29 Маусым 2015

ТАЛАНТТЫ ҚАЛАМГЕР, СЫРЛЫ СӨЗ САРБАЗЫ

Article Details

Аты республикаға танымал белгілі айтыс ақыны, Қазақстан Жазушылар және Журналистер Одақтарының мүшесі, халықтық асыл мұрамыздың жинаушы–жанашырларының ең көрнектілерінің бірі, қаламы мұқалып көрмеген журналист, әрі этнография, фольклор салаларынан орнықты мақалалар жазып, тіршілігінде талай зерттеуші ғалымдарымыздан өзінің лайықты бағасын алған Қалихан Қалиасқарұлы Алтынбаев сынды атамыз Қазақстан мен Орта Азия елдеріне түгелдей әйгілі десек, артық айтқандық болмайды.

Сан тараулы өнер жолында әр талант өзіндік дара сипатымен абырой биігіне көтерілмек.

Read more

СҮЙІКТІ ІСТЕРІНЕ АДАЛ ЖАНДАР

Article Details

Айшықты оқиғаларға толы 2015 жыл ауданмен бірге жасап, біте қайнасып келе жатқан, құт мекеннің шежіресін газет бетіне үздіксіз басып, жұртшылықты рухани нәрімен сусындатудан бір де бір жалықпаған «Жұлдыз» - «Новая жизнь» басылымының 80 жылдық мерейтойына дөп келді. Осы мерзім ішінде газет те аумалы-төкпелі заман ағымына сай талай қиындықтар мен белес-терден сүрінбей өтіп, бүгінгі жаңа технологиялар кезеңінде жаңа сапа, жаңа мазмұнға ие болғанына оқырман куә. Алайда, өткенді еске алмай, оған мойын бұрып, бүгінгіге керектіні алмай, газет шығару ісін алға дамыту мүмкін еместігі де рас.

Read more

ТУҒАН ӨЛКЕНІҢ ШЕЖІРЕШІЛЕРІ

Article Details

Газет – қаншама жылдар көшінен кейін де кез-келген ақпаратты тауып алуға мүмкіндік беретін, ең сенімді мұрағат. Сол себепті, өмірлерін газет бетіне жарияланатын материал-дар үшін тынбай  еңбектенуге арнайтын журналистерді туған өлкенің шежірешілері деп айтуға толықтай негіз бар.

Аудандық «Жұлдыз» - «Новая жизнь» газеті – игі дәстүрлерді сақтай отырып, бірнеше буын өкілдерінің еңбегінің арқасында уақыт ағымына сай жұмыс істеп, сұранысын жоғалтпаған басылым.

1932 жылы мамыр айында Көкпекті ауданындағы алғашқы саны «Үлгілі малшы» орысшасы «Красный скотовод» деген атпен жарық көріп, кейіннен 1948 жылы «Болшевистское слово», 1953 жылы «За коммунизм», 1956 жылы «Ленин Туы» болған газет. Бүгінгі күнге дейін ауданымыздағы неше ұрпақ өкілдерінің айнымас серігі болып келе жатқан «Жұлдыз»-(Звезда) газеті, бүгінгі таңда екі ауданның біріктірілуіне байланысты «Жұлдыз»-«Новая жизнь» газетіне мерейлі 80 жыл толып отыр.

Read more

Құрметті әріптестер!

Article Details

Құрметті әріптестер! Сіз-дерді төл басылымның мерейтойымен құттықтаймын!

Тарихқа назар аударсақ, газет өз оқырманына рухани азық бола бiлдi, ал оның журналистерi қоғам өмiрiнiң өзектi мәселелерiн үнемi қозғап келдi. Басылым 80 жылдың iшiнде маңызды әлеуметтiк-экономикалық проблемаларды көтерiп, жедел жаңалықтар жариялап, кәсiби және тәжiрибелi журналистика мамандарын дайындады. Газет беттерінде жарияланған мазмұнды материалдар арқылы қазақ жастарының әлденеше ұрпағы тәрбиеленiп шықты. Қазiргi тәуелсiздiк кезеңiнде де газет өзiнiң осы игi дәстүрлерiне берiк болады деп сенемiн.

Сiздерге шығармашылық табыс, оқырманға қызықты мате-риалдар, ал «Жұлдыз» - «Новая жизнь» газетiне жарқын болашақ тiлеймiн!

Марат Нұрғазыұлы Манасбаев,

«Казахстанская правда» газеті

ғаламтор редакциясының жауапты редакторы

 

Көкпекті аудандық «Жұл-дыз» - «Новая жизнь» газеті 80-ге толып отыр!

Сексен жылдық тарихы бар аудандық газеттің мазмұны бай, өрісі кең. Ауданда атқарылып жатқан игі істерді, соңғы жаңа-лықтарды, жалпы тың деректерді осы газеттен табасыз. Тарихына үңілсек, бұл басылым ХХ ғасырдың 30 жылдары  «Красный скотовод», «Үлгілімалшы» атауымен шыға бастады. Содан бері газеттің атауы да, мазмұны да, безендірілуі де өзгерді. Жыл са-йын оқырмандар саны да артып келеді, бүгінде бес мың данамен тарайды.

Газет ұжымы 2013 жылы облыс әкімінің жүлдесіне арналған конкурсқа қатысып, «Тірек ауылы - мемлекет тірегі» номинациясын жеңіп алғаны да белгілі. Сонымен қатар, газеттің жаңалығы жаңарып отыратын жеке сайты да бар. Көкпекті аудандық газетінің осы жетістіктері шығармашылық ұжымның қажырлы еңбегінің арқасы. Газеттің шығармашыл ұжымына шығармашылық табыс тілеймін! Қаламдарыңыз ешқашан мұқалмасын!

Ізгі ниетпен: Уәлихан Тоқпатаев,

 облыстық «Дидар» газетінің редакторы

 

Сіздерді қазақ баспасөзінде алар орны бар, тамырын те-реңнен тартқан, тарихы тұнық – «Жұлдыз» - «Новая жизнь» газетінің 80 жылдық мерейтойымен шын жүректен құттықтаймын!

Ақпарат ағыны толас таппайтын заманда бәсекелестіктің бәсін жеңіп, өзінің сындарлы қалпын сақтап, биік белестерден көрініп, Көкпекті ауданының қоғамдық үніне айналған қазақ басылымдардың бірі де бірегейі - «Жұлдыз» - «Новая жизнь» газеті.

Халық шынайы тілекші болған, руханияттың тірегі – «Жұлдыз» - «Новая жизнь» газеті аға ұрпақтың жарқын дәстүрін жалғастырып, бұқара игілігі үшін қызмет істеп, жаңалық пен жақсылықтың жаршысы, үлгілі істердің ұйымдастырушысы, ертеңгі күнге зор үмітпен қарайтын барша оқырмандардың рухани жан азығы болып келеді.

Бұл күнде «Жұлдыз» - «Новая жизнь» газеттерінің озық ойлы оқырмандары қалыптасқан бағыт – бағдары айқын беделі биік басылым. Қалың бұқараның жоғын жоқтап, мұңын мұңдаумен қатар, Көкпекті ауданының саяси, экономикалық, әлеуметтік, мәдени һәм рухани әлемінің, бұрынғы мен бүгінгінің келбетінің айнасы, жарқын болашағының бағдаршамы іспетті.

Read more

ТӨЛ БАСЫЛЫМ СЕКСЕННІҢ ТӨРІНДЕ

Article Details

Өткен ғасыр басындағы тарихымыздың алмағайып кезеңінде негізі қаланып, замананың тулаған толқынында желкенін жықпаған «Жұлдыз» - «Новая жизнь» газеті - әрқашан халықтың жоғын жоқтап, мұңын мұңдап келе жатқан іргелі басылым. Қалың оқырман арасында құрметке бөленіп, таралымын көбейтіп, журналистердің бірнеше   буынын тәрбиелеген қара шаңыраққа, міне, 80 жыл толды.

Қауіп-қатері көп болған өткен ғасырдың отызыншы, елуінші жылдарында да бұл басылым батыл қадамдар жасап, түрлі мәселелер көтере білді. Заман тынысын дөп басып, еңбекші қауымның өмірі мен еңбегін көрсете білді. Ұлы Отан соғысы жылдарында елдің мұқалмаған жігерін танытып, қуаттандырды, халықтың жұдырықтай жұмыла білетін бірлігін паш етті.

Уақыт керуені газетті сексен дейтін сеңгірге алып шықты.

Бүгінгі тәуелсіз елдің төл басылымы - «Жұлдыз» - «Новая жизнь» уақыт талабына сай қызмет етуде.

Басылымның әрбір нөмірі оқырмандарды рухани байлыққа, адамгершілікке, имандылыққа, отансүйгіштікке тәрбиелеуімен жұртшылық қа-уымның көңілінен шығып келеді. Әсіресе, қа-сиетті қазақ тілінің еліміз егемен ел болғаннан бері мемлекеттік тіл дәрежесіне ие болуы мен абыройының асқақтауына да «Жұлдыздың» еңбегі ерен екендігіне ешкімнің де күмәні жоқ деуге болады. Өңіріміздің атпал азаматтары басшылық еткен газетіміздің тарих толқынында аты өзгерсе де, заты өзгермегендігін әр нөмірді оқырмандардың асығыспен күтетіндігінен-ақ түсінуге болады. Бүгінгі күнде де осынау басылымның сапалылығы мен оқырманның көңілінен шығып отырғандығы – газеттің бас редакторы Дархан Бердібек пен өткір ойлы ұжымының арқасы.

Бүгінде газетте заманауи ақпараттық технологияларды меңгерген кәсіби мамандар қызмет етіп, алдыңғы толқын ағалар қалыптастырған дәстүрді жалғастыруда.

«Жұлдыз» - «Новая жизнь» газетінің заман талабына, уақыт лебіне сай жылдан жылға жасап келе жатқан жарқын жаңалықтары, өсу мен өзгеру үдерісі күні бүгінге дейін біздің көз алдымыздан өтіп келеді. Сондай-ақ, бүгінгі ғаламтор дамыған кезеңге сай газеттің жеке сайты мен әлеуметтік желілердегі ақпараттар легінің болуы оқырманның қызығушылығын арттыра түсуде.

Құрметті «Жұлдыз» - «Новая жизнь» газетінің ұжымы мен оқырмандары!

Аудан жаңалықтарының жаршысына айналған Көкпектінің ертеңі мен бүгінін баяндайтын аудандық «Жұлдыз» - «Новая жизнь» газетінің 80 жылдық мерейлі де мәртебелі мерекесі баршаңызға құтты болсын!

Шығармашылықтың шыңынан көрініп, оқыр-мандарды қуантатын жағымды жаңалықтарыңыз көп болып, басылымның мәртебесі арта берсін!

Р.Сағандыков, Көкпекті ауданының әкімі

Read more

БІЗ ОЛАРДЫ ҚҰРМЕТ ТҰТАМЫЗ

Article Details

Дәметкен Захарина

1954 жылы Дәметкен Захарина отбасымен Көкпектіге көшіп келеді. 1958 жылы газет редакторы журналист Қайдар Қыдырханов болған кезеңде «Ленин туы» аталатын аудандық газетке машинисткалық жұмысқа қабылданып, өзінің өміріндегі 40 жылын ол сүйікті жұмысына арнады. Журналистердің мақа-лаларын басатын бұл жұмысты ол үзіліссіз 1991 жылға дейін атқарған. Аудан айнасының рөлінде тұрған редакторлар - С.Демченко. М.Қалматаев, М.Алмабаев, Т.Жабаев, Н.Пу-тинцев, Қ.Сатыбалдин, В.Ту-пицындермен және нағыз қыл қалам шеберлері В.Пиговаев, Қ.Алтынбаев, М.Алифирова, Р.Бархатова, Е.Скопченко, М.Әңкебаев, Р.Уреспаева, Г.Ияшева, Н.Серікбаев, М.Ма-наспаевтармен қызметтес бол-ған. Редакцияда қызмет атқарған жылдарында жоғары білімді, өмірлік ұстанымы биік 9 редактор газетті басқарған. бүгінде еңбегінің зейнетін көріп отырған Дәметкен Захарина Көкпекті ауы-лында тұрады.

Нұрзада Зарықбаева

Туған ауылы Үлгілімалшыдан орта мектепті бітіре сала 1965 жылы аудан орталығындағы баспаханаға жұмысқа орналасып, сол жерден 1996 жылы зейнетке шыққан. Алғаш келгенде Нұрзада Сыдыққызына әріп терудің әдіс-тәсілін үйреткен ұстазы Клара Ағзамова болған.

Read more

«ҚИЯЛДЫҢ ҚАНАТЫН ҚИЯҒА СЕРМЕГЕН...» ТЕРЕКТІ АУЫЛДЫҚ ОКРУГІ

Article Details

«...Аттандық сапарға, көңілде мол арман,

Аттандық сапарға, тосады жол алдан...»

Иә, бүгін мектебі үміт артып шығарып салып жатқан түлектерді ертеңгі күн сеніммен күтеді. Уақыт ағысы кешегі тұлымы желбіреген ұлды жігіт етсе, бантикті қыздың бой жеткені байқалады. Ұстаздардың да, шәкірттерінің де жанарларында сан түрлі сезімнің табы байқалып тұр.

Read more

СӘТ–САПАР, ЖАС ТҮЛЕК!

Article Details

Ағымдағы жылдың 20 маусымында, ауда-нымыздағы мектеп бі-тірушілер үшін толғанысқа толы түлектер балы өтті. Осы күн әр түлектің санасында ең бір ыстық сезіммен қалатыны сөзсіз. Бұл күн бақытты балалық шағының соңғы жаңғыры іспеттес. Осы әсерлі шақ енді қайталанбайтыны бел-гілі. Сол себепті, балалық өмірмен ерекше қоштасу керек.

Бұл күні Самар мектеп-терінің түлектері, ата-аналар, ұстаздар орталық мәдениет үйінің алаңына аттестатты беру рәсіміне жиналды.

Біздің еліміздегі Қазақ хандығына – 550 жыл, Ұлы Жеңіске – 70 жыл, Қазақстан халықының ассамблеясының 20 жылдығы сынды мерейтойлар қарсаңында Самар ауылында 37 түлекке мектеп бітіру аттестаттары тапсырылды. Олардың біреуі «Алтын белгіге», екеуі үздік аттестатқа ие болды.

Салтанатты кернейдің дауысы мен көрермендердің қошеметі балдың қызыл кілем жолындағы «Алтын белгі» иегері, аудандық интеллектуалды марафон жеңімпазы Балым Сейітханға арналды. Оқудағы озат үлгерімі, мектепішілік, аудандың байқауларға және мектептің қоғамдық өміріне белсене қатысқаны үшін Балым «Қазақстан үміті» кітабына енгізілген. Ал «Үздік аттестат» иегерлері Меруерт Мұқанова, Әнел Хайрулина, 100 ұпайдан жоғары нәтиже көрсеткен Жансая Файзулдинова, Санат Сарқытов, Бекзада Базарханова, Кәмила Жайлаубаева мектептерінің мақтанышы.

Олардың соңында мектепішілік пән олимпиадаларының жеңімпаз түлектері, қоғамдық шараларға белсене қатысып, аттары мектеп қабырғасында қалатын спортшылар болды. Содан кейін, аттестатты тапсыру салтанаты басталды. Аудан әкімі Р.Н.Сағандықов мектеп түлектеріне жылы лебізін білдірді.

- Ата-аналарың, ұстаздарың сендерге үлкен үмітпен қарап тұр, әр ұстаздың жүректерінен мақтаныш сезімінің сазын естуге болады. Сіздерге зор денсаулық, ересек өмірге шарықтауларыңа сәттілік тілеймін, - деді Р.Нығметжанұлы.

Мерекелік құттықтауды Самар ауылдық округінің әкімі С.Дюсупов жалғастырды. Ол түлектерге шын жүректен армандарына жетіп, өздері қалаған мамандық иесі болуларына тілектестік білдірді.

Бүгінгі салтанатты кеш барлығы үшін маңызды. Біріншіден, ата-аналарға, себебі, олар жылдар бойы балаларын жеңіске жетеледі. Екіншіден, шәкірттерін білім нәрімен сусындатқан ұстаздар үшін де ең ерекше күн.

Жүрекжарды тілектерін мектеп директоры В.Кутателадзе, ұстаздар Р.Апсадықова, А.Құрманғалиева, Л.Қожаева, ата-аналар атынан С.Хайрулина арнады. Саналы шәкірттер Балым Сейітхан, Камила Жайлаубаева, Ольга Дорожко ата-аналарына, ұстаздарына алғыстарын білдірді.

Мерекелік кеште сахна төрінде мәдениет үйінің әншілері сазды әуенмен жұртшылықтың көңілін көтерсе, бишілері мың бұралып би биледі. Туған ұяларын қимай тұрған түлектер балл кешінде «Куда уходит детство» әнін шырқап, дәстүрлі қоштасу вальсін биледі.

Қоштасу кеші жас түлектердің болашақ армандары жазылған қайықтарды, сол армандарды келешектің кемесіне алып ұшатын көк кептерлерді аспанға ұшыруымен аяқталды. М.Клейннің әдемі хориографиялық көрінісімен, режиссер Л.Гебельдің ұйымдастыруымен өткен кеш оқушылардың, көрермендердің көңілінен шықты.

Қымбатты мектеп бітіруші жас түлек!

Шақырып дала, қалаға,

Сан тарау алда тұр өмір.

Талғаммен таңдап, қала да,

Бірімен соның жүре біл!

Тұмарлық болып адамдық,

Мейірге толсын әр ізің!

Болмасаң – дағы кемеңгер,

Азамат болу – борышың!

 

Қанат АПСАДЫҚОВА

Read more

ДЕНСАУЛЫҚ САҚШЫЛАРЫНЫҢ МЕРЕКЕСІ

Article Details

18 маусым күні Самар ауылының мәдениет үйінде, өз өмірлерін адамгершілігі мол мамандықпен байланыстырған – медицина қызметкерлеріне арналған салтанатты кеш болды. Бұл сала – жауапкершілік пен үлкен күш-жігерді талап ететін қиындыққа толы мамандық.

Мерекелік кештің беташары мәдениет үйінің әншілері Т.Нечаева мен Д.Самаринаның орындауындағы «Нет профессии ближе к Богу» әнімен ашылды. Бұл ән, адам өмірінің қорғаушылары, дәрігерлер мен медбикелердің әнұраны іспеттес.

Read more

ЛАЙЫҚТЫ МАРАПАТТАУЛАР ТАПСЫРЫЛДЫ

Article Details

Медицина қызметкерлерінің елеулі еңбектері ерекше құрмет пен сенімге ие. Себебі бұл салаға қызмет етушілер әрқашан жоғары жауапкершілік пен көптің үміт-сенімін арқалайды. Ауданымыздағы адам денсаулығы мен оның белсенді өміріне адал қызмет ететін ең игі, мейірімді жандардың мерекесі 19 маусым күні Қ.Алтынбаев атындағы мәдениет үйінде аталып өтілді. Мерекелік іс-шара барысында еңбектерінде елеулі нәтижелерге қол жеткізген медицина қызметкерлеріне мемлекеттік марапаттаулар, ұлттық сертификаттар табыс етілді. Атап айтар болсақ, аудандық аурухананың бас дәрігері Р.Сафиоллинова жоғары басқарушылық шеберлігі және қаржы-экономикалық көрсеткіштер деңгейінің жоғарылауына қосқан үлесі үшін «Сала көшбасшысы - 2015» ұлттық сертификатымен және «Экономика саласының мақтанышы» орденімен марапатталды. Сондай ақ, Қазақстан Республикасының рейтингтік көрсеткішінде қола жүлдеге ие болып, «Сала көшбасшысы – 2015» ұлттық сертификаты Көкпекті аудандық орталық аурухана ұжымына табыс етілді. Жоғары кәсіби шеберлігі үшін, ерен еңбегі мен қойылған талаптарды орындай білгені үшін аудандық аурухананың бас есепшісі Б.Оспанова «Кәсіби қызметі үшін» медалін еншіледі. Басқару ісіне қосқан елеулі еңбегі және кәсіби біліктілігіндегі жетістіктері үшін «Жыл маманы – 2015» ұлттық сертификаты аудандық орталық аурухана директорының орынбасары Ә.Рахымбаеваға табысталды. Өз ісіне деген адалдығы мен біліктілігі үшін дәл осындай сертификатпен есеп айырысу үстелінің есепшісі С.Тойшыбаев марапатталды. Аудандық аурухананың мемлекеттік сатып алу жөніндегі есепшісі Ә.Абилов мекемені дамытудағы елеулі үлесі үшін «Бухгалтерлік есеп және аудит – 2015» ұлттық сертификатын алды.

Мейірбан жандарды мерейлі мерекелерімен құттықтап сөз алған аудан әкімі Рамиль Нығметжанұлы Сағандықов аудан тұрғындарының денсаулық сақтау көрсеткіштерін жоғарылатып, еңбектерімен елеулі болған дәрігерлерге алғысын білдірді. Ә.Рахымбаева, Г.Құлмағамбетова, Э.Шрахметова, А.Байсексенова, Қ.Бокрамова, Н.Тупицина, А.Золотухина, М.Омарғазина және туберкулезге қарсы аурухана ұжымы, Г.Абдрасулова және тұтынушылардың құқығын қорғау басқармасының ұжымы аудан әкімінің Алғыс хатына ие болды. Ұзақ жылдар бойы халыққа адами борышын, күрделі дәрігерлік қызметін көрсетіп келе жатқан Н.Аубакиров пен К.Саканаеваның есімдері аудандық аурухананың Құрмет кітабына енді.

Медицина қызметкерлерін тағы бір мәрте мерекелерімен құттықтап, мемлекетіміздің берік іргетасын қалаудағы үлестері үшін алғыс білдіреміз. Жақсылыққа деген сенімдеріңіз артып, кәсіби парыз бен өз мамандықтарыңыз үшін мақтаныш сезімі әрдайым алға жетелесін.

 

Шынымен де, халық игілігіне қызмет етуді жүрек қалауы етіп таңдаған жандарға қандай мадақ болса да лайық. Себебі дәрігерлер – мемлекетіміздің нағыз адал жүректі, биік рухты патриоттары.

 

Жансая СМАҒҰЛОВА

Read more