Ауданымызда таэквон-до спорты қарыштап дамып келеді. Бүгінде ауыз толтырып айтарлықтай дәрежеге жетіп, талай жарыстарда биіктерді бағындырып жүрген жас таэквон-дошылар жеңісі соның айғағы іспетті. Жақында тағы бір жемісті жеңістерінің куәсі болдық. Аталмыш спорт түрінен Алматы қаласында өткен Азия чемпионатына қатысып, бақтарын сынаған көкпектілік жас таэквон-дошылар қоржындарын қомдап оралды. 18 мемлекеттен, атап айтсақ Қазақстан, Ресей, Өзбекстан, Қырғыстан, Монғолия, Корея, Пәкістан т.б. елдерден келіп күш сынасқан 700-ге тарта балғындар бас қосқан додада топ жарған жерлестеріміз расында да мақтауға тұрарлық. Бұл додаға ауданымыздың таэквон-до тарландары А.Котляревская 1 орын алса, Р.Байсақалов, З.Еркебұлан, Ә.Ақышев 3 орынды жеңіп алып қана қоймай, бұл жарыста барын салып бағып, намысты қолдан бермеуге тырысты. Сондықтан да олардың алар асулары әлі алда, келешектерінен мол үміт күтеміз. Жеңісті күндеріңіз көп болсын!

Клара ҚАЙЫПЖАНҚЫЗЫ

Қазақстан Республикасы Тәуел-сіздігінің 25 жылдығы аясында Қ.Ау-хадиев орта мектебінде аудандық шаңғы жарысы болып өтті. Жарысқа ауданның жеті командасы, яғни 1998-1999 жылы, 2000-2001 жылы, 2002-2003 жылы туған оқушылар қатысты. Жарыс қорытындысында 2002-2003 жылғы қыздар арасында 1 км қашық-тыққа шаңғы тебуден I-орын А.Тер-лекпаева (Куйбышев мектебі), II-орын А.Канапиянова (Үлкенбөкен ом) III-орын Д.Мұхамедрахимова (Қ.Аухадиев атындағы ом), ал ұлдар арасында 1,5 км-ден I-орын Е.Оралғазин (Маяковский атындағы ом), II-орын М.Каусов (Романовка негізгі мектеп), III-орын Д.Манарбеков (Үлкенбөкен ом ) қол жеткізді.
2000-2001 жылғы қыздар арасында I-орын А.Арғынова (Қ.Аухадиев атындағы ом) II-орын Н.Бекзатова (Үлкенбөкен ом), III-орын Ә.Нұқанова (Үлкенбөкен ом), ұлдар арасында 2 км қашықтықта I-орын Ш.Мейірбаев Қ.Аухадиев атындағы ом), II-орын М.Қожакеев (Маяковский атындағы ом), III-орын Е.Есмұхамбетов (Маяковский атындағы ом) иеленді.
1998-1999 жылғы қыздар арасында 2 км-ден I-орын Б.Ануар (Қ.Аухадиев атындағы ом) II-орын Е.Тусупова ( Қ.Аухадиев атындағы ом), III-орын К.Мустафинова (Үлкенбөкен ом), ал ұлдар арасында I-орын Ж.Ахметов (Үлкенбөкен ом), II-орын Ш.Мейірбаев (Қ.Аухадиев атындағы ом), III-орын М.Каусов (Романовка негізгі мектеп) ие болды Жарыстың жалпы есеп қорытындысы бойынша, I-орын Қ.Аухадиев атындағы ом, II-орын Үлкенбөкен ом, III-орын Маяковский атындағы орта мектептері қанжығалады. Осындай салауатты өмір салтын насихаттау, дені сау ұрпақ тәрбиелеу барысында өткен спорттық ойындар әлі де жалғасын табатыны сөзсіз.
М.Тоқтарбаев,
дене шынықтыру пән мұғалімі,
А.Даирбекова,
Жас Ұлан ұйымының тәлімгері

20 ақпан күні Құлынжон ауылдық округіне қарасты Көкжыра ауылында Тәуелсіздіктің 25 жылдығына орайластырылып шаңғы жарысы өтті. Бұл жарысқа Амангелді, Казнаковка, Палатцы, Болғанбаев атындағы, №1 Самар орта мектебінің, Көкжота және Пантелеймоновка негізгі мектептерінің оқушылары қатысты.Командалық есеп бойынша орындар былай бөлінді : 1 орын – Амангелді орта мектебі. 2 орын – Палатцы орта мектебі, 3 орын – Казнаковка орта мектебі
1998-1999 жылы туылған ұлдар арасындағы 3 километрге сырға-науда ұлдар арасында 1 орынды Б.Нұрланбекұлы (Амангелді ОМ), 2 орынды С.Бірлік (Амангелді ОМ),3 орынды Е.Дюсенбай (Ж.Болғанбаев атындағы ОМ) алды. Ал қыздар арасында 1 орынға А.Жұмабекова (Амангелді ОМ), 2 орынға А.Советханова (Амангелді ОМ),3 орынға А.Исенова( Казнаковка ОМ) ие болды.
2001-2000 жылы туылған ұлдар арасында 2 км қашықтықта ұлдар арасында 1 орынды Амангелді орта мектебінің оқушысы Қайрат Ақыт алды, екінші орынға палатцылық Р.Маулетханов, үшінші орынға осы мектептің оқушысы А.Василенко тұрақтады. Қыздар арасында 1,5 км қашықтықта жүлделі екі орынды Амангелді орта мектебінің оқушылары Г.Тоқтарбекова мен Ш.Жарқын өзара бөлісті, ал үшінші орында Казнаковка орта мектебінен Т.Серікбол. 2002-2003 туған ұлдар арасында 1,5 км қашықтықта 1 орынды С.Жеңісбек (Амангелді ОМ), екінші орынды Д.Маулетханов (Палатцы ОМ), 3 орынды О.Жетпісбеков (Амангелді ОМ), осы жастағы қыздар 1 км қашықтықта жарысты, олардың арасында тағы да көкжыралық екі оқушы үздік шықты, олар Қ.Қуаныш пен Ж.Жексенбаева, көкжоталық А.Қалибекова үшінші орынға қол жеткізді.
Р.Малғажина,
ауылдық округ әкімі
аппаратының бас маманы

Көкпекті ауданының орталық аудандық ауруханасында «Саламатты Қазақстан», «Денсаулық жолы 2016 – 2020» бағдарламасының жүзеге асырылуы бойынша қоғамдық кеңес отырысы өткізілді. Отырысқа аурухана қызметкерлері де қатысты. Алғашқы сөзді бас дәрігердің орынбасары А.Рахимбаева алды.
«Қазақстан Республикасының Денсаулық сақтау және әлеуметтік даму министрлігі 2016-2020 жылдарға арналған «Денсаулық» атты денсаулықты дамытудың мемлекеттік бағдарламасын әзірлеп, оны ауданның емдеу мекемелері жүзеге асыра бастағанын бәріміз жақсы білеміз. Бағдарламаны әзірлеуге ел Президенті Н.Назарбаевтың 2010 жылдың 1-ші ақпанындағы № 922 «2020 жылға дейінгі ҚР-ның стратегиялық дамуы» Жарлығы, 11 қараша 2014 жылғы «Нұрлы жол» Қазақстан халқына Жолдауы, «100 нақты қадам» - Ұлттық жоспары, Елбасымыздың 30 қараша 2015 жылғы «Қазақстан жаңа жаһандық ахуалда: өсу, реформалар, даму» атты Жолдауы себеп болды» - деді бас дәрігердің орынбасары.