29 тамыз күні аудандық әкімдіктің мәжіліс залында Шығыс Қазақстан облысы бойынша сыбайлас жемқорлыққа қарсы іс-қимыл Департаментінің тергеу басқармасының қылмыстық құқық бұзушылықты және басқа да Заң бұзушылықты жасауға ықпал еткен жағдайларды жою жөніндегі шараларды қолдану ұсынысы бойынша аудан активі жиналысы болып өтті. 

Аталған ұсынысты қарауға Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің сыбайлас жемқорлыққа қарсы іс-қимыл Ұлттық бюросының (сыбайлас жемқорлыққа қарсы қызметі) Шығыс Қазақстан облысы бойынша Департаменті басшысының орынбасары - Рустем Ерсім-бекұлы Танабаев, Қазақстан Республикасының Мемлекеттік қызмет істері Агенттігінің Шығыс Қазақстан облысы бойынша департамент басшысының орынбасары, Әдеп жөніндегі кеңес хатшылығының меңгерушісі Қайрат Нұрғазыұлы Сапарғалиев келді. Жиынға сондай-ақ аудан әкімінің орынбасарлары, аппарат басшысы, аудандық маслихат хатшысы, ауылдық округ әкімдері мен дербес бөлім басшылары және жергілікті атқарушы органдардың мемлекеттік қызметшілері, аудандық құқық қорғау органдарының басшылары, прокуратура, ішкі істер бөлімдері, жергілікті полиция қызметі, өрт сөндіру, төтенше жағдайлар қызметі, әділет, статистика, кірістер және қазынашылық басқармаларының басшылары, мемлекеттік агроинспекция және ветеринария қызметкерлері, денсаулық сақтау саласының және халыққа қызмет көрсету орталығының басшылары, Нұр Отан партиясы аудандық филиалы төрағасының орынбасары, аудандық ардагерлер кеңесінің төрағасы, аудандық «Жұлдыз – Новая жизнь» газеттерінің редакторы қатысты.

Шараның мақсаты сыбайлас жемқорлық көріністерінен туындайтын қауіп-қатерден, ұлттық қауіпсіздігімізді қамтамасыз етуге, сыбайлас жемқорлыққа байланысты құқық бұзушылықтың алдын алу, анықтау, олардың жолын кесу және ашу, олардың зардаптарын жою және жауапқа тарту арқылы мемлекеттік органдарда лауазымды қызметкерлерді және басқа да тұлғаларды қамтамасыз етуге бағытталған. Күн тәртібінде Шығыс Қазақстан облысы бойынша Көкпекті ауданының «Жер қатынастары бөлімі» және «Кәсіпкерлік және ауыл шаруашылығы бөлімі» мемлекеттік мекемелеріндегі анықталған заң бұзушылықтарды, қылмыстық құқық бұзушылықтар және басқа да заң бұзушылықтар жасауға ықпал еткен мән – жайларды жою жөніндегі шараларды қолдану бойынша ұсыныс қаралды.
Келелі кездесуде сөз алған Қазақстан Республикасының Мемлекеттік қызмет істері және сыбайлас жемқорлыққа қарсы іс – қимыл Агенттігінің сыбайлас жемқорлыққа қарсы іс – қимыл Ұлттық бюросының (сыбайлас жемқорлыққа қарсы қызметі) Шығыс Қазақстан облысы бойынша Департаменті басшысының орынбасары - Рустем Ерсімбекұлы Танабаев өз баяндамасында жемқорлыққа жол берген азаматтарға қолданылар жаза жөнінде мағлұмат беріп, ауданымызда қылмыстың алдын-алу бойынша жүргізген шараларға кеңінен тоқталды.
Шара соңында қатысушылар назарына сыбайлас жемқорлыққа қарсы видеороликтер ұсынылды.
Жемқорлықпен ел болып күресіп жат-қанымызбен қолындағы билігін пайдаланып, реті келсе «бармақ басты, көз қыстының» керін жасап жеңіл пайдаға құныққандар аз емес. Қоғамымызда жемқорлықтың орын алуы, еліміздің экономикалық дамуы мен оның өркендеуіне кері әсерін тигізетіні баршамызға белгілі. Осыған байланысты онымен күресу тек құқық қорғау органдарының ғана емес, барлық мемлекеттік және қоғамдық құрылымдардың ең басты міндеті деп қарауымыз керек.

Пікір: