Тассай ауылдық округінде Құрбан айт мерекесі таңертеңгі сағат жетіде оқылған айт намызынан басталды. Мұсылмандардың ең ұлық мерекесі Құрбан айт мерекесімен ауыл тұрғындарын ауыл әкімінің м.а М.Оспанов құттықтап, ауылдың бас имамы Б.Ағынбаев халыққа құттықтаулары мен уағыздарын айтты. Алла жолында ниет етіп шалған құрбандықтарың қабыл болсын деді. Айт намазға ауыл тұрғындары және жастар қатысып, ауыл тұрғыны Құдайберген Әбикенов мешіт алдында құрбандық шалды.
Сонымен бірге, 16 қыркүйек күні Тассай ауылында «Нұр Отан» Тассай бастауыш партия ұйымы төрайымы С.Чалованың ұйымдастыруымен «Ұлт жоспары – 100 нақты қадам» атты жиын өткізілді.
С.Чалова Ел басымыздың «100 нақты қадам» Ұлт жоспарының осы заманғы мемлекет бес институттық реформасының әр қайсысына жеке тоқталып түсініктеме берді. Ең көп жаңалықтар индустрия мен экономика саласының үлесінде екендігін айтты. Жиын саны 50 жаңалық осы бағытқа тиесілі. Әсіресе, ауыл шаруашылығы саласын жер кодексіне өзгерістер енгізілгенін де хабардар етті.
Учаскелік полиция инспекторы майор С.Ах-метқалиев жиналғандарға Заң үстемдігін қамтамасыз ету жөніндегі жаңа көзқарастар сот жүйесімен құқық қорғау органдарының тиімділігі мен ашықтығы туралы түсіндірді. Бүгінде сот ресімдерін оңайлату және сот процестерін жеделдету үшін азаматтық-құқықтық даулар жөніндегі соттарға прокурордың қатысуын қысқарту тағы басқа маңызды мәселелер Ұлт жоспарының қадамдарында көрініс тапқанын жиналғандарға түсіндірді. Жиынға қатысушылар өз пікірлерін ортаға салды. Ауылдық округте «100 нақты қадам» бағдарламасын тұрғындарға түсіндіру, насихаттау жұмыстары жалғасуда.
Ауылдық округтің ақпараты

Мариногор ауылының тұрғындары Қайыңбаев-тар отбасын жақсы таниды. Отағасы Тілебалды мен отанасы Зәуре қарапайым адамдар. Олар үш бала тәрбиелеп өсірді. Үлкені Айнаш Алматыда, екінші қызы Гүлнұр Көкшетауда тұрады. Ал екі қыздың ортасындағы ұлдары Асхат өздерімен бірге.

Асхаты Самар орман шаруашылығында жұмыс істесе, келіні Альмира – мұғалім. Немерелері Аружан 3-ші, Айдос екінші сыныпта оқиды. Екеуі де оқу озаты. Ал кішкентай Әлинұр жастан жаңа асты.

КӨКПЕКТІ

5 қыркүйекте Қ.Алтынбаев атындағы мәдениет үйінің алаңында «Саламатты өмір салтына «ИӘ» деп жауап береміз!» ұранымен «Денсаулық фестивалі-2015» өтті.

Аталмыш шараға аудан орталығының оқушы-лары, мекемелердің ұжымы белсене қатысып, төмендегі орындар мен марапаттарға ие болды. 10-11 сыныптар арасында, 1 орын А.Әйкенов, 2 орын Е.Манапов, 3 орын Алмас Алпысұлы алып, Ж.Шайжүнісов атындағы орта мектептің намысын қорғады.

Ал, 18-29 жас шамасындағы жастардың арасындағы жүгірудегі жарыста, 1 орынды А Рахимбаев, 2 орын Ж.Алпысов ие болды.

Жарыста 45-59 жас аралығындағы қашықтықта жүгіруден Балалар өнер мектебінің тәрбие ісінің меңгерушісі Ш.Таныбаева 1 орынды қанжығасына салды. 60-69 жас шамасындағы ерлер арасында 1 орынды спорт ардагері Ө.Жолдығұлов және 2 орынды Ы.Өгізбаев иеленіп, Көкпекті Қорғаныс істер жөніндегі бөлімнің мәртебесін көтерді.

Барлық қатысушылар, мадақтау қағазымен марапатталды.

САРЫБЕЛ

Сарыбел ауылдық округіндегі Новотимофеев-ка орта мектебінде 2015-2016 оқу жылында білім алатын 75 оқушы үшін алғашқы қоңырау соғылды.

Мектеп ауласы салтанатты мерекеге сай безендіріліп, қолдарына шоқ гүлдерін құшақтаған оқушылар, ата-аналар, ауыл тұрғындары мектеп алаңына келді. Мерекеге арнайы келген ауылдық округтің әкімі К.Сакуанова, мектептің ардагер ұстаздары Г.Попова, Г.Панкеева, Л.Смирнова, Л.Лопаткина білім күніне арналған ыстық лебіздерін білдірді. Сонымен қатар, бұл мере-ке қарсаңында мектептің тәрбие ісі жөніндегі орынбасары Маржан Смағұлова және алғашқы әскери дайындық пәнінің мұғалімі Төлеген Қалиев сынды ұлағатты ұстаздар ұрпақ тәрбиесіндегі еңбектері үшін аудандық білім бөлімінің мадақтау қағаздарын алса, мектеп ұжымы жазғы мезгілде ұйымдастырған «Жас толқын» лагерінде атқарған жұмыстары үшін мадақтау қағазын алды.

Жаңа оқу жылындағы жағымды жаңалықтардың бірі, осы ауылдың тумасы жерлесіміз, кәсіпкер Т.Сағатов жаңа оқу жылына мектеп оқушыларына музыкалық аппаратураны сыйға тартты. Ал, «Мектепке жол» акциясы аясында, 19 оқушыға мектеп ұжымы, ауыл әкімшілігі, кәсіпкерлердің қайырымдылығының арқасында көмек көрсетілді. Солардың ішінде, әсіресе, «Қанай» дүкенінің иесі Т.Столярованы атап айтуға болады, бұл кісі жыл сайын осы акцияға белсене қатысатын қайырымды адамдардың бірі. 5 қыркүйекте өткен денсаулық күнінде мектеп оқушылары, ұстаздар, ауыл әкімшілігі ұжымы қатысты. Мектептің дене шынықтыру пәнінің ұстаздары әр түрлі спорттық ойындар ұйымдастырды.

Мектеп ұжымы ауылдық округпен бірге іс-шараларға белсене қатысып отырады.

ТЕРЕКТІ

29 тамыз күні Теректі ауылының мәдениет үйінде Қазақстан Республикасы Конституция-сының 20 жылдығына орай мерекелік іс-шара өтті. Мереке «Менің елім» әнімен басталып, ауылдың мәдениет үйінде салтанатты жиналыс-пен жалғасты. Ауылдық округтің кітапханасында «Ата заң – елдігіміздің еңсесі» атты дөңгелек үстел болды. Ал, ауыл мектебінде спорттық ойын-дар, ауыл жастарының арасында кездесулер өтті. «Мектепке жол» акциясы аясында 35 балаға көмек көрсетілді. Сонымен қатар, 5 қыркүйекте өткен денсаулық күніне орай Қ.Аухадиев атындағы орта мектепте спорт түрлерінен әртүрлі жарыстар ұйымдастырылды.

ШҰҒЫЛБАЙ

Мереке қарсаңында ауыл көшелеріне жалаулар, тақырыпқа сай банерлер ілінді. Мемлекеттік Әнұранмен салтанатты түрде ашылған шарада ауыл тұрғындарын Шұғылбай ауылдық округінің әкімі мерейлі мерекемен құттықтады. Ол  жастардың аудандық спартакиадада командалық есепте жүлделі 3 орын алғандығын атап өтті. Құттықтаулардан кейін мектеп оқушыларының «Ата Заңым – қуатым, сенім, мақсат, мұратым!»  атты әдеби монтажы тамашаланып, соңы концерттік бағдарламалармен жалғасын тапты, кешкілік жастарға арналған би кеші ауылдық

Бүгінгі таңда шаруа баққан ауыл еңбек-керлері шілденің ми қайнатар аптап ыстығына қарамастан өздерінің жазғы қам-қарекеттеріне белсене кірісіп кетті. Диқандар қауымы маңдай термен өсірілген ел ризығы - алтын дәнді ысырапсыз жинап, қамбаға құйып алу жолында күресіп жатса, пішенші-механизаторлар мал азығының кепілді қорын жасау жолында бел шешпей еңбек етуде.

Редакция тілшілері жұмыс сапарымен Теректі ауылдық округінің аумағындағы «Теректі» ШҚ да болып қайттық. Бізді ауылдық округтің бас маманы Ж.Назарбаев қарсы алып, «Теректі» шаруа қожалығына бастап апарды. Күн сәулесі шаруаларға жылуын аямай сыйлайтын, топырағы құнарлы, хош иісі аңқыған түрлі шөптер өсетін бұл жердің көркем де тамаша табиғаты көз тартарлықтай.
Бүгінгі таңда «Теректі» шаруа қожалығы бар күш-жігерлерін осы жемшөп пен егін орағы науқанына сарп етуде. 1997 жылы қалыптасқан бұл қожалық өсімдік өсіру және дәстүрлі малшаруашылығымен айналысатын шаруа қожалығының бастығы Қ.Садықов. Шөп шабу науқанының қалай жүргізіліп жатқанын өз көзімізбен көру мақсатында шабындық басына бардық. Қазір шаруа қожалығы қыстық мал азығын дайындап, шөп шабу және жинау үстінде. «Еріншек етігін кигенше, пысық күнге күйіп үлгереді» демекші, бүгінде қыс қамына ерте кіріскен шаруашылықтар шалғысын сайлап, шабындық төсіне барып, мал азығын дайындау науқанына әлдеқашан кірісіп те кетті. Шабындықтар басына қажетті техникалар шығарылған. Жол бойы байқағанымыз, биыл шөп қалың, бірақ жаздағы ауа райының салқындығына байланысты бойы аласа екен.