Көкпекті ауданының № 2 аудандық сотының кеңсе қызметкерлері арасында жаңадан қабылданып, 2016 жылдан бастап қолданысқа енгізілген Қазақстан Республикасы мемлекеттік қызметшілерінің Әдеп кодексі бойынша семинар өткізілді.
Семинарда кеңсе бас маманы Н.Сағалова «Мемлекеттік қызметшілердің қызметтік әдеп қағидаларының талаптары» тақырыбында баяндама жасап, мемлекеттік қызмет атқару - қоғам мен мемлекет тарапынан ерекше сенім білдіру болып табылатынына және мемлекеттік қызметшілердің моральдық-әдептілік бейнесіне қоятын жоғары талаптарға кеңінен тоқталды.
Семинарды кеңсе меңгерушісі Л.Құнанбаева қорытындылай келіп, аталған Әдеп кодексі - халықтың мемлекеттік органдарға сенімін нығайтуға, мемлекеттік қызметте өзара қарым-қатынастың жоғары мәдениетін қалыптастыруға және мемлекеттік қызметшілердің әдепсіз мінез-құлық жағдайларының алдын алуға бағытталғанын айта келіп, мемлекеттік қызметшілер қызметтен тыс уақытта да жалпы қабылданған моральдық-әдептілік нормаларын ұстануға және көрсетілген барлық талаптарды сақтау қажеттігін егжей-тегжейлі түсіндірді.
Семинардың соңында қатысушылар оқылған баяндама бойынша өзара пікір алмасты.
Көкпекті ауданының № 2 аудандық сотының баспасөз қызметі

Көкпекті ауданы аумағында 2016 жылдың қараша айының 14-20 ара-лығында БҰҰ Бас Ассамблеясының 2005 жылғы 25 қазандағы Резолюциясына сәйкес 15 қарашада ЖКО құрбандарын еске алу күні шеңберінде «Қауіпсіз жол қозғалысы апталығы» мен «Есіңе ал және ойлан!» ұранымен қоғамдық акциясы өткізілуде.