Казнаковка орта мектебінің 10 сынып оқушысы Елназ БақытбековаТүркияның Анталия қаласында «Art-Talant-Turkey» байқауына қатысып, осы жас әншілер байқауының бас жүлдегері атанды.
13-16 шілде күні Түркияның оңтүстігінде Жерорта теңізінің жағасында орналасқан курортты Анталия қаласында жас орындаушылардың «Art – Talent – Turkey» халықаралық конкурсы өтті. Байқау түріктің жоғары оқу орының бірі Анталия туризм Академиясының қолдауымен болды. Өскеменде сәуір айында өткен тайжарыс байқауында І орынды жеңіп алған Елназға Анталия қаласына «Art – Talent – Turkey» халықаралық конкурсына қатысуға жолдама берілген болатын.
Республикалық «Тайжарыс» байқауына Түркия, Украина және Қазақстан мемлекеттерінен 100-ден аса үміткер қатысыпты. Ал біздің елімізден 21 өнерпаз Шығыс Қазақстан облысының атынан Елназ Бақытбекова қатысты. Жас талант бұл байқауда «Hallelujah» әнін ағылшын тілінде шырқап, орындаушылық шеберлігімен көрермен көңілінен шыға білді. Осы «Art – Talent – Turkey» байқауынан Елназға кубог және сертификат табысталды.

Ұшы-қиырсыз кең даланы тіле салынған тас жолмен зулаған көлік ішінен әсем ән төгіледі. Таңғы самалмен бірге көсіле салынған халық әні дала бозторғайының үнімен ұласқандай. Таңсәріден ән салған кім деп ойларсыз? Бұл Көкпекті ауданы, Самар ауылынан «Асыл қазына» этно-фольклорлық әжелер клубының мүшелері. «Жол тынымсыз тартқан алға, жүрегімді нұр шалады», - деген өлең жолдарындай, әні мен сәні жарасқан әжелер жолдың ұзақтығын да елеместен Тарбағатайды бетке алып бара жатыр. Қ.Сәтбаев атындағы ауылдық округке қарасты Сәтбаев ауылының 50 жылдық мерейтойының құрметті қонақтары ретінде шақырылған бұл топ әрі аудандық Мәдениет үйі ұйымдастырған «Туған ел - алтын тұғырың» атты әжелер байқауына қатыспақшы.
Табиғатының ерекшелігімен баурап алатын, Тарбағатай тауын бөктерлей созылған тау сілемдері мен жоталар көмкерген алып жазықта, Зайсан көліне құятын Тебіске, Қарғыба, Базар өзендері мен мыңдаған бұлақтары суымен тыныстаған Ақсуат өңірінің қаншама тарихы қаншама жазушыға қалам ұстатпады. Бүгін міне, кейіннен құрылған Сәтбаев ауылы да өзінің жарты ғасырлық тойын атап өтуде.

Мүсінді ұстыны, адамды ісі –көріктендіреді.
Пифагор
Мұрат Төлебаев көкпектілік зиялылар Төлебаевтардың отбасында 1961 жылы дүниеге келді. ХХ-шы ғасырдың екінші жартысы ұлы отан соғысындағы жеңістен кейін еліміздің рухтанып, жасампаз істерге ынталан күш қосып жатқан кезі еді. Мектептер жаңа бағдарламамен білім жүйесін құрып, ғарышқа тұңғыш адам ұшырған мемлекеттің оқыту үрдісі жалпақ жаһанға үлгі болып жатқан кез болатын. Аудан орталығындағы Көкпекті орта мектебінде дүниенің алтыдан бірін алып жатқан алып мемлекеттің түкпір-түкпіріне түлектерімен аян болатын. Мектеп бітірушілері Владивосток пен Калининградта, Алматы мен Ташкентте, Семей мен Санкт-Петербургте, Өскемен мен Мәскеуде, Қазанда жоғарғы оқу орындарында оқитын.

Биыл ауданымыздағы «Жасыл ел» жасағына 35 квота бөлініп, онда 35 сарбаз еңбектенуде. Бағдарлама жастар үшін жазғы демалыс уақыттарын көңілді әрі пайдалы өткізуге зор мүмкіндік болып отыр.
«Жасыл ел» жасағының жұмысын ұйым-дастырушы Азамат Қалықовтың айтуынша, биыл Көкпекті ауылында 25, Самар ауылында 10 жас өрен аудан мен елді мекендерді көгалдандыру мен көркейту және абаттандыру жұмыстарының бел ортасынан көрінетін болады. Жасақ тобының құрамында студент, жұмыссыз және ата-анасының рұқсатымен алынған оқушы жастар бар. Әрине оның бәрі тегін емес, ақылы түрде жүргізіледі. Яғни «Жасыл ел» жасағының мүшелері айына 60 мың теңге көлемінде еңбекақы таба алады. Олар жазғы демалыстарын көңілді ғана өткізіп қоймай, отбасыларына қаржылай қолдау көрсетуге ниетті.