Жер бетінде қанша ұлт болса, сонша ұлттық ерекшелік, дәстүр бар. Халық ауыз әдебиеті ішіндегі ең бір өміршең жанр – айтыс. Жексенбінің сәтті күні Самар шаһары жас ақындардың жырына кенелді. Мұхамед /с.а.у/ Пайғамбар дүниеге келген қасиетті «Мәуліт мерекесіне» орай Самар Мәдениет үйінде «Дін мен Дәстүр» атты аймақтық ақындар айтысы өтті. Бұл шараға мұрындық болған - Көкжыра ауылындағы «Қасымхан» мешітінің бас имамы Нұркен қажы, осы ауылдың тумасы, ұлттық құндылықтар қолдаушысы, бас демеушісі Досан Қасымхан.
Мерекелік кештің шымылдығын құттықтау сөзбен Нұркен қажы ашып берді. Аудан мешіттерінен келген имамдар сахнаға шығып, Пайғамбарға (с.а.у) арналған «Мәуліт жырын» оқыды. Тағылымы мол рухани кешке Самар және жақын ауылдардың тұрғындары, барлығы 100-ден аса адам куә болды.
Еліміздегі карантиндік шектеулерден кейін алғаш рет шымылдығын түрген жыр аламанында 8 ақын бақ сынады. Көрші аудандардан келген азулы ақындармен қатар облыс орталығы Өскемен қаласының намысын арқалаған жас таланттар қатысты.

10 тамыз «Самар ауылдық округі әкімшілігінің» ұйымдастыруымен, санитарлық нормаларды сақтай отырып, Қазақстан Республикасы Тәуелсіздігінің 30 жылдық мерейтойына және де Абай күніне орай, «Абай жаққан бір сәуле» атты іс-шара өтті. Байқауға Самар, Құлынжон, Көкжыра ауылдарының жастары қатысты.
Сайыстың басты мақсаты – сөз қадірін түсініп, әдеби тілде сөйлеуге жастарды дағдыландыру, Абай мұрасын насихаттау, шығармалары арқылы жастарды отансүйгіштікке тәрбиелеу, қазақтың ұлттық әдебиеті мен сөзіне, мәдениеті мен тіліне деген ықыласын арттыру.

– Таэквондо спортын таңдауыңызға не себеп болды?
– Мен бала күнімде бокс спортына қызығушылық танытқан едім, бірақ ол арманым нәтижелі болды дей алмаймын. Көкпекті орта мектебін 1990 жылы бітірген соң Алматыға ат басын бұрдым. Ол жаққа барған соң спортқа қатысы жоқ экономика мамандығы бойынша оқуға түстім. Сол тұста Мұстафа Өзтүріктің жұлдызы жанып, таэквондо спортын қазаққа кең танытқан кезі болатын. Мұстафаның шәкірттері жер-жерде мектеп аша бастаған еді. Қиын спортқа қызығушылық танытқандардың қатарына қосылып, мен де Бексейіт деген ағамның қол астында жаттыға бастадым. Бала күннен бейімделіп өспегендіктен алғашында ауырлау болды, алайда тез үйреніп кеттім. Оқу оқи жүріп үш жылдай дайындалып, біршама жарысқа қатысып нәтижеге жеттім. Қысқаша айтқанда, Қазақстандағы таэквондо биігіне шыға алдым. Одан кейін әскерге аттанып кеттім де, тұрақты дайындықтан біраз қол үзіп қалдым. Кейін әскерден келген соң жаттықтырушы болып шәкірт тәрбиелеуге кірісіп, ауылға ат басын бұрдық.
– Ауылдан чемпиондар шығаратыныңызға сеніп келдіңіз бе?

Спорт - салауатты өмір салтының негізгі бөлігі. Спортпен шұғылдану адамды мықты әрі төзімді етеді. физикалық белсенділік денсаулыққа ғана емес, адамның психологиялық жағдайына да әсер етеді. Дене белсенділігі оқу және жұмыс істеу қабілетін анықтайды. Бірақ спортпен шұғылдану үшін арнайы жабдықталған бөлмелер қажет. Сондықтан Қазақстанда бұқаралық дене шынықтыру мен спортты дамыту үшін дене шынықтыру-сауықтыру кешендері (ДСК) салынуда.
Самар ауылында осындай дене шынықтыру-сауықтыру кешенінің құрылысы қарқынды жүріп жатыр. Жобаның тапсырыс берушісі «Шығыс Қазақстан облысының құрылыс, сәулет және қала құрылысы басқармасы» ММ болып табылады.

Ауылдық округ аппараты