Ағымдағы жылдың 27 ақпан күні тілдерді оқыту орталығының ұйымдастыруымен Абайдың 175 жылдығына орай «Абайдың тілі - адамзаттың рухани қазынасы» атты эссе жазудан өтетін аудандық байқау өтті.
Байқаудың мақсаты Қазақстан Респуб-ликасындағы тіл саясатын іске асырудың 2020-2025 жылдарға арналған мемлекеттік бағдар-ламасы аясында қазақ тілінің мемлекеттік тіл ретіндегі толыққанды қызметін қамтамасыз ете отырып, мемлекеттік тілді жаңғырту, тіл мәдениетін одан әрі арттыру және дамыту.

2020 жылдың 17 ақпан және 17 наурыз аралығында Қазақстан азаматтарының аты-жөнінің жазылуын тарихи дәстүрге сәйкестендіру мақсатында айлық жарияланған. Айлықты қорытындылау негізінде Көкпекті ауданында Шығыс Қазақстан облысының тілдерді дамыту жөніндегі басқармасының ұйымдастыруымен «Ұлты қазақ азаматтардың тегі мен әкесінің атының жазылуын тарихи дәстүрге сәйкестендірейік» тақырыбында семинар-кеңес өтті.

Семинар-кеңескте ШҚО тілдерді дамыту жөнін-дегі басқармасы басшысының міндетін атқарушы Роза Әшімханқызы Төлемісова, Көк-пекті ауданының мәдениет және тілдерді дамыту бөлімінің басшысы А.Отаршина аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Нұрбек Сыдықұлы Сүлейменов баян-дама жасады. Аталған шараға ауданның жергілікті атқарушы органдарының өкілдері, қоғамдық ұйымдардың мүшелері, метеп директорлары мен кітапхана қызметкерлері,

Ақпан айының 26 жұлдызында берекелі Биғаш ауылының тұрғындары Қ.Алтынбаев атындағы Мәдениет үйінде Ұлы Абайдың 175 жылдығына орай ұйымдастырылып отырған аудандық көркемөнерпаздар байқауына арналған концерттік бағдарламасын ұсынды.

Мерекелік кеш хәкім Абайдың «Өлсем орным қара жер сыз болмай ма?» өлеңін СымбатӘлімбаеваның жатқа айтып беруімен бас-талды. Келесі кезекте, «Үш бәйтерек – үш алып» қазақ зиялыларына арналған өлеңдерді мәнерлеп айту өнеріне куә болдық. Халықты ерекше бір рахатқа бөлеген әдеби музыкалық композиция ауыл көркемөнерпаздарының Абай Құнанбайұлының «Желсіз түнде жарық ай» әнін орындауы болды.

Ақпан айының 20 жұлдызында аудандық хоккейдің бастауына айналған Үлгілімалшы ауы-лында, аудандық білім беру бөлімінің нұсқауымен, аудандық спорт бөлімінің басшысы Ержан Кәрібаевтың, Талғат Қасайновпен ауыл әкімі Мерей Смағұлов сынды азаматтардың ықпалымен, Абай атындағы мектеп-балабақша кешенінің директоры Ермек Сыдықұлының ұйымдастыруымен облыстық «Шайбалы хоккей» дүбірлі додасының іріктеу кезеңі өткен болатын. Сайысқа Тарбағатай, Зайсан, Көкпекті аудандары қатысып кіл мықтыдан кім мықтыны анықтады.

Негізі Үлгілімалшы ауылында өткен «Шайбалы хоккей» бәсекесі 3 күнге жоспарланған болатын. Дегенмен ауа-райының қолайсыздығына байланысты жол болмай Жарма, Аягөз аудандарының командалары жарысқа қатыса алмай қалды. Сондықтан мұз айдынындағы марқасқалардың теке-тіресін 1 күнде өткізуге тура келді. Зайсан ауданынан 1 команда, яғни, үлкен топ 12 бала, жаттықтырушы жүргізушісімен келсе, Тарбағатай ауданынан үлкен және кіші 2 топ, барлығы 20 адам келді. Көкпекті құрамасының намысын Үлгілімалшы, Көкпекті Үлкенбөкен, Теректі ауылдарының оқушылары қорғады. Жарысқа қатысушылар Үлгілімалшы ауылына 1 күн бұрын келіп, жатын орны, 3 уақыт тамақтары тегін беріліп, барлығы мектеп қаражатынан жұмсалды. Осы орайда, мектеп директоры Ермек Сыдықұлы бастаған мектеп ұжымының ерекше табандылығын, еңбекқорлығын айтып өтпей болмас. Мұзайдынының айнадай болуына кепілдік жасап, таң атысымен қалың қармен арпалысып жарыстың жоғары деңгейде өтуіне ықпал жасаған мектеп жұмысшыларының да жүйелі жұмысын атап өткен жөн. Қарасы қалың болған ауыл тұрғындарымен қатар, мектеп ұстаздарының да күннің суығына қарамастан өз оқушыларына қолдау көрсетіп тұрғандары сайысқа қатысушы саңлақтарымызға қосымша күш бергені сөзсіз.