Қазан айының 27 жұлдызында аудандық ішкі саясат бөлімінің ұйымдастыруымен Көкпекті орта мектебінде Рухани келісім күніне орай Шығыс Қазақстан облыстық Дін істері басқармасының Алматы қаласындағы «Бәйкен ата» мешітінің наиб имамы Қ.Жұмабеков, облыстық «Халифа Алтай» мешітінің наиб имамы Д.Тулувхан және Дін мәселелерін зерттеу орталығы ақпараттық-түсіндіру бөлімінің маманы М.Еспаевпен кездесу өтті. Кездесуге ауыл тұрғындары, Көкпекті ауданының ауыл имамдары, ұстаздар және мектеп оқушылары қатысты. Кездесудің негізгі мақсаты, елдімекен тұрғындарының дін саласындағы түсініктерін одан әрі дамыту, ақпараттандыру болып табылады.
Кездесу барысында асыл дініміз - халықты ұйыстырушы, бірлікке шақырушы күш. Бірақ, соның өзінде теріс жолға бағыт сілтеп жіберетін діни ағымдар бар екенін де жасыруға болмайды. Олар рухани келісімді нығайтуға емес, керісінше бірлікті бұзуға, берекені қашыруға қызмет ететіні де шындық. Ондай жат пиғылдағы ағымдармен күрес жүргізуде күн тәртібінен түспейтін мәселелердің бірі екендігі тілге тиек етілді.
Халықаралық рухани келісім күнін толе-ранттылықты жөн көретін кеңпейілді қазақ елі ұйымшылдықпен атап өте отырып, халықтар бірлігін одан әрін нығайта түсетініне сенім мол. Маңызды кездесу келесі күні Тассай ауылында жалғасын тапты.

Бақыт ҒАББАСҚЫЗЫ

Ағымдағы жылдың 23 қазанында «Нұр Отан» пар-тиясының Көкпекті аудандық филиалында сыбайлас жем-қорлыққа қарсы іс-қимыл жөніндегі қоғамдық кеңесінің отырысы болды.

Кеңеске сыбайлас жем-қорлықпен күрес қоғамының төрағасы Қ.Алтынбаев: «Сыбайлас жемқорлыққа қарсы іс-қимылдың 2015-2025 жылдарға арналған бағдарламасын табыс-ты жүзеге асырудағы жұмыс-тарға, сонымен қатар осы бағыттағы негізгі жұмыстарды атқаратын сыбайлас жемқор-лыққа қарсы кеңестердің қыз-метін дұрыс ұйымдастыруға байланысты екеніне тоқталып өтті. Отырысқа сыбайлас жем-қорлықпен күрес қоғамының, партиялық бақылау комиссиясы, «Нұр Отан» депутаттық фракция мүшелері, мекеме басшылары қатысты. Күн тәртібінде қаралған мәселе Қазақстан Республикасы Президентінің «Нұрлы жол – болашаққа бастар жол» Жолдауындағы Ұлттық қордан бөлінген қаражаттың заңдылыққа байланысты пайдаланылуын жүзеге асыру және сыбайлас жемқорлықпен күрес қоғамының мүшелерінің партия доктринасы ережесі бойынша азаматтардың арыз-шағымдарымен жұмысы туралы болды. Осы мәселе, төңірегінде сөз алған аудандық қаржы бөлімінің экономика және бюджетті жоспарлау бо-йынша басшының орынбасары А.Тасқайратова: «Мұндай бағдарлама біздің қоғам үшін өте керек. Өйткені, сыбайлас жемқорлыққа қарсы күрес дүниежүзінде жүріп жатыр. Елбасымыз айтқан сияқты, сыбайлас жемқорлықпен күресу - бұл әркімнің және бүкіл қоғамның жұмысы. Қоғамда осындай күреске әркім қатысатын болса, онда осындай қауіппен, осындай залалмен күресу жеңілірек болады», - деді.