Апта басында аудандық «Нұр Отан» партиясының филиалында Жастар орталығының ұйымдастыруымен ауданның жас мұғалімдері бас қосты. Жиынға әрбір ауылдық округтен жиырма шақты жас маман қатысып ортаға өткір сөз, өзекті мәселе тастады.

Жиында алғашқы боп сөз алған Көкпекті ауданы Жастар орталығының директоры Азамат Серікұлы Қалықов жас мамандарға орталықтың жұмысы мен міндеттеріне тоқталып өтті:

- «Жас Отан» жастар қанаты Елбасы жетекшілік ететін «Нұр Отан» партиясының жанынан құрылған жастар ұйымы. Жас Отанның негізгі мақсаты жастарға әлеуметтік қолдау көрсету, құқықтық тұрғыдан кеңестер беру, қоғамдық өмірге бейімдеу, жастарды қоғамдық ортамен араластыру, қоғамдық белсенділігін арттыру болып табылады. Шығармашылық жолдағы жастар болсын, спорт саласында жүрген жастар болсын, мәдениет саласының жастары болсын, мәдениет өкілдері болсын қай-қайсысына да арналған арнайы жобаларымыз бар, - деді.
Сонымен қатар, аталмыш жиында «Нұр Отан» партиясының Көкпекті аудандық филиалы төрағасының орынбасары Бақыт Есімханқызы Оразғалиева ел ертеңі жастарға жүктеліп отырған жауапкершіліктер жайында айтып, білімге бетбұру, спортпен шұғылдану, еңбекке ұмтылу турасында әңгіме қозғай келе, аудан жастарының жарқын істеріне оң баға беріп, алдағы жұмыстарына сәттілік тіледі.
Жиын барысында жас ұрпақты толғандырған мәселелерді тілге тиек етіліп, мемлекет тарапынан көрсетіліп жатқан бағдарламаларының жемісі жайында сөз етті.

Пікір: