Ағымдағы жылдың 21-22 қыркүйек аралығында Абай ауданының Қарауыл ауылында «таэквондодан» облыс чемпионаты өтті. Оған біздің ауданымыздың 12 жас жеткіншектер қатысып бақтарын сынады.

Көкжайық орта мектебінде қыркүйектің 21 жұлдызында «Денсаулық фестивалі - 2019» спорттық іс-шарасы салтанатты түрде аталып өтті. Бұл күні аталмыш шараға мектеп болып барлық сыныптар мен ұстаздар атсалысты. Спорттық формаларды киген оқушылар мен ұстаздар үш топқа бөлініп, жаттығулар жасады. Соңынан барлық сынып бірігіп, қызықты эстафеталық ойындар ойнады.
«Денсаулық күніне» арналған іс-шаралар жоспар бойынша өтіп, мектеп оқушылары мен ұстаздары түгел атсалысты. Бұл өткен іс-шараның адам денсаулығына, көңіл-күйіне үлкен әсер етті және эстетикалық тәрбиесіне де зор ықпалы тиді. Аталмыш шараға үлес қосып, жеңімпаз болған сыныптарға, жеңіске жеткен оқушыларға мектеп ұжымы сыйлықтар мен «Мақтау қағаздарын» таратылды. Мерекелік шараны жүргізген дене шынықтыру пәнінің ұстазы Д.Орынбеков.

А. Әбекбаева, жектекші маман

Ағымдағы жылдың 11 қыркүйегінде, Көкпекті ауданының арнаулы әлеуметтік қызметтер көрсету орталығында «Екі жұлдыз» ән байқауының іріктеу кезеңі өткізілді. Аталмыш байқаудың мақсаты балаларды белсенді шығармашылыққа тарту. Талантты орындаушыларды анықтау болды.
Байқауға қызмет алушылармен бірге орталық мамандары қатысты. Олар 6 жұпқа бөлініп өз өнерлерін көрсетті. 1 - жұп А.Айдарғазина және А.Идришева, 2 - жұп Т.Кулекенов және Б.Искаова, 3 - жұп А.Мұхамадиева және Ж.Жанбаева, 4 - жұп М.Баймұханов және А.Төреханова, 5 - жұп Н.Искакова және А.Идришева, 6 - жұп Т.Рахматулина және Р.Көшербаева болды.

Ағымдағы жылдың 9 қыркүйегі күні Көкпекті жұртшылығы Оңтүстік Корея елінде күрес түрлері бойынша өткен әлемдік додаға қатысып келген жерлесіміз, Еуразия құрлығының қола медаль иегері, дзюдо, самбо және қазақ күресінен спорт шебері Өскен Төлеубековты қошемет, құрметпен қарсы алды. Осылайша спорт шебері Корея жерінде өзінің алыптар мен батырлардың ұрпағы екенін тағы бір мәрте дәлелдеді. 

Жерлесіміз әлемдік сыннан жүлдемен оралды. Қазақ күресінен Оңтүстік Кореяның Чиханжу Сеул қаласында өткен дүниежүзілік жауынгерлік ойындарына қатысып, Өскен Төлеубеков күміс медальға қол жеткізді. 106 мемлекеттің спортшылары бақ сынасқан байрақты бәсекенің алғашқы күндері келген қонақтар үшін мерекелік кеш түрінде әрбір ел өз спорт түрлерін дәріптеу тапсырылды. Жарыс қыркүйек айының 3-5 аралығында өтті. «Қазақ күресі» бойынша Оңтүстік Корея елінде 30 мемлекеттің спортшылары белдесті. Бұл белдесуде Өскен 70 келі салмақ дәрежесінде үнді, швед, поляк елдерінің балуандарымен күресті. Ал финалдық бәсекеде қырғыз елінің спортшысымен белдесіп, ІІ орынды иеленді.