16 ақпанда Толағай ауылында Кеңес әскерлерінің Ауғанстан жерінен шығарылғанына және интернационалист-жауынгер Марат Бейсембаевты еске алуға арналған Көкпекті ауданының негізгі мектептері арасында шаңғы жарысы өтті.
Қараөткел, Палатцы, Шәріптоғай, Романов, В.Маяковский атындағы мектептің оқушылары және жарысты ұйым-дастырушы мектеп өздерінің спорттық дайындықтарын көрсетті. Ауған соғысының ардагерлері Ерлан Жұмажанұлы Жұмажанов пен Ахат Әділбекұлы Терлікпаев, дене шынықтыру және спорт бөлімінің бас маманы Сәбит Темірханов, аудандық білім бөлімінің әдіскері Талғат Қасаинов спорттық шараның құрметті қонақтары болды. Шаңғы жарысы басталмас бұрын акт залында Кеңес әскерлерінің Ауғанстан жерінен шығарылғанына 30 жылдығына арналған іс-шара өтті. Шара мектеп директоры Гүлфия Тоқтасынованың кіріспе сөзінен басталды. Оқушылардың орындауында соғыс жылдарындағы патриоттық өлеңдер мен әндер көрермендерді бей-жай қалдырмады. Осы салтанатты жағдайда ардагерлерге құрмет көрсетіліп, Ауған соғысында қаза тапқан сарбаздарды еске алды.

Ағымдағы жылдың 13 ақпанда Көкпекті ауылындағы №1 БЖСМ Ауғанстаннан Кеңес әскерлерінің шығарылғанына 30 жыл толуына орай жасөспірімдер арасында дзюдодан аудандық ашық турнир өткізді.

Оған 8 командадан 130 дзюдошы қатысты: №1 БЖСМ - 50 бала, Көкжайық - 13 бала, Үлкенбөкен - 20 бала, Тассай - 14, Биғаш - 13, Шұғылбай - 9 бала, Көкжота - 14, Амангелді - 3.
Турнирдің ашылу салтанатында аудан әкімінің орынбасары М.Теміржанов, ауған соғысының ардагері Е. Жұмажанов сөз сөйледі. Дене шынықтыру және спорт бөлімінің басшысы Е.Кәрібаев Ауған соғысының ардагерлеріне Алғыс хат табыс етті, ал ата-аналар комитеті оларға гүл шоқтарын сыйлады. № 1 БЖСМ бас төреші – жаттықтырушысы Ө.Төлеубеков турнир қатысушыларын, сонымен қатар, жарыс бағдарламасын таныстырды. Ата-аналар жарыс кезінде спортшылардың тамақтануын қамтамасыз етті.

Ауданымыздың спортшылары қай жарыстан да жүлдесіз қайтпаған. Жыл сайын өткізілетін турнир биыл да жалғасын тауып, ағымдағы жылдың 25-27 қаңтар күндері аралығында Кеңес Одағының спорт шебері Тоғайбек Кірібаевтың жүлдесіне арналған Семей қаласында еркін күрестен ашық облыстық турнир болып өтті.
Бұл турнирге облыстың әр аудандарынан үміткерлер қатысса ауданымыздан барған 8 спортшының төртеуі жүлдемен оралып, жаттықтырушыларының үмітін ақтады.
Олар: ІІ орын Әлихан Байтуров, ІІІ орынды Бекзат Әкежанов, Әкежан Талғатов, Жарақтан Шаһ-Керім қанжығалап қайтты.
Жаттықтырушы Жандос Серікұлының өз шәкірттері болашақта биік белестерді бағындыратындықтарына сенімі мол.

Ағымдағы жылдың 23 қаңтар күні аудан орталығындағы білім ордасы Ж.Шайжүнісов атындағы орта мектебінде «Самбо» күресінен бірнеше дүркін чемпионы, спорт шебері, ардагер спортшы Серікболсын Асырандыұлы Тлебалдинмен «Үлкендер жолы ұлылық, ұрпағы жүрер ұғынып» тақырыбында кездесу өтті.