Барша адамзатты бейжай қалтырмайтын Білім күні, яғни алғашқы қоңырау мерекесі кең-байтақ  қазақ жерінің әр түкпірінде айрықша сән-салтанатымен өтті. Алтын ұя білім ордалары мектеп табалдырығын алғаш аттаған мыңдаған бүлдіршіндерге есігін айқара ашты. Аудан орталығындағы тұлғалы білім беру мекемесі, іргелі қарашаңырақ Көкпекті орта мектебінің ауласы алғашқы қоңырауға сай әдемі безендірілген. Өзіндік ерекшелігімен кім-кімнің болмасын мәңгі есінде сақталатын жайдары мерекеге тұлымдарына ақ бантиктерін байлаған түймедей ғана сүйкімді қыз балалар мен мойнына галстук тағып, нағыз ержігітше жасанған балғын ұлдар, оларды қызықтауға келген ата-аналар, сала ардагерлері мен ұстаздар қауымы, жалпы оқушыларға мектеп ауласы лық толы.

Қазақстан Республикасының Конституциясы күнін атап өту аясында Самар ауылының орталық базарында мерекелік жәрмеңке өтті. Самар ауылының тұрғындары және келген қонақтар түрлі-түсті өнімдер қойылған жәрмеңкеге бас бұрды.
Тұтынушыларға ауылшаруашылық саласының шикізаттары - ет, балық, сүт өнімдері, сонымен қоса, күз байлығы мен молшылығын паш ететін көкөністер, жергілікті көкөніс өсірушілердің қолымен өндірілген қызанақ, қияр, қауын, жүгері, бұрыш ұсынылды.

Әлемді дағдарыс дендеп, мемлекеттердің экономикасы құлдилай бастағанда, еліміз мұндай сынаққа үлкен дайындықпен келді. Дегенмен, оның салқыны еліміздің экономикасына әсер етпей қоймайды. Сол үшін де Елбасымыз барлық қаражатты қажетті салаларға бөліп, еліміздің тұрақтылығын сақтап, одан әрі дамытудың жолдарын бағамдап берді.
Аудан әкімі Рамиль Нығметжанұлы Сағандықов аудан орта-лығындағы салынып жатқан бірқатар құрылыс нысандарын аралап, жұмыс барысымен танысты. Өкінішке орай, құрылыс қарқыны аудан әкімінің көңілінен шықпады.

Еліміздің бүгіні мен ертеңінің, тарихы мен мəдениетінің тағдыры жас буынның білімі мен санасына тікелей байланысты. Олардың жаңа белестерге деген ұмтылысы мемлекетіміздің өрлеуі мен оңды өзгерістерге қадам басуына себепші болады. «Жастары жалын жүректі, өршіл намысты елдің алар асуы биік болады» деген сөзімен Елбасымыз жастарға зор сенім білдіріп отыр. Тек бізде ғана емес, әлем жұртшылығы жастардың алып күш иесі екендігін мойындап, олармен санасады. Сондықтан, 12 тамыз күнін арнайы Халықаралық Жастар мерекесі етіп, күнтізбеде белгілеген.