Аудан әкімінің халық алдындағы есеп беру кездесуі Теректі ауылдық округінде жалғасын тапты.
Жиналысты аудандық маслихат хатшысы Талғат Сарманов ашып, күн тәртібімен таныс-тырды. Қорытынды есепте аудан әкімі мен округ әкімі Қайрат Ахметқалиев баяндама жасады.
-Құрамына 3 елді мекен Каменка, Өрнек, Қызыл Жұлдыз кіретін Теректі ауылдық округінде 736 тұрғын бар. Қазіргі таңда ауылдық округ мал, егін шаруашылығымен айналысатын округте 54 шаруа қожалығы тіркелген. Өткен жылы талайдан бері шешімін таппай отырған мәселе қатты қалдықтар төгетін орын жасалып, жаз айларында шабындық жерге қатынасып тұратын жолдағы көпірге ауыл тұрғындары мен кәсіпкерлердің күшімен күрделі жөндеу жұмыстары жүргізілді - деді округ әкімі. Қ.Ахметқалиев сонымен қатар алдағы уақытта атқарылатын Ұлы Отан соғысы Жеңісінің 75 жылдығы қарсаңында орталық алаң орнату, ауылды абаттандыру, көшелерді жарықтандыру сияқты жұмыстарды атап өтті.

Ағымдағы жылдың 14-15  қаңтар күндері  Көкпекті ауданының әкімі Асхат Сайдахметұлы Смаилов аппаратының жауапты қызметкерлерінің қатысуымен азаматтарды Көкпекті және Самар ауылында жеке қабылдау өткізді.

Естеріңізге сала кетейік Көкпекті ауылында әр дүйсенбі күні, Самар ауылында әр сейсенбісі күні аудан әкімі тұрғындардың жеке сұрақтары бойынша қабылдау өткізіп, онда аудан азаматтары әкіммен өздерін мазалаған мәселелер жөнінде ой бөлісіп, тиісті орындардан жауап ала алады.

Тассай ауылдық округі Көкпекті ауданының шығысында орналасқан бақуатты, бай мекен. Зайсан көліне құярда Көкпекті өзенінің Жүзағаш, Қылы, Ақсу болып тарамдалатын жазирасын толық алып жатқан Тассай, Ақсу, Үшкөмей, Қайнар ауылдары ежелден бірлігі бекем, берекесі мол елдімекендер.

Ағымдағы жылдың 24 желтоқсаны күні, аудан әкімі Асхат Сайдахметұлы Смаилов «Нұр Отан» партиясының ғимаратында тұрғындарды қабылдады.  Қабылдауға келген аудан тұрғындарының жағдайы атаулы әлеуметтік көмек, жұмысқа орналасу, несие қарызы мәселері болды.
Алдына келген әр тұрғынның мәселесін мұқият тыңдаған аудан басшысы айтылған ұсыныстар назарға алынатынын айтып, мәселелердің заң аясында оң шешімін табатынын жеткізді.
Мәселен, Үлкенбөкен ауылдық округ тұрғыны Какен Сүлейжанов жер бөлу мәселесі, Биғаш ауылынан келген Б.Мейіржанова және Ақойлық Айсұлу Жолдаспекова өтініштері жұмысқа орналасу төңірегінде болды.