Ежелден Ата қонысын еркін жайлап, төрт түлік малын баққан, малымен жанын баққан елді шоқпарының астына алып, малынан, күнкөрісінен айырып, босқынға айналдырып, аштыққа ұшыратып қынадай қырылуына жол берген, ел үшін еңбектенген елдің ізгі жақсыларына тұтқын қамытын кигізіп, қырғынға ұшыратқан зар заман жаңғырығы уақыт қанша алға озғанмен ел жадынан әсте өшпек емес. Мың өліп, мың тірілген қазақ тарихындағы қасіретті жылдардың қаралы шежіресін 31 мамыр күні бүкіл ел болып еске алады.
Тарих сахнасын қара бұлт торлаған күндердің құрбандарын еске алу күніне орай дөңгелек үстел отырысы өтті. Зұлмат жылдардың оқиғасын, оның жазықсыз құрбаны болған азаматтардың есімдерін ұмытпау, оларды мәңгі есте сақтау, қуғын-сүргінге ұшыраған халықтардың тарихын таныстыруды мақсат тұтқан аталмыш шараны ұйымдастырушылар Көкпекті аудандық орталық кітапхана ұжымы.

Мұражай – елдің тарихын, мәдениетін және өркениетін айғақтауда маңызды рөл атқаратын тәрбиелік орын. Сондықтан да ол қоғам өмірінде ерекше орынға ие, жұртшылыққа ашық болуы керек. Материалдық және рухани мәдениеттің ескерткіштерін жинау-да және сақтауда мұражайлар аса зор ғылыми-ағартушылық және біліми-тәрбиелік жұмыстарды жүргізеді. Еліміз егемендік алып, ұлттық мұражай ісі тың талаптар мен жаңа мазмұнға ие болуда.

Ағымдағы жылдың 19 мамыр күні Қ.Алтынбаев атындағы мәдениет үйінде, мәдениет саласына өз үлестерін қосып жүрген ауданымыздың 25 қызметкері аудан әкімінің орынбасары Е.Қалдыбаевпен дөңгелек үстелде бас қосты. Мәдениет саласының майталмандары мен өнерге жаңа толқын әкелген жастарды аудан әкімінің атынан құттықтап сыйлықтар, сонымен қатар облыстық «Туған ел – алтын бесігім» акция аясында өткен көркемөнерпаздар байқауының қорытындысы бойынша жүлделі ІІ орын және 300 мың қаржылай сертификат алғандарымен құттықтап жылы лебізін білдірді.
Әріптес қызметкерлерін Мәдениет және тілдерді дамыту бөлімінің басшысы А.Саржанов, «Бос уақыт орталығының» директоры Н.Тоянкенов ауданымыздың мәдени жетістіктерін атап, толағай табыстарға жете беруге тілек білдірді. Жоспарлы ойларымен бөлісіп, әсем ән-күймен шабыттандыра мерекенің сәнін келтіріп, естелік фото суретке түсті.
Бос уақыт орталығының ақпараты

Бүгінде жалынды жастардың басын қосқан «Жайдарман» әзілқойлар мен тапқырлар сайысы. Жайдарман жастардың сүйіп көретін және сүйсіне ойнайтын әзіл алаңына айналды. Қазіргі таңда телеарна арқылы көрсетіліп, көптің ықыласына бөленіп жүрген ерекше жобалардың бірі.
«Жайдарман» әзілқойлар мен тапқырлар сайысы – жастарды мәдениеттілікке тәрбиелеу, интеллектуалдық деңгейін көтеру және өмірлік дұрыс бағыт-бағдар беру мен қоғам дамуына үлес қосып, жастардың өмірде өз орнын дұрыс таба білуге баулиды.