Құрметті Көкпекті ауданының тұрғындары!
Сіздерді 1 мамыр – Қазақстан халқының бірлігі күні мерекесімен құттықтаймыз! Көктемнің осынау көзайым мерекесі әз Наурыздың жалғасы іспетті. Тіршілік түрлене түлейтін жайдарлы шақта мерейлі мерекелердің бірінен соң бірінің келуі үміт пен сенімнің сабақтастығын білдіреді. Бүгінде мемлекеттік салиқалы саясаттың арқасында ел аумағында жүзден астам этнос өкілдері тату-тәтті өмір сүруде. Қазақстан халқы Ассамблеясының берекелі шаңырағына топтасқан этностар қашанда елдігімізді танытар игі бастамаларға қолдау білдіріп, ырысты ынтымағымыз бен берекелі бірлігімізді бекемдеу жолында жүйелі әрі үйлесімді жұмыс істеуде.
Елімізде этностардың ана тілі мен мәдениетін сақтауға лайықты жағдай жасалған. Бұл мерекелі күн аудандағы этномәдени бірлестіктер біріккен этностардың тілі, салт-дәстүрі және мәдениеті күндерімен жалғасып, бейбітшілік бейнесін орнықтырып келеді.

Елбасы жүктеген ауқымды әрі мерейлі міндеттерді іске асыруға біз қашанда тастүйін дайынбыз. Халқымызда «Бақ қайда барасың − ынтымаққа барамын» деген дана сөз бар. Жасампаздыққа негізделген осы ойымыздың ойдағыдай жүзеге асуы ең алдымен әрбіріміздің қажырлы еңбегіміз бен пайымды парасатымызға байланысты.
Бірлік – еліміздегі саяси-экономикалық тұрақтылық-тың басты әрі негізгі кепілі. Бағындырған белестеріміз бен жеткен жетістіктеріміз ауызбіршілік пен шынайы түсіністіктің жемісі.
Құрметті жерлестер!
Айтулы мерекемен шын жүректен құттықтай отырып, баршаңызға зор денсаулық, отбасыларыңызға құт береке тілеймін. Береке, бірлік, ынтымағымыз жарассын! Бір тудың астында, бір мақсатты көздеген аудан халқының достығы жасасын! Қазақ елінің даңқы арта берсін! Қазақстан халқының бірлігі мерекесі қазақстандықтардың ынтымағын жарастырып, ырысын арттырсын. Баршаңызға амандық, шаңырақтарыңызға шаттық, отбасыларыңызға бақ-береке тілейміз! Ырысты ынтымақ, берекелі бірлік жолы жалғаса бергей!

М.Теміржанов,
Көкпекті ауданы әкімінің міндетін атқарушы
Т.Сарманов,
маслихат хатшысы

Пікір: