Тамыздың 17-19 күндері Алматы қаласында 2002-2003, 2004-2005, 2006 жылғы жасөспірімдер арасында үстел теннисінен Республикалық дәрежедегі турнир болып өтті. «Шаңыраққа жол» деген атпен өткізілген спорттық додаға Қазақстанның 9 облысынан келген теннисшілер қатысып, мәреге Алматы және Қарағанды қалаларының спортсмендері шықты.

Шығыс Қазақстан облысынан біздің жас теннисші Дарын Кеңесханов қатысты. Ол жақсы ойын көрсетіп қана қоймай, жасөспірімдердің арасында бірінші орынды қанжығасына байлады. Дарын бұл турнирге қатысу үшін, арнайы «Шаңырақ» оқу-жаттықтыру мектебінде жаттықты. Мұнда ол Қазақстан Рес-публикасы Федерациясының білікті теннис жат-тықтырушыларынан арнайы жаңа заманауи техникаларды үйреніп дәріс алды. Аталмыш турнир барысында өнер көрсеткен балалар өздерінің ептіліктері мен көз ілеспес шапшаңдықтарын, шеберліктерін көрсетіп, жанкүйерлерін тәнті етті.

В рамках реализации плана мероприятий Государственной программы «Саламатты Казахстан 2011- 2015 годы» прошла широкомасштабная акция  «Фестиваль здоровья» под девизом «Скажи: «Да!»- здоровому образу жизни!»

 5 сентября на стадионе с.Самарское царила праздничная атмосфера, играла музыка. На территории модуля  вывешен огромный баннер  «Спорт- основа здоровья, здоровье –основа богатства».

На стадионе уже подготовились к выступлению команды медицинских работников «МРБ Кокпектинского района», студентов Самарского аграрно-технического колледжа, школ – им.Болганбаева, № 1, детского сада, МСУ и другие

Ағымдағы айдың 15 жұлдызында Қазақстан Республикасы Конститутциясының 20 жылдығына, еліміздің Ұлы ақыны әрі данышпаны Абай Құнанбайұлының 170 жылдығына және Спорт күніне арналған ауылдық округ командалары арасында Көкпекті ауданы әкімінің жүлдесіне XIX спартакиада өтті. Аталмыш доданың өткізілу мақсаты, Қазақстан Республикасының Президенті Н.Ә.Назарбавевтың жолдауларын іске асыру, спортшылардың патриоттық сезімін және достық қарым-қатынасын нығайту, халық ойындарымен спорт ойындарын дамыту, ауыл тұрғындары арасында салауатты өмір салтын насихаттау, облыстық жарыстарға қатысу үшін аудандық құрама команда іріктеу болып табылады.
Спартакиаданың ашылу салтанатына Көкпекті ауылдық округі әкімінің орынбасары Қ.Мұқышев қатысып, сайысқа түсушілерге сәттілік тіледі. Нағыз алғырлардың ойыны шахмат бойынша Көкпекті ауылының А.Нұрмұхамбетов, Ш.Шалбаев және Р.Изубчикова атты ойыншылары жүлделі 3 орынды иеленді.
А.Рахымбаев, Е.Әділбеков, З.Серіков, В.Минх, Е.Әбілов, А.Қапанов, Ә.Ақжігітов, Б.Батталов, Ә.Сыдықов, О.Сұлтанов сынды жас шымыр денелілерден құралған футбол 1 орынды иеленді. Олар өздерінің нағыз аяқ доп шеберлері екендіктерін көрсете алды. Балалар үйінің денешынықтыру нұсқаушысы және тәрбиешісі Қ.Тыныбаевтың бастамасымен жеңіл атлетикадан Д.Кандрашева, Ю.Шушакова, А.Проскуряков, шахмат және дойбы ойындары бойынша Р.Изубчиков, К.Жеңісова, қол күресіне М.Ахметов, гір көтеруден А.Бурыгин қатысты.
Спартакиада жеңімпаздары мадақтама қағазымен және бағалы сыйлықтармен марапатталды.
Спортпен шұғылданатын жастардың ауданымызда көп болуы саламатты ұрпақ тәрбиелеп жатқандығымызды көрсетеді. Бүгінгі додада сайыпқырандарымыздың жеткен жетістіктері соның айқын дәлелі. Ауданымыздың спортшылары жасай берсін! Денелері шымыр, жүректері жігерлі, білекті де білімді болсын дегім келеді.

Көкпекті ауылдық округі бойынша
жастар саясатының маманы А.Төлегенова

Қайсар рух пен қара күшті қару етіп, еркіндік үшін күрескен бабаларымыздың ерлік жолындағы күресі бүгінгі таңда айбыны аспан тіреген тәуелсіздік тұғырын биіктетті. Сондай елдің төсінде өмірге келіп, құлашын биікке, қанатын кеңге сермеп өскен перзент еліміздің арайлы таңының пердесін тек өзі ғана аша алатынын сезінуі тиіс. Бүгінде мемлекет те оларды ерекше назарға алып отыр.

Елімізде үкілі үміт иелерінің мерекесі 2000 жылдан бастап ағымдағы айдың 12 жұлдызында аталып өтіледі. Биыл ауданымыздың жалындылары мерекені атап өтуге таң атысымен кірісті. Бірінші кезекте «Толағай жастары» атты патриоттық акциясы өткізіліп, жастар топ болып ауданымызды құшағына алып тұрған Толағай тауына шығып, еліміздің көк байрағын тікті.