Ұлы ақын, композитор, философ, саясаткер, ағартушы Абай Құнанбайұлының 175 жылдығын тойлауға арналған шараларлар Үлгілімалшы ауылында да өтуде. Абай атындағы мектеп-балабақшасының бастауыш сынып оқушылары арасында мектеп кітапханашысы Ақмарал Ақатаева және ауыл клуб меңгерушісінің бірлесе ұйымдастыруымен «Абайды оқы, таңырқа» атты кеш өтті. Шараның мақсаты ұлы Абайды дәріптеу, өмірбаянымен таныстыру, ақынның шығармашылығынан үзінділерді мәнерлеп оқу, слайттар көрсету, кітап көрмесін ұйымдастыру арқылы оқушыларға мағлұмат беру. Бастауыш сынып оқушыларының арасындағы мектеп кітапхана оқырмандары белсенді оқушылар Қарақат Төкенова пен Аяла Қажетованың жүргізуімен іс-шараның басында Ұлы Абайдың өмірбаяны таныстырылды. Оқушылардың ақын өлеңдерін мәнерлеп оқуының өзі халықтың Ұлы перзентіне деген зор құрметтерінің белгісі. Сонымен қатар Жанерке Ысқақ «Желсіз түнде жарық ай» әнін керемет орындады. Гүлназ Қизатова да ұлы ақынның «Ғылым таппай мақтанба»

Өскемен қаласында 4-7 қаңтар аралығында Шығыс Қазақстан облысы ғылыми-әдістемелік «Дарын» орталығының ұйымдастыруымен пәндер бойынша республикалық олимпиаданың облыстық кезеңі өтті. Аталмыш олимпиадаға аудан мектептерінен 20 оқушы қатысып, жүлделі орындарға ие болды.
Көкпекті ауылындағы Ж.Шайжүнісов атындағы орта мектепте дарынды оқу-шылар аз емес. Олардың бірі – Меруерт Қапарова 10 сынып оқушысы. Меруерттің нұрлы жолы осы мектептен басталды. Ол 10 жыл бойы мектепте үздік оқумен қатар қоғамдық жұмыстарға белсене араласады. Меруерттің ағылшын тіліне деген ықыласы ерекше. Ол осы пәнді үздік оқып келеді. Оның пәнге деген сүйіспеншілігін оятқан ұстазы Айжан Қизатқызы Орымбекова. Меруерт аудандық және облыстық пән олимпиадаларының жеңімпазы болып келеді. Жақында рес-публикалық пән олимпиадасында ІІ орынға ие болып жеңімпаз атанды. Меруертке және пән мұғалімі Айжан Қизатқызын жеңістерімен құттықтай келе, алда білім шыңының биігінен көрінуге тілектеспіз.