16 Наурыз 2020

АЛҒЫС АРҚАЛАҒАН АЯУЛЫ ЖАНДАР

Article Details

1 наурыз «Алғыс айту» күніне орай Ж.Шайжүнісов атындағы орта мектебінде «Жылы жүрек – жомарт қол» атты мерекелік кеш өтті. Жыл сайын ұйымдастырылатын дәстүрлі кешке мектеп өміріндегі білім мен тәрбие беруге қатысты кез келген іс-шара мен игі бастамалардың басы-қасынан табылып, үнемі оқушылардың спорттық немесе өнер сайыстарына облыс, республика көлемінде қатыса алуына мүмкіндік жасап жүретін жомарт жандар шақырылды. Оларға сәби жүрегінен шыққан жыр шумақтары мен әсем әндер арналды.

Read more

ОБЛЫС ЧЕМПИОНАТЫНДА ЖЕҢІМПАЗ АТАНДЫ

Article Details

Өскемен қаласында 2007-2009 жылдары туылған жасөспірімдер арасында волейболдан Шығыс Қазақстан облысы Балалар лигасының қысқы чемпионаты өтті. Семей, Өскемен қалалары мен Ұлан, Тарбағатай, Қатонқарағай аудандарынан 6 команда қатысқан дүбірлі     сайыста жерлестеріміз І орынды жеңіп алды.

Көкпекті құрама командасының жеңімпаз атануына Дәулет Кенжеғалиев, Дәулет Русланов, Азамат Ордабеков, Мұхамедәли Байтугелов, Әлішер Өтешов, шиелілік Аят Рамазанұлы сынды волейболшылар өз үлестерін қосты.

Read more

АУДАНДЫҚ БАЙҚАУ ӨТТІ

Article Details

Ағымдағы жылдың 27 ақпан күні тілдерді оқыту орталығының ұйымдастыруымен Абайдың 175 жылдығына орай «Абайдың тілі - адамзаттың рухани қазынасы» атты эссе жазудан өтетін аудандық байқау өтті.
Байқаудың мақсаты Қазақстан Респуб-ликасындағы тіл саясатын іске асырудың 2020-2025 жылдарға арналған мемлекеттік бағдар-ламасы аясында қазақ тілінің мемлекеттік тіл ретіндегі толыққанды қызметін қамтамасыз ете отырып, мемлекеттік тілді жаңғырту, тіл мәдениетін одан әрі арттыру және дамыту.

Read more

АТА ЗАҢҒА – 25 ЖЫЛ

Article Details

Жыл сайын 30 тамыз тойланатын Конституция күні - мемлекеттік мереке болып табылады. 1995 жылдың дәл осы күні республикалық референдумда елдің басты Ата Заңы қабылданды.
Қазақстан Конституциясы заңды ғана емес, сонымен қатар этика ережелерін де қамтитын, мемлекеттің негізгі құрылымдарын қалыптастырудағы халқымыздың бірлескен үлкен жетістігін білдіретін Республиканың бейресми символы болып табылады.
Еліміз тәуелсіздік алғаннан бері демократиялық жүйе қалыптастыруда айтарлықтай алға басып, әлеуметтік-экономикалық дамуда оң нәтижелерге қол жеткізді. Онымен қоса халықаралық беделі де бұрын-соңды болмаған дәрежеде өсті. Осы Ата Заңымыз – Конституцияға биыл 25 жыл, осы жыл ішінде құқықтық мәдениеттің негізі қаланып, заңдылық пен тәртіп нығайып, азаматтардың конституциялық құқықтары мен бостандықтарын қорғауды қамтамасыз етуде ауқымды жұмыстар жүргізілді. Міне, осының нәтижесінде біздің еліміз бүгінде әлеуметтік қауымдастық әр түрлі пікірлер тоғысымен этносаралық, дінаралық және қоғамдастық келісім орныққан, тұрақты дамып келе жатқан болашағы айқын мемлекет ретінде танылып отыр.

Read more

АНАЛАРҒА ҚҰРМЕТ КӨРСЕТІЛДІ

Article Details

Сұлулық пен нәзіктікті, қажыр мен қайсарлықты бiр бойына жинаған арулардың мейрамы күлiмдеген көктеммен қатар келедi. Бұл мейрамның көктеммен қатар келу себебі, ана – өмiрдiң алтын дiңгегi, бар адамзатқа өмiр сыйлаушы. Ал көктемде табиғат ана қайта құлпырып, айналасына шуақ шашады.
8 наурыз күні аудан әкімі А.С.Смаилов, әкім орынбасары М.Теміржанов, мәслихат хатшысы Т.Сарманов, Ардагерлер кеңесінің төрағасы С.Н.Мұқашев және Қ.Аухадиев атындағы ауылдық округі әкімі Е.Ниязбаев Преображенка ауылының тұрғыны, 91 жастағы ақ-жаулықты ана, тыл еңбеккері Мензипа Даутованы мерекесімен құттықтап, сыйлықтар табыс етті.
Сондай-ақ, көктем мерекесіне қарсы Қ.Аухадиев атындағы ауылдық округінің әкімі Ерлан Қизатоллаұлы округтың «Алтын Алқа», «Күміс Алқа» иегерлерін, көпбалалы аналарды, мектептің аяулы ұстаздарын, балабақша ұжымының тәрбиешілерін, ақ халатты абзал жандарды, «Өрнек» ЖШС жұмысшыларының қыз-келіншектерін, белсенді аналарды, кәсіпкерлігін өрге домалатып отырған әпке-қарындастарды да ерекше атап және ақ жаулықты әжелерді, ару қыздарды салтанатты мерекесі 8 наурыз - Халықаралық әйелдер күнімен шын жүректен құттықтап, естелік сыйлықтар мен гүл шоқтарын табыс етті.

Read more

МЕКТЕП АРУЫ - 2020

Article Details

Наурыз айының 4-шы жұлдызында мектебіміздегі «Инабат» қыздар үйірмесінің жетекшілігімен Халықаралық әйелдер мерекесіне орайластыра «Мектеп аруы-2020» байқауы болып өтті. Байқаудың мақсаты: қыз балаларға адамгершілік, адалдық, әсемдік, әдемілік, іс-қимыл, жүріс-тұрыс, қыз сымбаты түрлерін терең түсіндіре отырып, олардың өнерлерін, ұшқыр ойларын, іс-әрекетке деген икемділігін анықтап бағалау, одан әрі дамыту болды.
Байқау 8-10 сыныптар арасында өткізілгендіктен 9 аруымыз бақ сынасты. Сайыстың 5 түрлі кезеңіне тың дайындықпен келген аруларымыздың мәртебесі биіктен көрініс тауып, өздерін жан-жақты көрсете білді. «Сәлемдесу» кезеңінде аруларымыз әсем де әдемі «Рухты ару» әніне билеп өздерін ерекше түрде таныстырып өтті. «Сұрақ-жауап» кезеңінде қатысушылар терең білімдерін көпшілік назарына ұсынды және Абай Құнанбаевтың өмір жолынан қойылған сұрақтарға ұтымды жауап берді. Саусақтарынан өнер тамған арулар «Өнерлі өрге жүзер» кезеңіне де бос келмепті. Әуелеген ән де, күмбірлеген күй де, мың бұралған би де, тағылымды мән де осы сахнадан табылды. Ерекше көзге түскен 8 сынып оқушысы Тоқтарханова Нағиманың орындауындағы «Жетім қыз» монологы, 9 сынып Байсеитова Гүлім мен Садуакасова Аяжанның «Құртқа мен Қарлыға» диалогы, 10 сынып Силянбекова Мақпал «Айман мен Шолпан» пьесасасынан үзінді, 9 сынып Садыкова Жұлдыз орамалдарды қалай әдемі етіп басымыз бен мойнымызға орауға болатынын көрсетті.«Сұлулық сыры» деп аталатын байқаудың бұл бөлімінде аруларымыз өз қолдарынан ине мен жіпті пайдаланбай әдемі кешкі көйлек тігіу керек болған. Осы кезеңде 9 сынып оқушысы Әзірханова Еркежанның қазақи ою-өрнектерді пайдаланып жасаған көйлегі жоғары бағаланды.

Read more

ҚАЗАҚ ХАЛҚЫ – АБАЙ ХАЛҚЫ

Article Details

Қазақ тарихы мен әдебиетінде атақ-даңқы Абайдан асқан, Абайдай танымал, дара туған тұлға жоқ. Даналықтың өлшемі бола білген философ ақынның рухани мұрасы қазақ халқының зерделі ойы мен өмірі тұрғысындағы энциклопедия секілді.
Көкпекті ауылындағы «Көкпекті Толағайы» балабақшасының «Еркетай» тобының үйымдастыруымен ұлы тұлғаның 175 жылдық мерейтойына арналған «Қазақ халқы – Абай халқы» атты әдеби-сазды ертеңгілік өтті.
Абай мұрасы халқымыздың рухани болмысын білдіретін баға жетпес қазына. Әдеби-сазды ертеңгіліктің мақсаты ұлы ақын Абай шығармашылығын ата мұрамыз ретінде қабылдап, жаңа буын жас ұрпаққа танытып, меңгерту. Кемеңгердің өзі айтқанындай, Абай атамыздың артынан өлмейтұғын сөз, өнеге, өсиет қалдырған. Ол ұрпақтан ұрпаққа жалғасып, халқымен бірге жасай береді.

Read more

ҰЛЫ ХАЛЫҚТЫҢ ҰЛЫ АБАЙЫ

Article Details

Көкпекті ауылындағы Ж.Шайжүнісов атындағы орта мектепте қазақтың ұлы ақыны Абай Құнанбаевтың 175 жылдығына арналған «Ұлы халықтың Ұлы Абайы» атты аудандық мұғалімдердің ғылыми конференциясы өтті. Аталмыш шараға аудан мектептерінің ұстаздары қатысты. 

Конференцияның ашылу салтанатында осы мектептің мұғалімі Динара Байсеңгірова кіріспе сөз сөйлеп, бүгінгі іс шараның маңыздылығына тоқталып өтті.
- 2020 жыл еліміз үшін тарихи оқиғаға толы ерекше жыл болғалы тұр. Абай Құнанбайұлының туғанына – 175 жыл, фашизмге қарсы соғыстағы Жеңіске – 75 жыл, Қазақстан халқы Ассамблея-сы мен Ата Заңымызға – 25 жыл. Әрине, тарихымызда лайықты өз орнын алған бұл атаулы оқиғалардың ешқайсысы да ауданымыздың назарынан тыс қалмайды. Кемеңгер ойшыл Абайдың туғанына 175 жыл толуына орай ұйымдастырылып отырған «Ұлы халықтың Ұлы Абайы» атты бүгінгі конференция осы атаулы іс-шараның беташары деуге лайық. Бұл ғылыми жиынның ортаға салар ойы көп, өрісі кең, толғауы терең, бүгінгі жас ұрпаққа берері мол болады деп үміттенеміз», - деді конференцияда Динара Әбдіғалымқызы.

Read more

АНА – ҚАСИЕТТІ ҰҒЫМ

Article Details

Ана – қасиетті ұғым. Адам бойындағы ізгілік атаулы ананың ақ сүтімен дариды. Бүгінгі шыққан биігіміз бен баянды бақытымыз да ананың ақ тілегінде жатыр. Аналар мерекесі жыл құсындай біздерге көктем мерекесімен қайтып оралды. 

Адамзаттың ардақтысы, тіршіліктің тұтқасы әйелдер күніне арнап Жастар ресурстық орталығының бастамасымен 6 наурыз күні "Талап" бизнес-орталығының жанында акция өтті. Орталық мамандары мен ауыл белсенділері бизнес-орталықтың келушілеріне шын жүректен алғыс хаттар мен қызғалдақтар тарту етті. Шәмші Қалдаяқовтың "Ана туралы жыр" деп аталатын ғасыр өтсе де ескірмейтін осы бір әуеннің сүйемелдеуінде өткен жанға жылулық сыйлар іс-шарада нәзік жандыларға барлығына 100 қызғалдақ сыйланды.
Бұл мереке иелеріне деген ерекше тосын сый болды. Алғыс сөздер мен әзіл-қалжың араласып, акция сәтті өтті. Іс-шараның демеушілері жас кәсіпкерлер Арсен Метхатұлы мен Думан Төкенұлы.

Read more

ТУБЕРКУЛЕЗ – ОРТАҚ ЖАУ

Article Details

Қазақстан Республикасының Денсаулық сақтау саласын дамытудың 2020-2025 жылдарға арналған мемлекеттік бағдарламасын және "Туберкулез кезінде медициналық көмек көрсетуді ұйымдастыру жөніндегі Нұсқаулық" 25.12.2017 ж. №994 бұйрығын жүзеге асыру мақсатында 12 наурызда «Туберкулез ауруына қарсы күреске өз үлесіңді қос» тақырыбында дөңгелек үстел өтті.
Іс-шараға Көкпекті ауданының ОАА СӨСҚ дәрігері О.Дериглазова, Көкпекті аудандық фтизиатр А.Алдажұманова, жалпы тәжірибедегі дәрігер А.Қалиева, Көкпекті аудандық ТҚҚБ бастығының орынбасары Е.Хамитов, ШҚО бойынша ҚАЖД Көкпекті ауданының №1 пробация қызметінің инспекторы Б.Аманжолов, аудандық ардагерлер кеңесінің төрағасы С.Н.Мұқашев, Көкпекті ауылдық округі әкімдігінің жетекші маманы А.Деринг, Көкпекті ПБ кәмелетке толмағандар ісі жөніндегі инспекторы, полиция майоры Н.Кұсаинова қатысты. Көкпекті ауданы бойынша РММ басшысы Гүлмира Қабышқызы қатысушыларды ШҚО және Көкпекті ауданы бойынша соңғы бірнеше жыл ішіндегі туберкулез аурушаңдығы бойынша эпидемиологиялық жағдаймен таныстырды. Оның айтуынша, 2015-2019 жылдар аралығында аудан бойынша толқын тәрізді динамика байқалды. 2015 жылы туберкулездің 17 жағдайы тіркелді, 2016 жылы - 17, 2017 жылы - 13, 2018 жылы - 15, 2019 жылы - 11 жағдай. Туберкулезден өлім-жітім 2014 жылдан бастап төмендеуде. Соңғы екі жылда осы аурудан қайтыс болғандар жоқ.

Read more