Қазіргі таңда сыбайлас жемқорлық әлемнің кез келген елінде оның саяси дамуына байланыссыз, әлеуметтік құбылыс ретінде өз жалғасын табуда. Ол тек ауқымдылығымен ғана ерекшеленеді. Сыбайлас жемқорлық әлеуметтік-экономикалық даму үдерісін, нарықтық экономиканың құрылуын, инвестициялар тарту процесін тежейді. Демократиялық мемлекеттің саяси және қоғамдық институттарына кері әсерін тигізеді, елдің болашақ дамуына елеулі қауіп төндіреді. Қазақстанның мемлекеттік саясатының негізгі басымдықтарының бірі сыбайлас жемқорлықпен күрес болып табылады.
"Сыбайлас жемқорлық – өте күрделі құбылыс. Былай айтқанда дерт деп те айтуға болады. Батпандап кіретін, мысқалдап шығатын кесел. Сондықтан бұл дертпен міндетті түрде бәріміз қоғам боп күресуіміз керек. Әйтпесе кеш болып қалуы мүмкін. Сыбайлас жемқорлықтың кесірінен алып мемлекеттер, ірі мемлекеттер құлағанын бәріміз білеміз, куә болдық", - деп Мемлекет басшысы Қасым-Жомарт Тоқаев сыбайлас жемқорлықтың еліміз үшін аса қауіпті мәселелердің бірі екенін баса айтқан.

Қазіргі таңда патриотизмді қалыптастыру міндетінен маңызды міндет жоқ. Сондықтан, осы мәселе үшін алаңдайтын әр азаматқа Отанға деген сүйіспеншілік сезімін тәрбиелеудің өзіндік идеологиясын ойластырған жөн. Адамдар патриотизмді түсінуге әртүрлі жолдармен келетінін ескеру қажет: біреу туған елінің табиғаты немесе өнері арқылы, екіншісі оның тарихы арқылы, үшіншісі діни сенім арқылы, ал біреу Отан алдындағы қызмет арқылы түсінеді. Патриотизмнің қазіргі заманғы тұжырымдамалары адамның сана-сезімін белгілі бір адамның туған жерінде, оның тәрбиесінде, балалық және жастық әсерлерінде, оның тұлға ретінде қалыптасуындағы қоршаған орта әсерінің көріністеріндегі эмоциялармен байланыстырады.