1 желтоқсан Тұңғыш Президент күні қарсаңында Көкпекті ауылындағы Ж.Шайжүнісов атындағы орта мектебінде «Жас қыран» бірыңғай жасөспірімдер ұйымы Республикалық қоғамдық бірлестігі қатарына салтанатты қабылдау рәсімі өтті.

«Қазақстан! Нұрсұлтан! Жас ұлан!» деп ұрандаған, жүрегінде жалыны бар белсенді оқушылар «Жас қыран» құрамына мүшелікке қабылданды. Ұйымының мақсаты – өскелең жас ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікті қалыптастыру болып табылады.
Сайдың тасындай іріктеліп алынған оқушылардың жанарынан білімге деген құштарлық пен болашаққа деген сенім көрінеді. Болашақта «Мәңгілік ел» тізгінін ұстайтын азаматтар, бүгінгі «Жас қыран» қатарына қабылданған оқушыларымыз екені анық. «Жас қыран» ұйымына 32 оқушы қабылданды.
«Жас ұлан» ұйымына қабылданушыларға галстуктерді табыстау рәсімін Көкпекті ауданының «Құрметті азаматы» Баянды Кәкенұлы Қожамбетов және Жастар орталығының маманы Ақбота Бақытбекқызы Асылханова, мектеп директоры Қажет Жүнісбековке, ұстаздарға және ата-аналарға берілді.

Шебер ұстаздың мақтанышы - дарынды оқушысы болса, дарынды оқушы – мектептің және елдің мақтанышы.
Мектебіміздің қазақ тілі мен әдебиеті пәнінің мұғалімі Куеубаева Саягүл Назарбекқызы да дарынды оқушыларының жетістіктерімен сан мәрте мақтанып та марқайып жүрген ұстаздардың бірі. Осы сөзіміздің дәлелі, ағымдағы жылдың 2 қарашасында Семей қаласында Абай Құнанбайұлының 175 жылдығына арналған «Ұлттың ұлы мұрасы» атты халықаралық өнер және білім фестивалі өткізілген болатын. Қазақстанның түкпір-түкпірінен, Ақтөбе, Атырау, Түркістан, Павлодар т.б. өңірлерден жиналған бұл үлкен додаға Мамай ауылы Аманкелді атындағы орта мектебінен апарған үш оқушысы да жүлделі орындарға ие болды.