Көкжайық орта мектебінде «Қамқоршылық күніне» орай, бала бойына отбасы жылулығы мен махаббатын дарыта алатын кең пейілді, жомарт жүректі жандарға құрмет көрсетілді. Тәрбие ісінің меңгерушісі Е.Нұрлан қамқорлыққа алушы ата-аналарға арнайы құттықтау сөз сөйлеп, К.Құдабаева, Е.Боранбаев, Г.Бияхметова, Г.Абдулдинова мектеп әкімшілігі тарапынан бала тәрбиесіндегі қажырлы еңбектері үшін алғыс хат пен марапатталды.

Жерлесіміз Ерболат Құнанбаев самбо күресінен Қазақстан Кубогын жеңіп алды. Семей қаласында өткен Қабанбай Батыр атындағы дүбірлі жарыста қарсыластарын түгел жығып, алтын жүлдені олжалады. Мерейімізді үстем еткен балуан 62 кг салмақ дәрежесінде үздік шығып қана қоймай самбо күресінен спорт шебері атанды.
Семей қаласының денешынықтыру және сауықтыру кешенінде самбо күресінен Қабанбай батыр мемориалы Қазақстан Кубогы үшін өткен жарыс аяқталды. Ерлер мен әйелдер арасында Қазақстан кубогы сарапқа салынған жарысқа 14 облыс және Астана, Алматы қалаларынан 240-қа жуық палуан қатысты. Мемориалдық турнир биыл 16-шы мәрте ұйымдастырылып отыр. Дәстүрлі жарысқа қатысушылар саны жыл санап артып келеді. Бұл өз алдына еліміздегі самбо күресінің қанат жаюына ықпал етуде.

Елбасымыз Нұрсұлтан Назарбаев Қазақстан халқының денсаулығын сақтауға зор маңыз беріп келеді. Ол үшін спортпен де шұғылдану қажет. Мемлекет басшысы «Қазақстан жолы – 2050: Бір мақсат, бір мүдде, бір болашақ Жолдауында «Спортпен шұғылдану, дұрыс тамақтана білу, жүйелі профилактикалық тексерілу – аурудың алдын алудың негізі» деп атап көрсетті.

Мұның астарында шымыр да бәсекеге қабілетті ұлтты шыңдау мақсаты барын анық пайымдаймыз. Көкпекті ауданының балалар мен жасөспірімдерге арналған спорт мектебі осы мақсатты жүзеге асыруға зор үлестерін қосып келеді. Бұл үшін ауданымыздағы спорт кешені жас спортшылардың дене шынықтырумен және спортпен шұғылдануына барынша қолдау көрсетіп, мүмкіндік жасауда. Сондай-ақ, спорттың барлық түрінен шұғылдану қолжетімді болды әрі күнделікті әдетке айналды десек артық емес. Осының нәтижесінде аудан намысын қорғап, туын биіктетіп жүрген спортшылардың жеңіс жолында тұғыры жоғары екендігі де дау тудырмасы анық. Біздің спортшылар республикалық және халықаралық жарыстарда айтарлықтай нә-тижелерге қол жеткізіп жүр. Соның бірі – корей халқының ұлттық спорт түрі – таэквон-до.

Көкпекті ауданының мәдениет үйінде Қазақстан Республикасы Тә-уелсіздігінің 25 жылдығына орай, жерлес ақынымыз Қалихан Алтынбаевты еске алуға арналған «Жыр дүлділі - Қалихан» атты жас ақын оқушылардың қатысуымен жыр мү-шәйрасы болды.

Қалихан Алтынбаев - ерекше қа-білеттілігімен, сыршыл сезімталдығы-мен, ойының өрістілігімен, тілінің өт-кірлігімен дараланған ақын. Ол бүкіл саналы ғұмырын ақындыққа арнаған жан. Қалихан Алтынбаев газет тілшісі, бөлім меңгерушісі, редактордың орынбасары болып істеп, қалың бұқараның ортасында жүрді. Ол қайда болса да ел ішіндегі атақты адамдардың үлгілі ісі мен шежірені, бұрынғы ақындардың мұраларын, қағытпа-қайым айтыс өлең-дерін, мақал-мәтелдерді, қысқасы бе-сік жырынан жоқтауға дейінгі әдеби мұраларды жинақтаған. Аудан көлемінде дәстүрлі түрде өтетін бұл жыр додасына Көкпекті, Теректі, Преображенка ауылдарынан жас ақындар бақ сынасты. Ж.Шайжүнісов атындағы орта мектептен 10 сынып оқушысы Іңкәр Дәлелхан мен 9 сынып оқушысы Болатхан Құ-сайынов (жетекшілері Д.Байсеңгірова, Д.Шакербекова), Көкпекті орта мекте-бінен Қорлығайын Мерғали (5 сынып), Қарақат Досанова (5 сынып), Айдана