Көкпекті ауданының №2 аудандық сотында «Жұлдыз-Новая жизнь» аудандық газетінің өкілдерімен 2015 жылдың 9 айы қорытындысы бойынша брифинг, пресс-конференция болды.

Брифинг барысында сот төрағасы Н.Нұралинов келесі статистикалық мәліметтерді айтып өтті: 9 ай ішінде 34 тұлғаға қатысты 28 қылмыстық іс, олардың 24 азаматқа қатысты 19 үкім шығарылған, ақтау үкімі және ақталу себебімен істі тоқтату үкімдері болған жоқ. 166 азаматтық іс қаралды, олардың 92 шешім шығарумен, 42 сот бұйрығы болып табылады, 220 әкімшілік іс 221 тұлғаға қатысты қаралды. Сотпен 24 медиация рәсімі қолданылған, оның, 10 қылмыстық іс бойынша, 11 азаматтық іс бойынша, 3 әкімшілік іс бойынша.

1995 жылы 30 тамызда Ата Заңымыз - еліміздің Конституциясы қабылданып, бұл күн «Қазақстан Республикасының мерекелері» заңына сәйкес мемлекеттік мерекелер тізіміне енген болатын. Осылайша, Республика Конституциясының күні - барлық Қазақстан халқы мерекелейтін жалпы мемлекеттік мейрамға айналды. Ата Заңымыздың назар аударатын басты ерекшелігі - бұған дейінгі конституциялар өкілдік органдар арқылы қабылданған болса, 1995 жылғы 30 тамыздағы Конституция халықтың тікелей қатысуымен референдум арқылы қабылданды, осылайша еліміздің халқы өзінің және келер ұрпақтың болашағын айқын белгілеп берді. Еліміздің басты Заңы туралы №2 аудандық соттың судьясы Альмира Юрьевна Танабаева әңгімелеп берді.
- Еліміздің Ата Заңы жүздеген жылдар бойы қалыптасқан адамзат баласының жалпы құндылықтарын өз бойына сіңірді. Конституциямызда адамдардың табиғи құқықтары мен бостандықтары, билік институттарын демократиялық жолмен қалыптастыру және дамыту, Қазақстанда азаматтық қоғам құру туралы дүниежүзі таныған прогрессивті идеялар бекітілді. Ең жоғарғы заңдық күші бар Қазақстан Конституциясы Республикадағы қолданылатын және қалыптасып жатқан құқықтық жүйенің нормативтік бастауы бола тұра, қоғамдық және мемлекеттік құрылыстың маңызды жақтарын реттейді. Ол - ел тәуелсіздігінің, мемлекеттігінің негізгі тірегі, саяси-құқықтық төлқұжаты.