Білім беру сапасы мен тәрбиеші біліктілігі, жаңа педагогикалық технологияларды тәрбиеші тәжірибесінде пайдалануды және жас маман-дардың заман талабына сай бәсекеге қабілетті болуы мақсатында Көкжайық ауылындағы «Бөбек лүпілі» балабақшасында «Жас мамандар» сайысы болды. Жас мамандар бағын сынаған аталмыш сайысқа 5 адам қатысып, білімдері мен біліктіліктерін ортаға салды. Оларға тәжірибелі ұстаздар әділ қазылық етіп, әр қырынан бағалады. Сайыскерлердің бесеуі де жоғары дәрежеде дайындықпен келгендерін көрсетті. Сайыстың аты сайыс болғандықтан оза шауып, топ жарып, бас жүлдені жас маман М.Бекішева иеленсе, 1-орынды М.Каримова, 2-орын М.Абаева, 3-орынды А.Серік және Д.Қасымханова қанжығаларына байлады. Сайыстың куәгері болған зейнеткер ұстаз А.Қиялбаева құттықтау сөз сөйлеп балабақша тәрбиешілерін мейірімді, кішіпейіл, көңіл толарлық деп бағалады. Балабақшамыз заман талабына сай жабдықталған. Тәрбиешілерге табысты жұмыс жүргізу үшін барлық жағдай жасалып отыр.Сөз соңында мекеме ұжымына шығармашылық шеберлік пен алдында тәрбиеленіп отырған бөбектердің аман-саулығын тілейміз.
А.Сүлейменова, «Бөбек лүпілі» балабақшасының әдістеме бірлестігінің жетекшісі, Көкжайық ауылы

Еліміздің ертеңі - жас ұрпақтың бойына қазақтың әдет ғұрпын, салт-дәстүрін дарытып, мәдениеті мен өнеріне құштарлығын ояту үшін алдымен балабақшадан жақсы тәлім-тәрбие берілуі тиіс. Осындай ұлттық құндылықтар бала-ға алдымен отбасынан бастау алады десек, ғылымға негізделген әдіс-тәсілмен берілетін тәлім-тәрбие балабақшадан басталып, мектепке жан-жақты педагогикалық өрісін табады. Әсіресе, балабақшадағы тәрбие бала табиғатына ерекше әсер етіп, оған өмір бойы өшпестей із қалдырады. Мектепке дейінгі тәрбие – үздіксіз білім берудің алғашқы сатысы.
«Бөбек лүпілі» жекеменшік балабақшасында «Бала тәрбиесі - баршаға ортақ» атты психо-логиялық тренинг-сабақ өтті. Тренинг барысында ата-аналар және педагогтармен проблемалық сұрақтардан шығу жолы қарастырылды. Балабақшадағы тәрбиеленушілердін заман талабына сай тәрбиеленіп жатқандары анықтал-ды. Баланың дамуына, жеке тұлға болып қа-лыптасуына ата-ана тәрбиесінің әдіс тәсілдерін жетілдіре отырып, қарым қатынас орнатылды.
Жас ұрпақты саналы етіп тәрбиелеу - отбасы мен балабақша педагогтарының бірден-бір парызы, оқу-тәрбие жұмысын дұрыс жолға қоюда ата-аналармен жұмысның орны орасан. Сондықтан, біздің балабақшада ата-аналармен жұмыстардың алуан түрлері іске асырылуда. Отбасы мен балабақша ұжымы әр мереке сайын бірлесе отырып, ертеңгіліктер мен жиындарды өткізуді әдетке айналдырды.
М.Каримова, психолог,
«Бөбек лүпілі» жекеменшік балабақшасы