Ағымдағы жылдың 11 қазан күні Ж. Шайжүнісов атындағы орта мектептебінде Көкпекті аудандық білім бөлімі және ШҚО Білім басқармасының «Шығыс» өңірлік орталығының ұйымдастыруымен, «Рухани жаңғыру» бағдарламасын іске асыру жағдайында тәрбиенің тұжырымдамалық негіздерін іске асыру шеңберінде «Отбасылық тәрбие және ата-ананың құзіреттілік деңгейін арттыру» тақырыбында облыстық семинар өтті.
Аталмыш семинардың мақсаты, мұғалімнің педагогика-психологиялық құзыреттілігін арттыру мақсаттарында тәрбие жұмысының формалары мен әдістемелерін және олардың балаларды мектепте тәрбиелеуде жауапкершілігін зерделеу болды. Семинарға облыс мектептерінің директордың тәрбие ісі жөніндегі орынбасарлары, сынып жетекшілер, әлеуметтік педагогтер, әдіскерлер қатысты.
Шығыс Қазақстан облысы білім басқармасының «Шығыс» өңірлік орталық директорының орынбасары Исаев Аркадий Анатольевич семинарға модераторлық етті.

Семинардың салтанатты ашылуында Көкпекті ауданының білім бөлімінің басшысы Шолпан Нұрғазықызы Мұстафинова сөз сөйлеп, қонақтарға ризашылығын білдірді. Ал пленарлық бөлімде «Әжелер алқасының» төрайымы Гүлжан Галиева, Преображенка ОМ директордың тәрбие ісі жөніндегі орынбасары Динара Димисинова, патронаттық тәрбиеші Әния Құсаинова, Көкжота орта мектебінің психологі Сара Қожамбетова әр түрлі тақырыпта баяндамалар оқыды. Сонымен қатар, білім бөлімі әдіскерлері Раушан Қанапиянова, Индира Тоқтарбаева, Гүлшат Бақытбектің ұйымдастырумен аудан мектептерінің мұғалімдері шеберлік сыныптар және әртүрлі тақырыпта баяндама, тренинг коучингтер өткізілді. Семинар соңында Көкпекті ауылындағы Балалар өнер мектебі ұжымы мен тәрбиеленушілері дайындаған «Ұлы дала сазы» тақырыбында концерттік бағдарлама қойылды.

Клара ҚАЙЫПЖАНҚЫЗЫ 

Пікір: