Жыл сайын игі дәстүрге айналған ұстаздар күні 10 қазанда Қалихан Алтынбаев атындағы мәдениет үйінде ерекше аталып өтті. Ұстаздарды ұлағаттаған салтанатты шараға Көкпекті ауданының әкімі Асхат Смаилов, білім саласының ардагерлері, барлық орта білім беру ордалары мен балабақшаларының басшылары мен тәрбиешілері, мекеме, ұйым қызметкерлері қатысты. 

Ұстаздар жайында халқымыздың ұлы батыры Бауыржан Момышұлы «Ұстаздық – ұлы құрмет. Себебі, ұстаздарды ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді. Өмірге ұрпақ берген аналарды қандай ардақтасақ, сол ұрпақты тәрбиелейтін ұстаздарды да сондай ардақтауға міндеттіміз» деген.
Салтанатты шара басында аудан басшысы Асхат Сайдахметұлы мектеп ұстаздарының ұйымдастыруымен ауданымызда тұратын әртүрлі ұлт өкілдерінің достығын насихаттау мақсатындағы көрмеде болды. Көрмеде орыс, грузин, болгар, тәжік, неміс, коми шаньги, молдован, қырғыз, корей, монғолия, шешен, армян, татар, өзбек, белорусь ұлттарының ұлттық киімдерін киген өкілдер, сол ұлттың салт-дәстүрін көрсетіп, ұлттық тағамдарын таныстырды.

Салтанатты шараны құттықтау лебі-зімен ашқан аудан басшысы:
- Құрметті ұстаздар, білім беру саласының ардагерлері! Сіздерді ай-шықты мереке ұстаздар күнімен шын жүректен құттықтаймын! Мұғалім – рухани байлықтың таусылмас қайнар көзі. Ұстаздық ұрпақ тәрбиесін, ұлт тәрбиесі деп ұғынған жандардың ұлы жолы. Осындай даңғыл жолдағы жауапкершілігі мол істеріңіз жаңа жеңістер мен толағай табыстарға толы болсын. Білімге деген зор құрмет, оқып-үйренуге деген ыстық ықылас ұлттық болмысымыздың ажырамас бөлігі мінезіміздің мәйегі десек артық болмас. Сондықтан ұстазға деген құрмет мұғалімге деген қамқорлық біз үшін елдік ұстаным әрі мемлекеттің саясатының маңызды бөлігі. Егемен елі-міздің келешегі жас ұрпаққа тағылымды тәрбие мен терең білім беру жолында атқарып отырған еңбектеріңіз нәтижелі болсын. Сіздерге мықты денсаулық, ұзақ ғұмыр, баянды бақыт және шығармашылық табыс тілей-мін. Мереке құтты болсын!, - деді. Құттықтау сөзден соң, аудан әкімі Асхат Сайдахметұлы білім сала-сының ардагерлері Қалимаш Темірғалиқызы Рахимова, Айшекер Каметайқызы Тоқпаева, Кеңес Дюсенұлы Дюсенев, Шәмшігүл Шайзадинқызы Жолданбаева, Күлпану Зейнулдинқызы Қожаеваларға «Көкпекті ауданының әлеуметтік-экономика дамуына қосқан үлестері үшін» төс белгісін тағып марапаттады.
Сондай-ақ, бұл күні дарынды тұлға тәрбиелеу жолында қол жеткізген табыстары мен білім беру саласына қосқан үлесі үшін Көкпекті орта мектебінің дене шынықтыру пәні мұғалімі Руслан Нұрланұлы Жүнісовке 150 мың теңге, Самар №1 орта мектебінің химия және биология пәні мұғалімі Ардақ Мэлсқызы Рахимоваға 100 мың теңге, «Шағын жинақталған мектептің үздік директордың оқу-ісі жөніндегі орынбасары» аталымы бойынша Пантелеймоновка негізгі мектебі директордың оқу-ісі жөніндегі орынбасары Ирина Григорьевна Грунинаға 50 мың теңгенің ақшалай сертификаттары салтанатты түрде табысталды.
Білім беру саласында жас жет-кіншектердің тәрбиесі мен кемел келешегіне ықпал етіп, сапалы білім, саналы тәрбие берудегі еңбегі үшін Қазақстан Республикасы білім және ғылым министрлігінің құрмет грамотасымен Ж.Болғанбаев атындағы мектеп-лицейінен А.Татманова, Б. Хасенова, Б. Карибаев, Казнаковка орта мектебі директордың оқу-ісі жөніндегі орынбасары Д.Кенжина, музыка пәні мұғалімі М.Қанғашова, Октябрь мектеп-балабақша кешенінің физика пәні мұғалімі Н.Сатыбалдина, Амангелді орта мектебі директорының оқу-ісі жөніндегі орынбасары Г.Жақашева, А.Пушкин атындағы орта мектебі директорының оқу-ісі жөніндегі орынбасары К.Омарғазина, балалар өнер мектебінің мұғалімі Л.Ситникова, Көкпекті ауданы білім бөлімінің әдіскері З.Раимжанова, Ай-қанат-2018 Республикалық слеті бойынша білім бөлімінің әдіскері Д. Садвакасова марапатталды.
Білім бөлімінің басшысы Ш.Мұстафина мен кәсіподақ ұйымының төрағасы Б.Құсайынов білім саласында ұзақ жылдан бері талмай еңбек етіп, табыстарға қол жеткізіп жүрген бірқатар мұғалімдерді алғыс хаттармен марапаттап, бағалы сыйлықтар табыстады.
Салтанатты шараның соңы аудандық өнер мектебінің өнерпаз жастарының ұстаздарына тарту ретінде әзірлеген концерттік бағдарламасына ұласты.Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор.

Пікір: