Биғаш ауылында Бармақ батырды еске алуға арналған тұңғыш волейбол турнирі өткізілді. Жоңғар басқыншыларына қарсы соғыста ерен ерлік көрсетіп, ұлан-ғайыр қазақ даласын жаудан азат ету жолында өмірін құрбан еткен Батыр бабаны еске алу турнирі жыл сайын дәстүрлі түрде өткізіліп тұратын болды. Бұл туралы жарыстың ашылу салтанатында аудан әкімі Асхат Смаилов айтты. Аудандық спорт және дене шынықтыру бөлімі мен Биғаш ауылы бірігіп ұйымдастырған шара жоғарғы деңгейде атқарылды.

Ағымдағы жылдың 28 қараша күні, Көкпекті ауылындағы Балалар мен жасөспірімдер спорт мектебінің ұйымдастыруымен еркін күрестен 2005-2006, 2007-2009 жылғы ұлдар арасындағы Тұңғыш Президент күніне арналған аудандық дәстүрлі ашық турнирі өткізілді.

Аталмыш жарысқа Глубокое, Жарма, Зайсан, Тарбағатай аудандары және Көкпекті, Самар, Үлгілімалшы, Көкжайық, Бастаушы командаларынан барлығы 123 оқушы қатысты. Жарыс жоғары деңгейде өтті. Жарыстың ашылу салтанатында спорт бөлімінің басшысы Ержан Кәрібаев сөз сөйлеп, жарысқа қатысушы спортшыларға сәттілік тіледі.
Ал жарыстың бас төрешісі, БЖСМ жаттық-тырушысы Жандос Серіков жиынды жалғастырып, жарыстың бағдарламасын, жарыс тәртібін түсіндірді.

Ән адамзатты біріктіреді, бұл халықтың сан ғасырлық тәжірибесі, өнер және тұрмыспен бірге жасап келеді. Бұл ұлт тұлғасын, оның өзіндік ерекшелігін, бірегейлігін, әлеуметтік және рухани ерекшелігін анықтайтын салт-дәстүрлер, әдет-ғұрыптар. Халық әндерін тудырушылар жақсылық, батылдық, кісілік, әділдік сияқты адамзаттық құндылықтарды жырлайды. Олардың шығармашылығында халықтың өмірі, энергиясы, қарапайымдылығы мен шынайылығы адамгершілігі көрініс табады. Халық әні адамға қайғы-мұңды сездіріп, күлдіре де жылата алатын күшке ие. Ән сөздің, ырғақтың және дыбыстың көмегімен адамға билік етеді, адамның және қоршаған ортаның қарым-қатынасын реттейді.

Ақ Ертіс пен жазира Жайсаңның кұм бұйратты ойпаңы мен мидай жазық даласында теңгедей жалтырап Қарағанды көлі жатыр. Атауы қарағанды болмаса, жағасы қопалы қалың қамыс. Осы көлдің түбінде Қарағандыкөл ауылы орналасқан. Екі тәжлі мектеп ғимараты алыстан мен мұндалап, бақуатты ауылдың берекесін арттырып тұратын. Сол мектептің оқушыларының басты үлгісі – дене шынықтыру пәні мұғалімі Жұмағазы Лекеров болатын.
Жұмағазы Баяхметұлы Лекеров еңбек жолын Қарғандыкөл ауылында дене шынықтыру және алғашқы әскери дайындық пәнінің мұғалім болып бастаған. 1980 жылдардан бері Теректі ауылындағы Қ.Аухадиев атындағы орта мектепте алғашқы әскери дайындық пәнінің мұғалімі болып 41 жыл көлемінде ұстаздық еткен. «Өн бойың тұнған ар еді» деп Абай атамыз айтқандай арлылық пен намысшылдықты шәкірттерінің бойына сіңіре алған ұстаз Жұмағазы Баяхметұлы еді. «Физрук» Лекеров ұлдардың дене тәрбиесі мен қатар мінез тәрбиесіне қатты көңіл бөлетін. Салмақтылық, жігерлілік бала бойындағы кездесіп қалар мақтаншық пен даңғойлықты өшіріп тұруын бақылайтын. Өз үлгісімен көрсететін.
«Мұғалім Лекеров үйрететін кез-келген спорт түрі біз үшін жанымызбен сүйіп ойнар ойынға айналып кететін. Басқа сабақққа бармасақ та Жұман ағаның сабағынан қалмайтынбыз. Менің 60 жастан асқандағы әлемдік жетістіктерім, осы ұстазымың арқасы, – дейді самбодан КСРО спорт шебері Серікбосын Тлебалдин.