Жүрекке түрлі ой салатын жақсы ән мен тәтті күйді көрермен жанының азығы еткен жарқын кеште Көкпекті ауылының орталық мәдениет үйі жұртшылыққа лық толды. Бұл күнгі көрермен қауымның басым көпшілігі үлкендер болуының да өзіндік сыры бар. Сахнада кеш бойы өнер көрсеткен «Інжу-маржан» әже-лер және «Толағай сазы» фоль-клорлық ансамбльдерінің құ-рылғанына биыл 5 жыл толуы-на орай өтіп жатқан шығар-машылық кеш болатын.

Бүгінгі тәуелсіз Қазақстанның білім беру саласындағы бас-ты міндеттердің бірі - қазіргі мектеп оқушыларының бойына өз денсаулығын сақтау мен сол бағыттағы оң көзқарасты қалыптастыру және салауатты өмір сүруге ынталандыру. Ынталандырудың бір жолы – оқушыларды үстел теннисін ойнауға үйрету.

Өскелең ұрпақты тәрбиелеуде білім берумен қатар, олардың салауатты өмір сүріп, азаматтық, моралдық-психологиялық санасын көтеру, патриоттық, интер-националдық сезімін қалыптастыру міндетін ұштастыруда Самар спорт мектебінің жаттықтырушысы Қайрат Бар-босыновтың еңбегі ерекше. Шәкірттері Естай Түркестанов, Манат Парасат, Жансұлу Жексенбаева, Гұлнұр Тоқтарбекова, Әдия Мұхаметқалиева үстел теннисинен түрлі деңгейдегі аудандық жарыстардың бірнеше дүркін жеңімпаздары, облыстық сайыстарға белсене қатысып жүрген, болашақтарынан көп үміт күттіретін жас спортшылар. Ал Амангелді орта мектебінің мақтанышы, оқу озаты, 4 сынып оқушысы Едіге Түркестанов 2016 жылы қыркүйек айында Өскемен қаласында өткен облыстық жекелей чемпионаттың күміс жүлдесін иеленсе, 2016 жылдың желтоқсан айында Тарбағатай ауданының Ақжар ауылында қазақтың қайсар қызы Сабира Мұхаметжанованы еске алуға арналған облыстық турнирдің алтын жүлдесін қанжығасына байлады.

Елбасы Н.Ә.Назарбаев Қазақстандағы тілдердің үштұғырлығы туралы ойды алғаш рет 2006 жылы Қазақстан халқының Ассамблеясында айтқан. 2007 жылғы «Жаңа әлемдегі жаңа Қазақстан» Жолдауында Президент аталмыш мәдени жобаны кезеңдеп іске асыруды ұсынды.
Көкпекті ауданының мемлекеттік және басқа тілдерді оқыту орталығында қарапайым дең-гейге арналған 60 сағаттық «Тілашар» курсы ұйымдастырылған. «Тілашар» курсы тегін өткізіледі. Курс соңында тыңдаушыларға куәлік табысталды. Сонымен қатар, елге оралған қандастарымыз да оқуға тартылуда. Мемлекеттік қызметшілер В2 ортадан жоғарғы деңгейде 120 сағаттық бағдарламамен оқытылады. Бағдарлама соңында тыңдаушылар сертификаттық және диагностикалық тестілеуден өтеді.

Өткен айда Тәуелсіздіктің 25 жылдығын мерекелеуге байланысты Павлодар қаласында М-1 спорты бойынша Қазақстан Республикасының кубогі өтті. Республикалық спорт додасында Шығыс Қазақстан облысы атынан Көкпекті ауданының командалары қатысып, қанжы-ғалары майланып қайтты. Аталмыш команданың құрамында Көкпекті, А.Пушкин және Новотимофеевка орта мектебінің жас спортшылары бар.
Керекуде өткен тартысты жарыста бойындағы бар күш-қайратын, батылдығы мен жоғарғы даярлығын көрсеткен жас ұландар аудан намысын қолдан бермей, жүлделі орындарға ие болып оралды. Атап айтатын болсақ, Көкпекті мектебінің спортшылары Е.Ермеков І-орын, Р.Айдаров, Т.Жұманов, И.Аманжолов ІІ-орындар алды. Бұл жеңімпаздарды жаттықтырып, жеке басының өнегесімен, ақыл-кеңесімен бабына келтіріп, бәйгеге қосқан жас ұстаз Руслан Жүнісовке ата-аналар дән риза. Ал, ІІ-орын алған А.С.Пушкин атындағы орта мектептің жас батыры М.Тұрсынов тың жаттықтырушысы Т.Тоқтасыновқа және Новотимофеевка орта мектебінің жаттықтырушысы Т.Қалиевке аудан спортын дамытуға қосып жүрген қомақты үлестері үшін аудандық білім беру және спорт бөлімі тарапынан үлкен алғыс айтқымыз келеді.