Үкіметтің кеңейтілген отырысында Елбасы: «Азаматтарға есеп беретiн жергiлiктi полиция қызметiн құру қажет. Бұл қызмет қоғамдық тәртiптi қорғауға, тұрмыстық қылмыстармен күресуге, жол-патруль қызметiне жауапты болуы тиiс»,-деген еді. Мемлекет басшысы «Қазақстан Республикасының кейбір заңнамалық актілеріне жергілікті полиция қызметінің жұмысы мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды. 2016 жылдың 1 қаңтарынан бастап Қазақстанда жергілікті полицияның қызметі басталды. Көкпекті ауданында құрылған бұл жаңа бөлімге Ферхат Равильұлы Мавлютов жетекшілік етеді. Жаңа қызмет түріндегі басшылыққа кіріскен лауазымды тұлғаның әңгімесін назарларыңызға ұсынып отырмыз:
- Заң қоғамдық тәртіп пен қылмыстылықтың профилактикасын нығайту, ішкі істер органдарының қызметіне халықтың сенімділік деңгейін арттыру және олардың жұмысының ашықтығын қамтамасыз ету мақсатында жергілікті атқарушы органдарға және жергілікті қоғамдастыққа есеп беретін жергілікті полиция қызметін қалыптастыру бөлігінде бес институционалдық реформаны іске асыру жөніндегі 100 нақты қадам – Ұлт жоспарын жүзеге асыруға бағытталған.
Жергілікті полиция қызметі туралы заң жоба-сының концепциясына сәйкес, оның құрылымына келесі бөлімдер кіреді: учаскелік полиция инспекторы және олардың көмекшілері, ювеналды полиция, аймақтық бөлімшелер мен мектеп инспекторлары, әйелдерді зорлықтан қорғау бөлімшесі, табиғатты қорғау полициясы бөлімшесі, тұрғы-лықты жері жоқтарды және әкімшілік жаза-ланғандарды қабылдау-тарату бөлімшесі.Бүгінде ішкі істер органдарын оңтайландыру жолымен жүзеге асырылып жатқан жергілікті полиция қызметін ішкі істер органының бірыңғай жүйесіне құрылымды түрде енгізу жұмыстары белсенді түрде жүргізілуде. Бұл қызмет ең көп бөліністер топтастырылған әкімшілік полиция аясында іске асырылуда. Бұдан бұрын да жергілікті әкімдіктерге Қазақстан Республикасының «Жергі-лікті мемлекеттік басқару және өзін-өзі басқару туралы» және «Құқық бұзушылықтардың алдын алу туралы» заңдардың аясында қоғамдық тәртіпті сақтауды қамтамасыз етуді ұйымдастыру міндеті жүктелген болатын.

Елім-жерім деген қазақ даласының ұл-қыздарының армандары орындалып, еліміз тәуелсіздік алғанынан бері елеулі жетістіктерге жетті. ҚР Президенті Н.Назарбаев өзінің әр Жолдауында: «Болашақ дамуымызға едәуір кедергі келтіретін теріс құбылыс – сыбайлас жемқорлық екені баршаға аян. Осыған орай Қазақстан жұрты бүгінде сыбайлас жемқорлықпен күрес – қоғамның дамуына қосылған үлес» - деген тұжырым жасап отыр. Себебі – қоғамға бөтен, елдің өркендеуіне кедергі келтіретін аса күшті құбылыс – сыбайлас жемқорлық.
Атап айтқанда, Мемлекеттік органдардың, ұйымдардың және мемлекеттің қатысу үлесі бар ұйымдардың басшыларына сыбайлас жемқорлыққа қарсы пәрменді іс-әрекет жасау жауаптылығы да белгіленген болатын. Сонымен қатар, өзіне белгілі болған сыбайлас жемқорлық құқықбұзушылық деректері туралы әрбір басшы тиісті органдарға, лауазым адамдарына уақытылы жеткізуге міндетті, яғни, ол осы міндетін орындамаса заңмен қарастырылған тәртіппен тәртіптік жауаптылыққа тартылады. Азаматтардың сыбайлас жемқорлыққа қарсы күресу қызметі ынталандыру шаралары арқылы көтермеленеді.
Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл бөлімінің айрықша тергеуіне сыбайлас жемқорлыққа жататын барлық қылмыс түрлері берілді.
Сыбайлас жемқорлық сияқты қауіпті әлеуметтік құбылыспен күрестің тарихы тереңде жатыр. Қылмыстың қоғам үшін қауіптілігі еліміз өз тәуелсіздігін алғаннан кейін бірден біліне бастады. Мемлекеттік аппарат шенеуніктерінің сыбайластыққа салынуы белгілі болды. Осыған байланысты республикада бұл құбылысқа қарсы бағытталған заңдылық және ұйымдасьырушылық шаралары қолға алынып, бүгінгі күнде бұндай қылмыстар жасағаны үшін жауаптылық та күшейтілген.
Сыбайлас жемқорлық азаматтардың Конституциялық құқықтары мен бостандығын бұзуға әкеліп соғады. Оның өріс алуы мемлекеттік аппараттың жұмысына нұқсан келтіріп, оның беделін түсіреді. Қоғамдық санада өкімет органдары қызметінің жұмысының тиімсіз екенін, олардың құзіретінің әлсіз екенін көрсетеді. Халықтың өкіметтен алшақтауы орын алады. Бұның барлығы мемлекет пен қоғамның саяси қауіпсіздігіне нақты қауіп төндіреді.