Сіздерді ұлттық валюта теңге күнімен және Қазақстан Республикасының қаржы жүйесі қызметкерлерінің кәсіби мерекесімен шын жүректен құттықтаймыз!

Қазақстан Республикасының Президенті Н.Назарбаев 1993 жылдың 13 қарашасында Республиканың Ұлттық валютасы – теңгені айналымға енгізуге қол қойған болатын. Сол жылдың 15 қарашасынан бастап қазақ елінің төл теңгесі отандық экономикамыздың өркендеуіне белсенді қызмет етіп келеді. Бүгінде мемлекеттік қаржы саясаты отандық экономиканы дамытудың теңдессіз құралына айналды. Ол бізге түйткілді деген әлеуметтік және саяси мәселелерді оңтайлы шешіп, мемлекетіміздің халықаралық аренадағы беделін арттыра түсуге мүмкіндік беруде. Сондықтан да, қаржы жүйесі қызметкерлерінің басты міндеті - еліміз қол жеткізген табыстарды молайту, күрделі деген мәселелерді шешіп, экономикалық өсімді және әлеуметтік тұрақтылықты қамтамасыз етуде осы ресурстар мен мүмкіндіктерді тиімді пайдалану болып табылады.
Елбасы Н.Ә. Назарбаевтың ұлттық валютаны енгізу туралы Жарлыққа қол қойған кезінен бастап, ұлттық теңге еліміздің экономикасына қажырлы еңбек етіп, көрші елдердің валюталарымен салыстырғанда көп жылдар бойы өзінің қаржылық тұрақтылығын дәлелдеп келеді. Кез келген мемлекеттің тарихына оның бір-ақ рет енгізілетін өз валютасының тарихы да кіреді. Ұлттық теңгенің қалыптасу кезеңі әлемдік тәжірибеде кенжеленсе де салмағы халықаралық дәрежеде мойындалған. Осы күнге дейін валютамыз қаншама рет өзгерді, қаншама қиындықтарды бастан кешірді, бірақ оның бүкіл әлем деңгейіндегі ең құнды валюталар қатарына қосылатынына қазақстандықтар сенеді. Сіздердің жоғары кәсіби біліктіліктеріңіз бен жауапкершіліктеріңіздің арқасында қаржы қызметінің беделі арта түсетіндігіне сенімдіміз. Осы мүмкіндікті пайдалана отырып, дендеріңізге саулық, отбастарыңызға амандық, жұмыстарыңызға жеміс тілейміз. Ортақ Отанымыз – тәуелсіз Қазақстанның игілігі жолында қолға алған істеріңіз бен жоспарларыңыз ойдағыдай орындала берсін дейміз.
Сіздерге жұмыстарыңыздың келешекте де ауданымыздың экономикасын, қаржы әлеуетін дамытуға және күшейтуге және де кәсіпкерлік секторының қаржы жағынан ырысты-берекелі болуына мүмкіндік туғызуға бағытталуына тілектеспіз. Дендеріңіз сау, еңбектеріңіздің жемісті болып, қаржылық қызметте тұрақтылық пен жаңа белестерге жетулеріңізге жүрекжарды тілегімізді білдіреміз!

Р.Сағандықов, аудан әкімі
Р.Беспаев, аудандық мәслихат хатшысы

Елбасының «100 нақты қадам» бағдар-ламасы ел-жұртты тың белес, асқаралы асуларға жігерлендіріп отыр. Қазір ол өмі-рімізге нық қадам басты. Мемлекетімізді гүлдендіруде, елімізді жасампаз елге айналдыруда бұл бағдарламаның орны бөлек екенін айтып, халқымыз зор баға беріп отыр. Осы бағдарламада ауылға да үлкен мән берілгенін байқаймыз. 98-қадамда айтылған, көтерілген, нақты қойылған мәселе тікелей ауылға арналған. Сол қаймағы бұзылмаған қалың елдің ортасында жүрген Үлкенбөкен ауылдық округінің әкімі Назарханов Нұрлан Үмітқазыұлы Елбасы тапсырмасына сәйкес атқарылып жатқан жұмыстар мен алдағы мақсат-міндеттер жөнінде ой бөліскен еді.

- Елбасымыз жаһандық дағдарыс жағдайында тарихтың талай сынын бастан кешірген Қазақстан халқының алдында тұрған басты бағыттарды көрегендікпен белгілеп берді. Еліміздің тағы бір кезеңнен сүрінбей, қиналмай өтуі үшін ортақ мақсат жолында бәріміз бірдей жұмыла білуіміз керек, - дейді Нұрлан Үмітқазыұлы. Елбасы тапсырмаларының сәтімен орындалып жатқанына Үлкенбөкен ауылдық округінде мемлекеттік бағдарламалардың жүзеге асу барысы толық дәлел бола алады.