Аудандық жастар орталығы өзі құрылғалы бері көптеген әлеуметтік маңызы бар жобаларды жүзеге асырып келеді. Жастар қай кезде де жаңа бастамалар мен тың ойлардың иелері. Оған дәл осынау көңілді кештен соң көзіміз анық жеткендей болды. Анығына тоқталсақ, ағымдағы жылдың 17 қазанында аудандық мәдениет үйінде Көкпекті жастар орталығының ұйымдастыруымен «Мен Қазақстан елінің патриотымын атты» флеш-моб болып өтті.

Негізгі қатысушылары мектеп оқушылары, ауыл жастары болған бұл сайысқа Шұғылбай, Құлынжон, Биғаш, Тассай, Көкпекті, Үлкенбөкен, Преоброженка, Толағай ауылдарынан келді.

Сіздерді рухани келісім күнімен шын жүректен құттықтаймыз!

Бұл күн - біздің елімізде тұрып жатқан және Қазақстанның біртұтас халқы болып табылатын барлық ұлт өкілдерінің ұстамдылығын, конфессияаралық және мәдениетаралық татулығын қамтамасыз етуге бағытталған басты мерекелеріміздің бірі. «Бейбітшілік пен татулық - Қазақстан халқының басты байлығы», - деп атап көрсеткен Елбасымыз Н.Ә. Назарбаевтың бұл күнді еліміздегі діни тұрақтылықтың бір нышаны ретінде ұлықтауы тектен тек емес. Елімізде тұрып жатқан Қазақстанның біртұтас халқын құрайтын түрлі ұлт өкілдерінің конфессияаралық және мәдени келісімін, достық қарым-қатынасын нығайтуға бағытталған жүйелі саясатымыз халықаралық қауымдастықта ерекше құрметке ие.
Түрлі ұлттар мен дін өкілдерінің бір шаңырақтың астында бейбіт өмір сүруге жағдай жасап, осылайша ұлтаралық, дінаралық қатынастардың сақталуына жол ашып отырған біздің мемлекетіміз әлемнің кез-келген еліне үлгі бола алады.Бұл көрініс біздің көпұлтты ауданымызда да орын алған. Біз жақында ғана аудандық Келісім үйін аштық. Бұл біздің ауданның жұртшылығының бірлігін одан әрі нығайта түсуге ықпал ететіні сөзсіз.
Елбасы Нұрсұлтан Назарбаевтың «Толеранттылық – біздің жанымыздағы диалогқа дайындық. Біздің қалаларымыздағы, аудандар мен ауылдардағы мешіттердің, православия храмдарының, костельдің және синагоганың бір-бірімен қатар тұруы жеріміздің бейбітшілігі мен келісімінің айқын көрінісі» дегенін қаперге алып, осынау атаулы күн бірлік пен қайырымдылықтың, жақсылық пен гүлденудің мерекесі ретінде атап өтілуі қажеттігіне назар аударайық. Күрделі міндеттерді шешудің негізі бірлікте екендігін жадымыздан еш шығармай, достық пен келісім арқылы ғана Қазақстанды биік белестерді бағындыратын еңселі мемлекетке айналдыра аламыз.
Еліміздегі тұрақтылық пен қоғамдық келісімді одан әрі нығайта берейік. Ортақ үйіміз - Қазақстан Республикасында әрдайым татулық пен келісім, бейбітшілікке, бақ-берекеге толы болсын! Сіздерге шын жүректен зор денсаулық, отбасылық бақыт, бейбітшілік және игілік тілейміз. Қазақстан халқының бірлігін, сенімімізді нықтайтын, үмітімізді ұштайтын ортақ салтанат мерекесі құтты болсын!

Р.Сағандықов, Көкпекті ауданының әкімі
Р.Беспаев, аудандық мәслихат хатшысы