Аудан әкiмi Асхат Сайдахметұлы Смаилов белгiленген кесте бойынша тұрғындармен жеке қабылдау өткiздi. 

Алғаш болып жеке қабылдауға жазылған аудан тұрғыны зейнеткер Төлеубек Байтұров ауылдағы мал жайылымындағы тәртіптің бұзылғанына шағымданды. Төлеубек ақсақалдың өтiнiшiн мұқият тыңдаған аудан басшысы сала мамандарымен ақылдаса отырып, қолдан келгенше жәрдем жасайтынын жеткiздi.

Аудан әкімі Асхат Смаилов 4 қазан күні жұмыс сапарымен бірқатар елді мекендерді аралады. Үлгілімалшы ауылында білім ордасының жөндеу жұмыстарымен танысып, Қарағандыкөлде тұрғындармен кездесті. Сондай-ақ, Тассай ауылдық округіне қарасты Кленжыра учаскесіндегі бөгеуге арнайы барып, көктемгі тасқынға дайындық барысын талқылады.
Үлгілімалшы ауылындағы Абай орта мектебінің шатырын ауыстыру жұмыстары қыркүйек айында басталған. Бұл мақсатта 87 миллион теңге қаражат қарастырылып отыр. Жөндеу жұмыстары жоспар бойынша 15 желтоқсанға дейін аяқталуға тиіс. Аудан әкімі Асхат Смаилов жөндеу жұмыстарының барысын көзімен көріп, мердігер ұйым өкілімен кездесті. Асхат Сайдахметұлы жұмыстың сапалы жүргізілуін әрі уақытылы аяқталуын талап етті. Ауылдық округ әкімі Мерей Смағұловқа құрылыс барысын үнемі қатаң бақылауда ұстауды міндеттеді.

Ағымдағы жылдың 25 қазан күні, Көкпекті ауданы Кәсіпкерлер Палатасының мәжіліс залында Көкпекті аудандық аумақтық инспекциясының басшысы Ержан Сәрсенбаевтың төрағалығымен ветеринария саласының мамандары бас қосқан жиын өтті. Жиынға Кәсіпкерлер Палатасының төрайымы Әлия Мұқашева және ауылдық округтің мал дәрігерлері қатысты. 

Жиында мал басын бірдейлендіру, оның базасын порталға салу, шығару және малдың қозғалысын реттеу, «аусыл» індетінің алдын алу шарасы, «Сібір жарасы» індетінің ошақтарының кординаттарын анықтау жұмыстары туралы мәселелер қаралып, талқыланды.

Семей қаласындағы Мемлекеттік Медициналық Университеттің оқытушы-профессорлар құрамынан жасақталған түрлі салалардағы дәрігерлер тобы ауданымызға келді. Топтың жасақталуы Қазақстан Республикасындағы денсаулық сақтауды дамытудағы «Денсаулық» мемлекеттік бағдарламасын жүзеге асыру аясында ұйымдастырылған екен. Ғалым дәрігерлер Көкпекті, Самар ауылдарында қабылдаулар жүргізді.

Аудандық аурухананың бас дәрігері Әсем Рахымбаеваның мәлімдеуінше, 2016-2019 жылдарға арналған «Ден-саулық» Мемлекеттік бағдарламасы мұның алдындағы мемлекеттік бағдар-ламалардың қисынды жалғасы болып табылады екен. Қазақстан Республикасында денсаулық сақтауды дамытудың 2016-2019 жылдарға арналған «Ден-саулық» Мемлекеттік бағдарламасы бағыттарының бірі отбасылық медицина қағидаттарын енгізумен бастапқы медициналық-санитарлық көмекті одан әрі басым дамыту мен жаңғырту негізінде денсаулық сақтаудың барлық қызметтерін интеграциялау болмақ, ол жалпы практика дәрігерлері арқылы жүзеге асырылатын болады.