Абай облысы полиция департаменті бастығының бұйрығымен Көкпекті ауданы полиция бөлімі бастығының міндетін атқарушы қызметіне полиция полковнигі Қалиев Әдлет Қабыкенұлы тағайындалды.
Полиция полковнигі Қалиев Әдлет Қабыкенұлы 1981 жылы 24 тамызда дүниеге келген. Семей қаласының тумасы. Еңбек жолы құқық қорғау органдарында 1998 жылдан бастау алған. Қызмет еткен жылдары әртүрлі жедел қызметтерде, оның ішінде басшылық лауазымдарда қызмет атқарған. Абай облысы ПД криминалдық полиция басқармасы бастығының орынбасары лауазымын атқарған. Полиция полковнигі Қалиев Әдлет Қабыкенұлы басшы ретінде өзіне және жеке құрам алдына бірқатар мақсаттар мен жұмыс міндеттерін қойды.

30 мамыр күні Қазақстанның барлық елді мекендерінде  "Халық заңгері" жалпы республикалық акциясы басталды. Ауданымызда да  акция қарқынды түрде өтті. Дәл осы күні  Қ.Алтынбаев атындағы мәдениет үйінде аудан тұрғындарына құқықтық көмек берілді. Акция шеңберінде кез келген адам заң туралы тегін кеңес алып, мемлекеттік органдарға тікелей жүгіне алады.

Шараның мақсаты – халықтың құқықтық сауаттылығын арттыру және тегін заң көмегін көрсету.
Кез келген азамат еліміздің заң қоғамдастығындағы ең үздік өкілдерден қажетті консультация ала алады. Олардың арасында белгілі адвокаттар, нотариустар, прокурорлар, тергеушілер, сот орындаушылары, мемлекеттік органдардың басшылары және басқалары бар.
Акция ҚР Үкіметінің қолдауымен өткізіледі, ұйымдастырушылар - ҚР Сыбайлас жемқорлыққа қарсы іс-қимыл агенттігі, ҚР Әділет министрлігі, Zakon.kz желілік басылымы, "Параграф" ақпараттық жүйесі, Республикалық адвокаттар алқасы, мемлекеттік билік органдары, Қазақстанның үздік заңгерлері мен адвокаттары.
Айта кетейік, аталған науқан жыл сайын өтеді.