуантатыны, айтылған сөз іс жүзінде де жүзеге асып жатыр.
Мемлекет басшысының міндеттерін іске асыру аясында «Халық үніне құлақ асатын мемлекет» тұжырымдамасын ілгерлету бойынша «Азаматтарды қабылдаудың біртұтас күні» жалпы республикалық іс-шарасы аясында бүгін Көкпекті ауданының әкімі Асхат Сайдахметұлы Смаилов азаматтарды жеке сұрақтары бойынша қабылдады. Қабылдауға аудандық маслихаттың хатшысы Талғат Сарманов, аппарат басшысы Раушан Кемербаева қатысты.
Қабылдауға ауыл тұрғындары әр түрлі мәселелер бойынша келді. Әр тұрғынның көкейіндегі сұрағы мұқият тыңдалып, тиісті жауап берілді. Бірқатарына оңды шешім де табылды. Солардың бірі Самар ауылынан келген Тимур Ержановтың мәселесі. Тимур Самар ауылындағы спорт мектебіне «бокс» үйірмесін ашуға көмек беруін өтінді. Тимурдың мәселесі жаңа жылдан соң оң шешімін табады. Самар ауылының балалары үшін енді «бокс» үйірмесі жұмыс жасайды. Бұл тақырыптың соңғы нүктесін қою бағытында Көкпекті аудандық дене шынықтыру және спорт бөлімінің басшысы Ержан Кәрібаевқа бірқатар тапсырмалар берілді.

Ағымдағы жылдың 11 қараша күні Көкпекті ауылында аудан әкімінің орынбасары Марат Қапарұлы Теміржанов тұрғындарды жеке мәселелерімен қабылдады. Қабылдауда аудандық ардагерлер кеңесінің төрағасы Слямбек Мұқашев, ауыл әкімдері, бөлім басшылары қатысты.
Қабылдауға 6 адам жазылып, тек 4 адам әр түрлі мәселерімен келді. Алғашқы болып Самар ауылының тұрғыны Толқын Қалиева, Преображенка ауылынан келген Анна Семилетова атаулы көмек алу мәселесі бойынша өз өтініштерін білдірді.

Сейсенбі күні «Көкпекті ауданының жұмыспен қамту және әлеуметтік бағдарламалар орталығының» қызметкерлері Самар ауылында әкім аппаратының қызметкерлерімен бірге атаулы әлеуметтік көмек алушыларына түсіндіру жұмыстарын жүргізді. Самар ауылдық округі бойынша барлығы 150 әлеуметтік жәрдемақы алушы бар.
Диалогтік алаңның екпіні 2020 жылдың қаңтарынан бастап атаулы әлеуметтік көмек төлеу бойынша жаңа тәсілдерге бағытталған. Ассистенттер С.Шынтаева, А.Каймулдинова, ауылдық округ әкімінің орынбасары Г.Мажибаева, ауылдық әкімдіктің бас маманы О.Рахишева 2020 жылдың қаңтарынан бастап АӘК есептеу кезінде енгізілген жаңалықтар туралы айтып берді. Оның негізгі принципі - мемлекет мұқтаж жандарға көмек көрсететін болады. Алайда АӘК тағайындаудың жаңа тетіктері әрбір отбасына жеке қадамдарды көздейді.
Атаулы әлеуметтік көмек – бұл жәрдемақы емес, қиын өмірлік жағдайға тап болған, аз қамтылған отбасылардың қаржылық жағдайын жақсартуға және олардың дағдарыстан шығу үшін ресурстарын ынталандыруға бағытталған азаматтарды мемлекеттік қолдау.
Мемлекеттік атаулы әлеуметтік көмек жан басына шаққандағы орташа табысы кедейлік шегінен аспайтын адамға немесе отбасына – 20 789 теңге беріледі. АӘК бұрынғыдай тоқсан сайын тағайындалатын болады.