Күнтізбе бойынша қараша күздің соңғы айы, алайда, дәл осы уақытта қыс ақырындап өз қаһарына ене бастайды. Жайбарақаттыққа салынып жүрген автокөлік жүргізушілері мен жолшыларға алғашқы жауған қар мен аяз, бұрқасындар қарбаластық тудырып, қыспаққа алады. Біздің өңірде қардың қалыңдығы жылдық көрсеткіштен асып, ылғи да қалың жауады, жолдарды боран алып қалып, жолаушылар жиі-жиі қар қамақта қалып жатады. Жол қызметі мекемелері қыс мезгіліндегі күтіміне айрықша мән беруді қажет ететін облыстық маңыздағы жолдардың қозғалыс қауіпсіздігін қамтамасыз етуге қаншалықты даяр екен? Ол жайында «ОблШығысЖол» ЖШС ЖПБ-6 басшысы міндетін атқарушы Медет Айыпов баяндайды:

- Біз расында да жұмысымыздағы ең жауапты кезеңді бастап жатырмыз. Ол үшін алдыңғы айларда, яғни, күзде қысқа қажетті жұмыстардың барлығын атқарып, техниканы, жолдарға себетін құм, күл материалдарын, тіпті қажетті мамандарға дейін дайын болуын қамтамасыз еттік.
Жолды пайдалану және қозғалысты ұйымдастыру мәселесі қыс айында қиындай түседі. Автокөліктердің қыс айындағы жол қозғалысы қауіпсіз әрі тоқтаусыз болуы үшін бірқатар кешенді шараларды өткізу қажет, оған жол бойын және үстін қар басып қалудан сақтау және тазалау жатады. Жолдың жағдайы ауа райының суықтығына, жел мен қар жауу, боран соғу, көктайғақ пен көру қашықтығын азайтатын тұман түсуіне және олардың алмасып тұруына тікелей байланысты. Қыста таулы аумақтарда ең қауіптісі қар көшкінінің түсуі болып табылады.

Азат Рахимбаев, Жастар орта-лығының директоры:
- Қазақстан Республикасының Президенті Н.Ә.Назарбаевтың Қазақстан халқына Жолдауында Елбасы жастарға қатысты «Білімді, еңбекқор, бастамашыл, белсенді болуға қазірден бастап дағдыланыңдар. Жұмыс пен сұраныс бар өңірге батыл барыңдар. Шеберліктің шыңына жете білсеңдер мамандықтың бәрі жақсы.
Қазір техникалық мамандық-тардың, ғылым мен инновацияның күні туған заман. Ерінбей еңбек еткен, талмай ғылым іздеген, жалықпай техника меңгерген адам озады. Тұрмысы жақсы, абыройы асқақ болады. Біз жүзеге асырып жатқан түбегейлі реформалар мен атқарып жатқан қыруар істердің бәрі сендер үшін, болашақ үшін жасалуда» - деген. Біз жастар қауымы Елбасымыздың салиқалы саясаты арқасында қазіргі таңда осындай тәуелсіз, бейбітшіл мемлекетте өмір сүріп жатқанымызға шаттанамыз. Елбасы Жолдауында аталып өткен мәселелердің барлығы жастардың басты назарында. Себебі, жүзеге асырылып жатқан реформалар мен қыруар істердің барлығы біздер үшін, жастар үшін. Ал еліміздің дамуы мен өркендеуіне аудан жастары өз үлесін қосуға дайын.