Ағымдағы жылдың 1 қазан күні депутат Гүлнар Шаймарданованың төрағалығымен аудандық Мәслихаттың кезекті ХХХVІІІІ сессиясы болып өтті. Сессияға қатысуға тиісті аудандық маслихаттың депутаттары қатысты. Сондай-ақ сессия жұмысына аудан әкімі Асхат Смаилов және аудан әкімдігінің дербес бөлім, ауыл әкімдері, мекеме басшылары мен қатар БАҚ өкілдері қатынасты.
Сессия жұмысында «Тұрғын үй, әлеуметтік-мәдени және әкімшілік-шаруашылық нысандарының жылыту маусымына дайындық қорытындылары туралы» ТҮКШ, жолаушылар көлігі және автокөлік жолдары бөлімінің бас маманы М.Наурызбаева, «Халықты әлеуметтік қорғау, денсаулық сақтау, білім беру, мәдениет және спорт, депутат өкілеттігі, әдеп және заңдылық мәселелері жөніндегі тұрақты комиссиясының есебі» тұрақты комиссияның төрайымы Е.Сихварт, «Жұмыспен қамту және жаппай кәсіпкерлікті дамытудың 2017-2021 ж» арналған Бағдарламасының орындалуы туралы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің есебін аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі басшысының м.а.А.Ботантаева, «Көкпекті аудандық мәслихатының 2018 жылғы 21 желтоқсандағы № 30-2 «2019-2021 жылдарға арналған Көкпекті аудандық бюджеті туралы» шешіміне өзгерістер енгізу туралы экономика және бюджеттік жоспарлау бөлімінің м.а.С.Байсеңгіров, «Тұрғындардан сүт сатып алуды ұлғайту бойынша жұмыстарды жүргізу туралы» аудан әкімінің орынбасары Б.Қойгельдин баяндамалары тыңдалып, шешімдер қабылданды.

2018-2021 жылдарға арналған азық-түлік белдеуін қалыптастыру бойынша жол картасын іске асырудың іс-шаралар жоспары аясында Нұр-Сұлтан қаласында ауылшаруашылық жәрмеңкесі өтті. Жәрмеңке ағымдағы жылдың 28-29 қыркүйек күндері Нұр-Сұлтан қаласындағы «Хан шатыр» сауда ойын-сауық орталығы алаңында болды.
Аталмыш жәрмеңкеге біздің аудан аумағындағы шаруа қожалықтары мен тауар өндірушілер қатысып, өздерінің өнімдерін ұсынды. Аудандық ауыл шаруашылық бөлімі басшысының міндетін атқарушы Расул Сармановтың берген мәліметі бойынша, бұл күні жәрмеңкеде 3 тонна жылқы еті, 1,6 тонна «Алтай балы» өнімдерін, (Р.Мұхамадиев), Самар ауылдық округі балық өнімдерін, Құлынжон ауылдық округінен «Жахангер» ШҚ (С.Зульфиев) көкөніс өнім-дерін және «Серік» ШҚ сүт өнімдерін (А.Қажығалиев) сатты..

Көшеде күн суып, ағаштардан жапырақтар түсіп, қоршаған орта сары түске боялады. Қытымыр қыс күндері де алыс емес, сондықтан «қыстың қамын жаз ойла» демекші ертерек қамдануымыз қажет.
Мал өсірушілер осы кезеңде жануарларды азықпен қамтамасыз ету жұмыстарымен айналысады, бақша өсіретін тұрғындар әр түрлі көкөністерді тұздайды. Осындай қысқа дайындық кезінде ауыл шаруашылығы жәрмеңкесінің маңызы зор.

Бекітілген кестеге сәйкес, әр аптаның дүйсенбі, сейсенбі күндері аудан әкімі Асхат Сайдахметұлы Смаилов азаматтарды Көкпекті және Самар ауылдарында жеке мәселелері бойынша қабылдайды. Олар қабылдауда өздерін толғандырған сұрақтарды қоя алады.