Бірінші шілдедегі Тұңғыш Президентіміз, Ұлт Көшбасшысы, Елбасымыз Нұрсұлтан Әбішұлы Назарбаевтың Жарлығымен бекітілген Ұлттық домбыра күнін барлық қазақстандықтар аса үлкен салтанатпен атап өтеді. Осынау халықтық мерейлі мерекеден қасиетті Көкпекті жерінің ел-жұрты да қалыс қалған жоқ. 

Бұл күні ұлттық дәстүріміздің, күй мен терме өнерінің айнасына айналған қазақтың қара домбырасы төрге шығарылып, құрметке бөленеді.
«Рухани жаңғыру» бағдарламасымен үндесіп жатқан мерекелік шара
Көкпекті ауылындағы Қ.Алтынбаев атындағы аудандық мәдениет үйінің жанында Балалар өнер мектебі және аудандық білім бөлімінің ұйымдастырумен өтті. Осы жерде 300 ден астам мектеп оқушылары және мәдениет үйінің әртістері күмбірлетіп күй тартты Олардың орындауындағы «Жастар биі», «Балбырауын», «Сарыарқа» күйлері Көкпекті ауылының жұртшылығына күй құдіретін, саз сиқырын жан жүрегімен түсіндірді.

2-3 мамыр күндері Дзюдо күресінен облыстық «Толағай» атты жарыс болып өтті. Мұнда облыстың әр өңірінен 175-ке жуық спортшы татами бәсекесінде жүлделі орындарды сарапқа салды. Атап айтсақ, Ақтөбе, Семей қалалары және Зайсан, Тарбағатай, Ұлан, Жарма мен Көкпекті ауданының спортшылары дзюдодан облыстың үздігі атану үшін жарыс жолына шықты.
Бәсеке барысында 2007, 2008, 2009, 2010 жылы туылған жасөспірім, кіші жасөспірім балалардың арасында салмақ дәрежесінде сынға түсті. 2007-2008 жылы туылған 26-29, 32-35, 38-42 келі салмақ дәрежелерінде белдесті. 2009-2010 жылғы балуандар 23-26,29, 32-35 және 35 келіден жоғары салмақ дәрежесінде күресті. Бұрымдылар бесекесі қыз балалар 32-36 келі салмақ дәрежесінде белдесті. Жалпы облыстық жарыс қорытындысы бойынша Көкпекті ауданының балалар мен жасөспірімдер спорт мектебі 7 алтын медальді жеңіп алды. Атап айтсақ, І орынды Е.Сейтаханов, Б.Атапкел, Н.Сейтаханов, Д.Тұрлыбаев, Ә.Дәукенов, Д.Ордаханова, Е. Сәлімова жеңіп алса, ІІ орынды 5 спортшы Р.Құралбеков, Н.Айдарұлы, Д.Смағұлов, М.Болатбекова, Н.Серіков иеленді. Ал, 7 спортшы Т.Мұрат, С.Аханов, Ж.Бақыткамелов, Ш.Төлеуханов, Ұ.Эрталеп және Ж.Миғраж ІІІ орынды місе тұтты.

19 мамыр күні Көкпекті орта мектебінде Қазақстандағы жастар жылы аясында Nomad MMA аралас жекпе-жегі бойынша ашық облыстық турнирі өтті.
Турнирдің ұйымдастырушысы жаттықтырушы Руслан Нұрланұлы Жүнісов болды. Спорттық іс-шараға 6-17 жас аралығындағы 100-ге жуық бозбалалар мен қыздар қатысты. Жергілікті спортшылардан басқа Теректі, Сарыбел және Ақой ауылдарының спортшылары қатысты.
Төрелік жасаған қазылар алқасы әр споршының қозғалысын мұқият бақылап, қорытынды ұпайларды есептеді. Төрешілердің шешімі бойынша І орын иегерлері қатарына Азат Қожаев, Эльдар Ермеков, Ернұр Қайырлы, Әкежан Төлегенов, Ирак Аманжолов, Әлихан Бекпаев, Мария Кара, Юлия Силантьева, Диляра Садықова, Дарья Кара, Ердан Орымбеков, Расул Қасымов, Аңсар Мұратханұлы кірді. ІІ орынды Карина Силантьева, Еркежан Шабанова, Әділжан Кеңеспек, Адлен Шайзатов, Алдияр Советпеков иеленді. Жеңіс тұғырының ІІІ сатысына Исатай Айыпқазы, Мәди Түсіпбек, Дарын Бердібек, Темірлан Амангелдинов жайғасты.

Көңілді және тапқырлар клубы ойындары аудан жастары арасында танымал. Себебі командалар оларға жайдары көңіл-күй мен көңілді уақыт сыйлайды. Биыл да бұл ойын шетте қалмады.
2019 жылдың маусымы қараша айында басталды. 20 дан аса команда келіп тіркелді. Ойындар жыл көлемінде қараша, желтоқсан, қаңтар ақпан наурыз, сәуір, мамыр айларында өтті. Маусымашар 1/8, 1/4 жартылай финал және финалдық ойындар болды. Жиырма команданың ішінен 4 команда суырылып финалға шықты. Ақтық мәреге өнерін көрсеткен додада озған 4 топ бақ сынасты. Атап айтқанда, Көкпекті орта мектебінің «Серілер», Шұғылбай ауылының «Шұғылбай құрамасы», Көкжота ауылының «Көкжота құрамасы», Тассай ауылының «Пішінә» командалары қатысып, әсерлі ойын, әдемі әзілді көрсетті. Жалпы тақырыптағы ойын көрсетуден құралып, көрермендерге көңілді күлкі кешін сыйлады.