Сәуір 2014

АҚПАРАТТАР АҒЫНЫ

Article Details

АУЫЛДЫ АБАТТАНДЫРУ БЕЛСЕНДІ БАСТАЛДЫ

Көктем келіп, қар кетіп, тауда бәйшешек гүлдеп, ағаш жапырақтары бүрлей бастады. Айналаны қараторғай әнімен тербетіп, ауыл тұрғындарын далаға шақырып тұрғандай. Палатцы ауылдық округінің тұрғындары да 12 сәуір күні таңертеңнен іске кірісті. Ауылдық округ әкімшілігінің қызметкерлері ауыл әкімі Б.Мұқышев бастаған бір топ адам айналаны тазалау жұмысына кірісіп кетті. Сенбілікке мектеп мұғалімдері де, оқушылар да қатысты. Әр жерде көңілді күлкі, әзіл-қалжың естіліп, барлығы жұмысты қызу атқарды. Әкімшілік жұмысшысы В.Толоконцев өзінің жүк көлігімен қоқыстарды шығарды. 

Ал, бір күн бұрын ауылдың бұрынғы кеңшар жақ бөлігіне баратын жолына құм мен тас төселді. Онда да ауыл тұрғындары белсенділік пен бірліктерін паш етті. Бақытжан мен Руслан Дүзбенбетовтар, Н.Мәкиленов, С.Василенко көліктерімен құм, тас тасыды. Ал «ОблШығысЖол» ЖҚБ-6 басшысы М.Қожамжаров тиегіш бөліп, көмек көрсетті. Осылайша, ауылды абаттандыру жұмысы қызу түрде басталды. Әрі қарай да жалғасып, жасыл желек егу жұмыстарын да атқаруға дайындық жақсы. Аз уақыттың ішінде ауыл іші танымастай өзгереді деп сенеміз.

В.Кронвальд, ауыл тұрғыны

 

КӘСІПКЕРЛЕРМЕН АШЫҚ ӘҢГІМЕ ЖҮРГІЗІЛДІ

18 сәуір күні Преображенка ауылында Ұлттық кәсіпкерлер палатасы филиалының директоры Ә.Мұқашеваның төрағалығымен және аудандық кәсіпкерлік бөлімінің қатысуымен бизнестің дамуы мәселесі бойынша отырыс өткізілді. Оған Үлкенбөкен, Белое және Қ.Аухадиев атындағы ауылдық округтің кәсіпкерлері қатысты.

Әлия Орынбекқызы бизнесмендерге кәсіпкерлер палатасының жұмысы жайлы әңгімелей келе, 100 бизнес-жоспарды назарға ұсынды. Ниет білдірген адамдар бұл жоспарлар жиынтығын өз округіндегі ауылдық әкімшіліктен тегін түрде ала алады. Сонымен қатар, Әлия Орынбекқызы кәсіпкерлер тарапынан қойылған сұрақтарды тыңдай келе, барлығына жауап беруге тырысты. Қ.Аухадиев атындағы округтің кәсіпкерлерін толғандырған мәселелердің негізгісі  - әлеуметтік маңызға ие тауарлардың бағасын өз құнынан 10 пайызға артық көтермеуді ретке келтіру, көкөніс өнімдерін қолайлы бағамен өткізудің жолдарын қалыптастыру, сонымен қатар Елбасымыздың 2 сәуірден бастап күшіне енген хабарламасына қарамастан, айыппұл шараларын салып келе жатқан Көкпекті аудандық салық қызметінің жұмысына қатысты болды. Кәсіпкерлер палатасы филиалының директоры бұл мәселелерді жақын арада шешіп беретініне уәде берді.

«Жұмыспен қамтудың жол картасы-2020» бағдарламасына қатысу мәселесі бойынша тұрғындар тарапынан Үлкенбөкен ауылында балташылық цех пен Преображенка ауылында саңырауқұлақтар өсіру ісін ашу туралы ұсыныстар айтылды. Бұл жобалардың барлығы кәсіпкерлік бөлімі мен ауылдық әкімшіліктерде қаралып, Бағдарламаға енгізілетін болады.

Осы тәріздес кеңес отырыстары Миролюбовка ауылдық округінің кәсіпкерлерімен өткізілген болатын. Алдағы уақытта ауданның басқа да округтерінде өткізіледі деп жоспарланып отыр.

 

ТАТУ-ТӘТТІ ЖӘНЕ ЖҰМЫЛА ЖҰМЫС ЖАСАДЫ

Сенбі күні үлкенбөкендіктер ұсақ жапырақты шегіршіннің 350 түп көшетін отырғызды. Қолдарына күректер мен шелектер ұстаған аурухана, Самар аграрлық-техникалық колледжінің Үлкенбөкен филиалы, сұрыптау учаскесі, орман шаруашылығының қызметкерлері мен кәсіпкерлер өздеріне тиесілі аумақта ұйымшылдықпен жұмыс атқара білді. Ал, мектеп және әкім аппаратының ұжымы ауыл әкімі Н.Назархановтың басшылығымен ауыл ортасындағы мерекелер өткізілетін алаңда абаттандыру жұмыстарын жүргізді. Қазіргі таңда, бұл жерге үлкен сахна орнатылып, жарық тартылған. Нұрлан Үмітқазыұлының айтуынша, кезекті сенбілікте саябақ және балалар алаңының орынын ауыстыру мен абаттандыру бойынша жұмыстар қарқын алатын болады. Сонымен қатар, «Туған жерге тағзым» акциясы аясында жаңа саябақ салу мен ауыл маңындағы зираттарды қоршау жоспарланған.

Бір кісідей болып атқарылған жұмыс нәтижесінде үлкенбөкендіктер патриоттықтың жақсы үлгісі мен өз ауылына деген махаббаттарын көрсетті.

 

ИНВЕСТИЦИЯНЫ ҰЛҒАЙТУ

Сарыбел ауылдық округінің шаруагерлері ауылшаруашылық техникаларын жөндеуден өткізу жұмыстарын тәмамдап қалды. Ауа райының салқындауына байланысты алғашқы көктемдік шаралар кейінгіге қалдырылып отыр.

Ауылдық әкімшілік мектеп ғимараты алдындағы алаңқайды абаттандыру, ол жерге жас көшеттер отырғызуды жоспарлап отыр. Отырғызылған жас шыбықтарды мектеп оқушылары күтіп-баптайтын болады. Таяу арада ауылдың эстетикалық көркіне зиян келтіріп тұрған бұрынғы мектеп ғимаратының мәселесі шешімін таппақ. Қазіргі таңда ауылдық округ әкімінің аппараты меншіктік құқыққа иемдену туралы құжаттарды даярлап қойған.

Инвестиция тарту мәселесі бойынша жеке кәсіпкер Онғарбаевтың шаруашылығы 17 бас асыл тұқымды жылқы сатып ала отырып, сол арқылы ауылға 6 млн. 600 мың теңгенің инвестициясын құйған.

 

ЖАҢА САЯБАҚ ЖАЙНАЙДЫ

Миролюбовка ауылындағы ұзақ уақыт қаңырап бос тұрған ескі балалар бақшасының аумағы біртіндеп сәулеттендірілген, тамаша алаңға айналып келеді. Оның аумағындағы кәрі және қураған талдар арамен кесіліп тасталды. Ал, оның орынына қарағай, алма, аққайың, қарақат, емен, шырғанақ ағаштары отырғызылды. Ауылға барлығы 200 түп көшеттер әкелінген болатын. «Миролюбовка» ШҚ басшысы Е.Бородин өз қарамағындағы бір ғимаратты хылықтың тұрмыс қажетін өтейтін шағын үй мен шаштараз ашу мақсатында бөліп отыр. Сол себептен, бұл жерді көрнекті қылып, қалыпқа келтіру қажет.  

Асламов атындағы орталық көшенің тұрғындары өз үйлерінің қоршауларын жаңартты. Осы мақсатта ауылға 1000 ағаш қадалар жеткізілген болатын. Ендігі уақытта ауыл тұрғындарының көбі осы акция барысына қатысуға ниет білдіріп отыр. Ауылдың сауда нүктелері аумағында да гүлзарлар егіліп, жас көшеттер отырғызылатын болады.

 

АПАТТЫ ҚОҚЫСТАРДЫ ЖОЮ

Самар ауылы жылдан жылға көркейіп, гүлденіп келеді. Биылғы көктемге ауыл аумағына тағы 500 түп шегіршін, алма ағашы және қараған көшеттері отырғызылады. Сенбілік барысында ауыл тұрғындары көше бойындағы талдарды әктеп, апатты қоқыстарды, әсіресе, Глухенко көшесінде жиналып қалған қалдықтарды  жоюмен айналысуда. Бұл жұмыстарға Е.Болде, ЖҚБ-6, «Каскад» ЖШС, аграрлық-техникалық колледжі, Самар ауылының тұрғыны А.Чуланов ұсынған техникалар жұмылдырылып отыр.

Жаңалықтар топтамаасын әзірлеген Екатерина СКУДАРНОВА

Read more

МӘҢГІЛІК ЕЛ: ТІЛГЕ ҚҰРМЕТ- ЕЛГЕ МІНДЕТ

Article Details

Ағымдағы жылдың 18 сәуірі күні аудан орталығында Қ.Алтынбаев атындағы Мәдениет үйінде аталмыш тақырыпта келелі ой қозғап, ұсыныс-пікірлерді ортаға ашық салған қатысушы көпшілік қауым, тіл жанашырлары аудандық жұмыс Кеңесінде бас қосты. Мәңгілік ел болу ұлттық идеясының ажырамас бір бөлшегі болып табылатын мемлекеттік тілдің аудан көлеміндегі жай-күйі туралы мәселелер қозғалған жұмыс Кеңесінің бастамашысы және ұйымдастырушысы - Мәдениет және тілдерді дамыту бөлімі.

Read more

СЕНБІЛІКТЕР ЖАЛҒАСУДА

Article Details

Кезекті сенбілік аудан тұрғындары мен мекемелер үшін, аудан көркі мен оның тазалығына шын мәнінде жаны ашитын адамдар үшін нағыз еңбек майданына айналды. Сенбілік кезінде аула іштері мен бас көше бойлары және кіші көше қиылыстарына аса көңіл бөлініп тазаланса, бірқатар аумақтарға жас шыбықтар отырғызылды.

Аудан орталығында аймағымыздың санитарлық тазалығы мен көгалдандыру жұмыстарына арналған екіайлық тазалық акциясы аясындағы жалпыхалықтық сенібілік осымен 3-ші апта ұйымдастырылып отыр. Аудан тұрғындарының ауызбіршілігін арттырып, басын қосқан сенбілік барысында аудан орталығының көшелерінде, саябақтар мен мекемелер алдында тау-тау болып үйілген қоқыстың орнын көк желек шыбықтар алмастырып, өлкеміздің көркін аша түсті.

Бұл күні аудандағы түрлі мекеме қызметкерлері, қоғамдық ұйымдар мен ауыл халқы да қолдарына күрек, тырма, сыпырғыш алып, тазалық жұмыстарына белсене атсалысты. «Көп түкірсе көл» демекші, әр мекеме қызметкерлері өздеріне тиесілі жер телімдерін көтеріңкі көңіл-күймен әп-сәтте тазалап шықты.

Бір қуантатыны, көкпектіліктер туған ауылдың гүлденуіне бейжай қарамайтындығын әр сенбілік сайын сөзбен емес, іспен дәлелдеп келеді. Денсаулық кепілі – таза ауа мен жасыл желек екендігін мойындаған олардың белсенділігі әр сенбілік сайын артқандай. Дегенмен, аймағымыздың мұнтаздай тазалығына әлі де көп еңбек ету керек. Сондықтан, алдағы уақытта сенбіліктер өз жалғасын таппақ.

-Ауданда тазалық жұмыстарын жүргізіп, оны көркейту мақсатында арнайы жоспар жасақталып, аудан көлемінде екіайлық сенбілік жарияланған болатын. Өткен сенбіліктерде де, осы аптада да мекеме ұжымдары мен аудан тұрғындары тазалық жұмыстарын ойдағыдай атқарып, қызу еңбек етті. Ұжым болып атсалыса отырып, қолдарына күрек, сыпырғыларды ұстап, сенбіліке бір адамдай атсалысып, тазалыққа өз үлестерін қосты. Осы аптада өткізілген сенбілік барысына 1414 адам қатысып, 43 гектар жер тазаланды. Аудан аумағында қарағайдың 200 түбі мен 100 түп аққайың көшеттері отырғызылды. Жиналған қоқыс қалдықтарын шығару үшін арнайы 9 техника жұмылдырылды. Шығарылып тасталған қоқыстар 210 тоннаны құрады, – дейді Көкпекті ауылдық округі әкім аппаратының жетекші маманы Е.Әубәкіров.

Сенбілік барысында ұйымшылдықтарын көрсетіп, еңбекке құштар, жақсы жұмыс атқарған ұжым ретінде Оңалту орталығы, СЭҚ, ТҮКШ, Раев атындағы балалар үйі, «Балерке» балабақшасы, Сараптама орталығы мен ӨБ-58 қызметкерлерін атап өткен жөн. Алайда, Е.Әубәкіров немқұрайлылық танытып, аудан аумағының тазалығы жұмыстарына қатыспаған мекеме де болғанын айтты. Ол - Қорғаныс бөлімі. Халық қауіпсіздігі сақшылары міндеттерінің көп болғаны соншалық, сенбілікке шығуға мұршалары жетпей жүрген шығар деген ой түйдік.

Бір айта кетерлігі, осы аптадағы сенбілік қарсаңында Жастар орталығының бастамашылдығымен Риддер қаласынан 1000 түп көшет жеткізілді. Бұл шара «Парасатты жастар лигасы» қоғамдық бірлестігі ШҚО жастар саясаты мәселелері басқармасының қолдауымен Шығыс Қазақстан облысы бойынша жүргізіліп жатқан «Өзің үшін» экологиялық акциясы аясында жүзеге асырылып отыр. Шығыс Қазақстан облысында ұйымдастырылған  аталмыш акцияның басты мақсаты – облыс аумағын көгалдандыру мен экологиялық мәселелерге қоғамның көңілін аудару, өсіп келе жатқан ұрпақ пен жастарды экологиялық тәрбиелеуге тарту болып табылады. Жеткізілген 1000 көшеттің 500 түбі шырша болса, қалған 500 түп қарағай шыбықтары. Ағаштың қоршаған ортаға беретін пайдасының мол екенін жіті түсінген Көкпекті аудандық «Нұр Отан» партиясы филиалы ең алғашқылардың бірі болып ғимарат ауласына 10 түп қарағай мен 10 түп шыршаның көшеттерін отырғызды. Қалған жас тал шыбықтарының 20 түбі Ж.Болғанбаев мектебіне тапсырылса, 200 Белое ауылына, 400 Көкжайық ауылына, 300 Көкпектіге және 100 түбі аудан тұрғындарына таратылып берілді. “Бір мұсылман бір ағаш отырғызса немесе бір нәрсе ексе және одан бір құс, бір адам немесе жануар жесе, ол адам үшін садақа болып есептеледі” деп қасиетті Құран Хадисте көрсетілгендей, осындай сауапты іс жасап, ауыл халқын тегін көшеттермен қамтамасыз еткен Жастар орталығына тұрғындар тарапынан алғыстар көптеп айтылды.

Ауыл-ауылға жеткізілген көшеттерді отырғызу жұмыстарын сол елді мекендердегі жастар саясаты жөніндегі мамандар ұйымдастырды. Соның нәтижесінде әр ауылда көгалдандыру, әрбір көше мен ауланы жасыл желекке бөлеу жұмысы қарқын алды. Бұл игілікті істен Шұғылбай ауылдық округінің жастары да шеткері қалмай, белсенділік танытты. Ауылдық жастар кеңесінің мүшелері А.Ыдырышова, Д.Мауытқазинов, А.Шәріпбекова, А.Мұсағазинова, О.Мұқатаев және бір топ ауыл жастары жұмыла отырып, 17 түп көшет отырғызды. Ал, Миролюбовка ауылдық округінің жастары «Атадан мал қалғанша, тал қалсын» деген ата-бабамыздың өсиетін берік ұстанып, ұйымшылдықтарымен, белсенділіктерімен көзге түсті.

Ауылдарымыздың көркеюі әр аулаға байланысты екені белгілі. Ауланы абаттандыру - ауылдың абыройы. Сол себептен, алдағы уақытта өз жалғасын табатын игілікті істен шеткері қалмай, оған бір кісідей атсалыссақ, ауылымыздың абыройы арта түсетіні анық. "Ауылын көріп, азаматын танығандай" беделіміз биік болсын, ағайын!

Арайлым МИРАТҚЫЗЫ

Read more

ЧЕРНОБЫЛЬСКАЯ ТРАГЕДИЯ

Article Details

 ОПАСНАЯ  ЗОНА

 Человек своими руками создает мир, в котором он живет, созидает и, редко когда задумывается о том,  какую опасность  таит в себе то или иное изобретение, которое задумано для его  блага и есть ли от него «противоядие». Динамичный прогресс в науке, достижения в других областях культуры, позволили человеку вырваться в космос, предоставили в их распоряжение неизвестные ранние источники энергии.

Сигнал тревоги, прозвучавший в мирной ночи  26 апреля 1986 года на Чернобыльской атомной электростанции, всколыхнул весь мир. Он стад грозным предупреждением человечеству о том, что колоссальная энергия, заключенная в атоме, без надлежащего контроля над ней, может поставить вопрос о существовании людей на планете. Авария расценивается как крупнейшая в своём роде за всю историю ядерной энергетики, как по предполагаемому количеству погибших и пострадавших от её последствий людей, так и по экономическому ущербу. На момент аварии Чернобыльская АЭС была самой мощной в СССР.

Чернобыльская катастрофа ясно дала понять миру, что вышедшая из-под контроля ядерная энергия не признает государственных  границ. Радиоактивному заражению подверглись  территории Украины, Белоруссии, России, Австрии, Германии, Италии, Великобритании, Швеции, Финляндии, Норвегии и ряда других стран Западной Европы. Из некогда зеленого цветущего края украинский животворный Чернобыль превратился в смертоносное пепелище, в зону опасного радиоактивного заражения.

 

ОЧЕВИДЕЦ ТЕХ ТРАГИЧЕСКИХ СОБЫТИЙ

 Эхо Чернобыльской трагедии прозвучал как набат во всех уголках планеты. По официальным данным, для ликвидации последствий были мобилизованы значительные ресурсы -   более 600 тыс. человек. Основную тяжесть  в аварийно-спасательных, восстановительных работах в самом эпицентре аварии и в прилегающих районах,  приняли на себя солдаты, проходившие службу в рядах Советской Армии бывшего СССР.

На протяжении ряда лет несвоевременность, неполнота и противоречивость официальной информации о катастрофе породили множество независимых интерпретаций. Иногда жертвами трагедии считают не только граждан, умерших сразу после аварии, но и жителей прилежащих областей, которые вышли на первомайскую демонстрацию, не зная об аварии. При таком подсчёте, чернобыльская катастрофа значительно превосходит атомную бомбардировку Хиросимы по числу пострадавших.

На сегодняшний день есть и наши земляки – очевидцы тех событий, которые непосредственно принимали участие  в ликвидации последствий аварий Чернобыльской АЭС. Одним из них является самарчанин Кайрат Каймулдинов.

- В ряды Советской Армии я был призван в 1986 году в Челябинскую область, в одну из её засекреченных зон. После учебки нас, новобранцев в количестве 30 человек, отправили на Украину, в Чернобыль. Службу мы проходили в спецкомендатуре, - вспоминает Кайрат Кажиекпанович. -  В нашу задачу входило патрулирование района, сопровождение прибывших солдат до места назначения. Мы находились под постоянным наблюдением врачей, через каждые 20 минут у нас брали пробы крови, меняли спецодежду, которой порой не хватало для всех. Нам было по 18 лет, мы принимали присягу на верность Родине, беспрекословно выполняли приказ вышестоящих органов и командиров. Мы тогда и не знали, чем нам грозило присутствие на радиоактивно- зараженной местности. Наша группа прослужила в районе Чернобыля 2 месяца и 5 дней. И этого оказалось для нас достаточно, чтобы получить дозу облучения. В целом, солдаты, добровольцы, прибывшие на территорию Чернобыля, не задерживались более двух-трёх месяцев, была большая сменяемость, т.к. человеческий организм просто физически не мог выдержать такие непредвиденные  нагрузки

Кайрат не без сожаления говорит о том, что из 30 человек, которые побывали в опасной зоне, пятеро остались служить, а остальных 25 солдат досрочно комиссовали.

- Сегодня в живых нас осталось всего два человека. Всего по нашей республике  в ликвидации аварий на Чернобыльской атомной электростанции с 1986 по 1989 годы  приняло  участие 37тыс.750 человек, в живых числятся 6 тыс.350 человек,- констатирует факты Кайрат Кажиекпанович.

По характеру видно, что бывший солдат энергичный, живой, не унывает на жизненные ситуации, которые порой бывают не в его пользу. «При Союзе на нас обращали внимание, выделялись коммуслуги, а сейчас автоматически начисляют  пособие  по нетрудоспособности 3-й группы и больше ничего. А здоровья – то нет, с виду кажется, что мы здоровы, а на самом деле,  мы «обожжены» Чернобыльской катастрофой».

Союз ветеранов Чернобыля и Локальных войн РК по согласованию с Международным органом Союза Чернобыля наградили в прошлом году Кайрата Кажиекпановича орденом «За службу Родине и особые заслуги»,  он имеет ряд других памятных медалей. Бывшие солдаты знают, что просто так медали и ордена не дают, их надо заслужить, доказать, что ты настоящий воин, защитник, с честью выполнивший приказ командира.

 

ТОСКА СИЛЬНЕЕ СТРАХА…

 …Сегодня Чернобыль залечивает свои раны и к ней возвращаются те, кто много лет назад покинул ее, спасаясь от последствий катастрофы.  Туда возвращаются те, кому некуда было идти, те, в ком тоска по дому, по родному краю сильнее страха за жизнь и здоровье…

Мы должны всегда помнить трагические уроки истории и быть настороже, чтобы никогда не повторилась Чернобыльская трагедия, унесшая тысячи и тысячи жизней, чтобы не пролились слезы безвинных людей, пострадавших из-за беспечности ответственных лиц.

 Канат АПСАДЫКОВА

Read more

МӘҢГІЛІК ЕЛ: УВАЖЕНИЕ ЯЗЫКА – УВАЖЕНИЕ НАЦИИ

Article Details

 Именно  с такой повесткой 18 апреля в районном Доме культуры прошел семинар. Организатором мероприятия является районный отдел культуры и развития языков. В центре внимания участников семинара был вопрос о состоянии и перспективах развития государственного языка в районе.

Освещая актуальную проблему дня руководитель отдела культуры и развития языков А.Саржанов в частности сказал: «Для дальнейшего развития и применения языков в регионе предусмотрено создание социально-лингвистического совета. Это означает поднятие престижа государственного языка  в рамках претворения в жизнь государственной политики по его  дальнейшему развитию, выполнение нормативно-правовых актов, заслушивание на аппаратных совещаниях  актуальных вопросов по языку,  укрепление материально-технической базы учебных центров, решение вопросов  необходимого финансирования . В государственных программах до  2020  года главной стратегической задачей является сохранение языков этнических культур, внедрение в широкое применение государственного  языка, чтобы он стал жизненно - необходимым каждому казахстанцу, начиная от детского сада, школы, ВУЗа, в государственных учреждениях, сферах бизнеса и предпринимательства», - отметил выступающий. Продолжая тему Алибек Тусупбекович  подчеркнул необходимость выделения  денежных средств для наглядной агитации населения, которую необходимо проводить совместно с акимами сельских округов. В настоящее время  многие сельские округа, улицы сел переименованы, и по ним готовятся новые документы. - «Каждую неделю - вторник и четверг назвать «Днем государственного языка», разговаривать на казахском языке с представителями другой национальности, раз в месяц проводить различные мероприятия, посвященные казахскому языку. Таким образом можно поднять престиж языка»,- внес предложение А.Саржанов.

Перед участниками семинара выступила руководитель отдела образования Ш.Мустафинова, которая отметила ряд факторов, посвященных развитию государственного языка в общеобразовательных учреждениях. Например, в Дни празднования языков народа Казахстана среди учителей был проведен круглый стол,  акции  на знание английского языка среди учащихся школ, среди учеников 5-11 классов состоялись конкурсы ораторства. Кроме этого отделом образования были сделан ананлиз итогов ЕНТ по русскому и казахскому языкам среди школ района за последние 3 года, а также изучены другие злободневные проблемы.

Read more

КАЛЕЙДОСКОП СОБЫТИЙ

Article Details

ОТКРЫТЫЙ ДИАЛОГ С ПРЕДПРИНИМАТЕЛЯМИ

В селе Преображенка 18 апреля директором филиала Национальной палаты предпринимателей Алией Мукашевой совместно с отделом предпринимательства района было проведено  кустовое совещание по вопросам развития бизнеса. В нем приняли участие предприниматели Улкенбокенского, Беленского сельских округов и округа имени К.Аухадиева.

Алия Орынбековна рассказала бизнесменам о работе Палаты предпринимателей, представила 100 бизнес-планов, которые желающие могут приобрести бесплатно в сельских акиматах своих округов, а также выслушала и попыталась ответить на все интересующие предпринимателей вопросы. Основными проблемами, которые волновали предпринимателей округа имени К.Аухадиева стали вопросы урегулирования цен на социально значимые товары не более 10% от себестоимости, налаживание путей сбыта овощной продукции по приемлемой цене, а так же работа налоговой службы Кокпектинского района, которая, несмотря на объявленный Главой государства мораторий со 2 апреля текущего года, продолжает налагать штрафные санкции. Алия Орынбековна пообещала в ближайшее время решить эти проблемы.

По вопросам участия в Программе «Дорожная карта занятости – 2020» жителями были озвучены предложения открытия столярного цеха в селе Улкенбокен и выращиванию грибов в селе Преображенка. Эти проекты будут подробно рассмотрены отделом предпринимательства и аппаратами акимов округов. 

Подобные совещания уже состоялись с предпринимателями Миролюбовского сельского округа и в ближайшее время будут проведены в остальных округах района.

 

ДРУЖНО И СЛАЖЕННО

350 саженцев вяза мелколистного высадили улкенбокенцы в субботний день. Дружной  командой, вооружившись лопатами и ведрами, каждый на своих участках работали коллективы больницы, филиала Самарского аграрно-технического коллежда, сортучастка, лесничества, предприниматели. А коллектив школы и аппарата акима  во главе с акимом округа Н.Назархановым благоустраивали площадку для проведения праздников в центре села, где уже установлена большая сцена и проведено освещение. На очередных субботниках, как рассказал Нурлан Умитказинович, будут начаты работы по переносу и благоустройству детской площадки и парка. В планах строительство нового парка в рамках акции «Туған жерге тағзым» и ограждение сельского кладбища.

Слаженной работой улкенбокенцы показали хороший пример патриотизма и любви к своему селу.

ПОПОЛНЕНИЕ ИНВЕСТИЦИЙ

Аграрии Сарыбелского сельского округа завершают ремонтные работы сельско-хозяйственной техники. В связи с похолоданием отложены первые весенние мероприятия.

Сельакимат планирует благоустроить  пустырь перед зданием школы, посадить саженцы, за которыми будут ухаживать школьники. В скором времени решится вопрос со зданием бывшей школы, которое имеет неприглядный вид. Аппарат акима  сельского округа уже подготовил документы на приобретение собственности.

В деле вклада инвестиций в округ хозяйство предпринимателя Онгарбаева вложило 6 млн.600 тысяч тенге за счет приобретения  17 голов племенных лошадей.

 С ШУТКОЙ И ЗАДОРИНКОЙ

Массовые субботники прошли в Палатцынском сельском округе. Во главе с акимом  Б. Мукушевым  сельчане  убирали  и чистили территорию сельакимата от  бурьяна  и  мусора.В субботнике  приняли  участие коллектив и учащиеся  средней  школы. На  уборку  территории были  привлечены соцработники и жители  сёл: каждый   занимался  уборкой  у  своих  дворов, а  работник  акимата  В.Толоконцев  на  своей  автомашине  с прицепом  вывозил  мусор. Проходил  субботник с  шутками  и задоринкой. А днем  раньше была  произведена подсыпка и  ремонт  дороги в  совхозном   поселке.В  вывозе песка  и  гравия  на своем  транспорте помогли  жители  села  братья  Бакытжан  и  Руслан    Дюзбенбетовы, Н.Макиленов С.Василенко. Спонсорскую  помощь  в  погрузке оказал начальник ПДУ-6 «Шығыс  жол» Марат  Кожамжаров, выделив для  этого  погрузчик. Таким  образом,работа  по  благоустройству села началась активно, будет  продолжаться  и  в  дальнейшем.

БУДЕТ НОВЫЙ ПАРК

Долгое время пустующая территория бывшего детского сада в селе Миролюбовка постепенно превращается в  благоустроенную  и сказочную площадку. Старые и сухие деревца были спилены, на их месте  высажены сосны, яблони, березы, смородина, дуб, облепиха. Всего в округ было завезено молодых саженцев почти 200 штук. Глава КХ «Миролюбовка» Е.Бородин передал одно из зданий для размещения в нем мини-дома быта, парикмахерской. Теперь и здесь  необходимо все привести в порядок. Жители села  центральной улицы им..Асламова обновили свои ограждения,  по заявкам было доставлено 1000 штук штакетников. И теперь многие желающие решили присоединиться к этой акции. На территории  торговых точек села будут разбиты цветники и клумбы, посажены саженцы.

 ЛИКВИДАЦИЯ СТИХИЙНЫХ СВАЛОК

Село Самарское из года в год все более благоустраивается. В эту весну будет дополнительно посажено еще 500 кустов вяза, яблонь, акации. На субботниках продолжатся работы по побелке деревьев, ликвидации стихийных свалок, в особенности, по ул.Глухенко. Для этих работ будет привлечена техника, которую предоставляют Е.Болде, ПДУ-6, ТОО «Каскад», аграрно-технический колледж,  житель села Самарское А.Чуланов и другие.

 РЕМОНТНЫЕ РАБОТЫ НАЧАЛИСЬ

Дорожная организация ПДУ-6 приступила к ремонту дорог летнего содержания. Начался ямочный ремонт, заливка трещин на трассе Самарское - Таргын - Усть-Каменогорск. Были вскрыты и вновь покрыты «пучины», образовавшиеся на дорогах, в общей сложности объемом 360 м3 на 123-ем и 128-м километре областной автострады. Профилированы дороги на трассе Самарское - Кокпекты, поставлены сигнальные столбики, убраны вешки. В настоящее время проводится  санитарная очистка и корчевка кустарников в сторону трассы Васильевской переправы.

Екатерина СКУДАРНОВА Канат АПСАДЫКОВА

Read more

ӘН КӨҢІЛДІҢ АЖАРЫ

Article Details

Ауылға концерт келеді деп тағатсыздана күткен  Тассайлықтар  абыр-сабыр. Құлақтан кіріп бойды алатын әсем ән мен тәтті күй көктемнің құбылмалы күнін жарқ еткізді. Құданың  құдіретімен Қылы бойының төлтумасы Саяхат Сартаев кішкене күнінен әншілігімен ел аузына іліккен. Бала Саяхаттың өн бойындағы әншілік қасиет әкесінен қонса, кейіннен музыкалық қабілетін арттырып адымын ашқан, алғашқы ұстазы М.Әуезов мектебінің ән-күй мұғалімі, бесаспап маман  Тасқайнат  Әлкей  болатын.

Бесінші сыныптың оқушысы, Абайдың кең үнді ауқымды әншіні қажет ететін ойлы әндерін салып аудандық, аймақтық байқауларда ақ көзге түсті. Мектеп бітіре салысымен өнер қуып Алматы асты. Қазақ  халқының дүлдүл әншісі Нұрғали Нүсіпжановтан дәріс  алды.

Бүгінгі күні туған ауылына өзі құрған «Сарын» тобымен алғашқы концертін беріп, әншінің шашбауын көтере келген «Шығыс  жұлдыздары» атты бишілер ансамблі өз өнерлерін тарту етті. Саяхат пен «Сарын» тобының жан-жақты бай репертуарында құлақ құрышын қандыратын биік әндер де, жаныңды баурап, көкірегіңе сағыныш пен  мұң ұялатып, бір сәт кенет құбылып қуанышпен ләззатқа бөлеген  әуендер де, делебеңді қоздырып «шіркін ай, билеп билеп жіберсе ғой»- деп ынтықтыратын қызу қанды әндер де орындалды. Әсем әннің арасында мың бұралған биші қыздардың өнері де көрікті қыздыра  түскендей. Әр халықтың биін нақышына келтіре орындап, көрерменді сиқырлы әуезбен еліктіріп алды..

Сауық кештің соңы әншінің ұстазы Мейірлі Жанұзаққызының  аналық ақ  тілегімен қадірлі қария Қуан ақсақалдың ақ батасымен  тәмамдалды. «Ғашықтар күні» мерекесімен орайлас, атамекенге ажарлы ән сыйлаған жезтаңдай әнші, тума талант иесі Саяхат  баурымызға өнер өзенінде ескегің сынбай, қарымың талмай қалқи бер дейміз!

Катрен Байжуманов, Тассай  ауылы

 

Read more

МЕДИЦИНАЛЫҚ ҚЫЗМЕТТІҢ САПАСЫ АРТЫП КЕЛЕДІ

Article Details

Еліміздегі медицина мәселесінің аса маңыздылығын ескерген Мемлекет басшысы Нұрсұлтан Назарбаев: «Халықтың денсаулығының деңгейі сол мемлекеттің әлеуметтік-экономикалық, мәдени және индустриялдық дамуының көрсеткіші іспетті. Сондықтан, әлемдегі дені сау халық қана өзгелермен бәсекелес бола алады» деген-ді.

Аудандағы денсаулық сақтау саласының бүгінгі күні жақсы жаққа қарай ұмтылысы байқалады. Дегенмен, аудан әкімнің тұрғындармен кездесуі барысында бұл салаға қатысты біраз сын айтылған. Осыған орай, аудан басшысы аудандағы екі аурухананың басшыларына тұрғындармен кездесу өткізуді тапсырған болатын. Бүгінгі сұхбат «Ауданаралық аурухана» ШЖҚ КМК бас дәрігері Саят Замамбекұлы Таңатаровпен болмақ.  

–Бірден айта кетуіміз керек, бүгінгі таңда ауданның медицина саласына облыстық денсаулық сақтау басқармасы тарапынан   қаражат бөлу  анағұрлым жоғары дәрежеде. Өткен жылдарда біздің емханаға күрделі жөндеу жүргізілгені белгілі. Медициналық кадрлармен толықтыруда да ілгерілеушілік бар. 

Медицина саласындағы реформаларға сәйкес әртүрлі санитарлық-эпидемиологиялық сырқаттардың саны азайып, тұрғындарды дәрі-дәрмекпен қамтамасыз етудің де көрсеткіштері бұрнағы жылдардан жақсарған. 

Аудандағы денсаулық сақтау саласының бірқатар   жетістіктерімен қатар кемшіліктері де бар. Олардың біразын біздің пациенттеріміз айтып отырады. Осы орайда біздің аурухананың арнайы құрылған жұмыс тобы барлық дерлік ауылдық округтерде болып, тұрғындармен кездесу өткізді. 

Ең алдымен, біз ауыл тұрғындарына Ел Президентінің Жолдауында медицина саласының алдына қойылып отырған міндеттерін түсіндіре отырып, сол бойынша өзіміздің алдағы күнге жоспарларымызды, қазіргі күні медициналық қызмет сапасын арттыру бойынша қолға алынған жұмыстармен таныстырдық.  Халықтың медициналық қызмет көрсету стандарттары талаптарына сай құқын білуі, ақысыз медициналық қызмет түрлері мен тегін дәрілермен қамтылу мүмкіндіктерін мемлекет тарапынан қолдау шараларының заңдылықтары шеңберінде түсіндіру жұмыстары жүргізілді.   Денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасын орындау жөніндегі шараларға тоқталдық.

Барлық емдеу-сауықтыру мекемелері сияқты біздің аурухана да шаруашылық жүргізу құқығындағы мекемеге ауысты, тегін дәрімен қамтылу шаралары мемлекет қолдауымен жүзеге асып жатыр.   Бірыңғай ұлттық денсаулық сақтау жүйесі бойынша әр азамат өз таңдауын жасаған кезде сол қаражат ем қабылдайтын сауықтыру орнына құйылады.

Кездесулер барысында тұрғындар мамандарға дәрігерлердің қабылдау кестесі, тегін дәрі-дәрмек берілудің заңдылықтары, портал арқылы ауруханаға жату ережелері туралы көкейдегі сұрақтарын қойды. Бұл сауалдарға емхана меңгерушісі А.Арапова, статистик дәрігер Н.Шәріпова жауап берді.

2013 жылы Астанадан келген лауазымды комиссияның тексеруімен екі жыл мерзімге аккредитациядан өткізілдік. Бұл - жақсы нәтиже.  Қазіргі күні оңтайландыру жұмысы аяқталды. Барлық медициналық қызметкерлердің жүктемесі қайта қаралып, жаңаша жұмыс кестесі құрылды. Науқастар дәрігерге қаралу үшін тіркеу бөлімінде өзі келіп, немесе телефон арқылы дәрігердің қабылдауына жазыла алады. Әр дәрігердің күніне қабылдауына жиырма адамнан деп белгіленген. Сонымен бірге, патронаждық кезекшіліктері бар. Науқастар алғаш рет келген болса, дәрігерге бармас бұрын дәрігералды кабинетінен өтеді. Сонымен бірге, жылдарына қарай скринингтік тексеру белсенді түрде жүргізілуде. Бұл орайда әлеуметтік медбикелердің жұртты жұмылдырудағы жұмысын атап өту керек. Дегенмен, тұрғындардың өз денсаулығына деген ынтымақтастық жауапкершілігі әлі де төмен. Осы бойынша алдын алу шаралары мен түсіндіру жұмыстары жүргізіліп жатыр.

Медициналық мекеменің халыққа қызмет көрсету сапасын арттыру үшін барлық жағынан жоспарлы іс атқарылуда. Дәрігерлер мен медбикелердің біліктілігін арттыру да осы жұмыс аясында қарастырылған. Қазіргі күні УЗИ, ФГДС аппараты жұмыс істейді. Науқастар тарапынан оның нәтижелері қалалық зерттеу орындарымен бірдей деген баға алып үлгердік.

Күндізгі стационарда емделу мен дәрігерді таңдауды қазіргі күні науқастардың өздері де тиімді санап отыр. Сонымен бірге, тұрғындардың тегін дәрі-дәрмекті уақытында алулары үшін жеткізіп беруді әр ФАП-тағы медқызметкерлер арқылы атқаруды жолға қоймақпыз. Медициналық қызмет сапасын арттыру үшін біздің емдеу мекемесі ізденіс жасап, қалайда халық ойынан шығуды басты мақсаты етіп қойып отыр.

Жазып алған Клара НҰРПЕЙІСОВА

 

Read more

ОЗЫҚ ТӘЖІРИБЕ, ИННОВАЦИЯЛЫҚ ТЕХНОЛОГИЯ - БІЛІМ САПАСЫН АРТТЫРУДЫҢ КЕПІЛІ

Article Details

Дамыған елдердің бәсекелестік күш-қуаты және болашағы табиғи ресурстардың молдығымен ғана емес, ең алдымен адам  капиталымен, инновациялық технологияларды ұтымды пайдалануымен анықталады.

Елбасымыз Нұрсұлтан Әбішұлы Назарбаев «Мәңгілік ел» идеясын паш еткен Жолдауында  «ХХІ ғасырдағы дамыған ел дегеніміз – белсенді, білімді және денсаулығы мықты азаматтар» деп атап көрсетті. Сондай-ақ, Елбасы Жолдауда  еліміздегі білім беру ісін жақсарту үшін 2020 жылға дейін  қандай шаралар жүзеге асатынын нақтылай келе, заманауи бағдарламалар мен оқыту әдістемелері, білікті мамандар даярланатынына тоқталды.  Орта білім жүйесінде жалпы білім беретін мектептерді Назарбаев зияткерлік мектептеріндегі оқыту деңгейіне жеткізу керек екенін, оқыту нәтижесі оқушылардың сындарлы ойлау, өзіндік ізденіс пен ақпаратты терең талдау машығын игеру болуға тиіс екенін атап көрсетті.

Қазіргі таңда еліміздің білім беру жүйесіне Назарбаев зияткерлік мектептерінің тәжірибесін енгізу өте орынды жүзеге асуда.

«Маған айтсаң, ұмытамын.

Маған көрсет, мен жадымда сақтаймын.

Маған өзіме істеуге мүмкіндік бер, үйренемін» - деген  қағидамен педагогикалық шеберлік орталықтары ұйымдастырған біліктілікті  арттырудың деңгейлік  курстарында  Кембридж тәсілі бойынша оқып келген мұғалімдер интербелсенді оқыту әдістерімен қаруланған, жаңаша көзқарастағы мұғалімдер болып оралуда.

Өйткені, курс бағдарламасы білім беру мен оқытудың қазіргі заманғы әдістерін мұғалімнің күнделікті тәжірибесі және кәсіби мән-мәтінмен өзара байланыста қарастырады. Ұстаздарды ойландырып, жаңаша жұмыс істеуге, жаңа ізденістерге жетелейді. Оқушы мұғалімнің бағыттауы арқылы өз бетімен білімді игеруге, өзара ынтымақтастық қатынас құра отырып, бірін-бірі оқытуға тәрбиеленеді, оқыту үрдісінде  өзіне, басқаға сын көзбен қарап, баға беруге, алған ақпараттарын, ойларын еркін жеткізуге үйренеді.

2012 жылдан басталған осы курстарға Көкпекті ауданының мектеп ұжымдарынан да көптеген мұғалімдер қатысып, сертификаттарға ие болған еді. 2013 жылдың қыркүйек айында аталмыш бағдарлама бойынша курсқа мектеп басшылары Астана қаласына шақырылып, маған курс тыңдаушысы болудың сәті түсті. Кембриждік бағдарлама басшыларға оқыту мен басқару үдерісінің мазмұндық болмысын жаңа әдіснамалық тұрғыдан өзгертудің жолдарын үйретті. Ұжымда өзгеріс енгізу үшін өзгерісті өзімізден бастаудың қажеттілігіне көз жеткіздік және курс барысында өзіміздің өзгере бастағанымызды сезіндік.

Республикамыздың түкпір-түпірінен келген мектеп басшылары күнделікті сабақтарда тәжірибе алмаса отырып, бірінен бірі үйрене,бірін-бірі үйрете  отырып, курстың алғашқы үш айының қалай өте шыққанын байқамай да қалдық. Қазіргі сәтте 6 айлық тәжірибе кезеңінде жүрген тыңдаушы басшылар мектептерімізде өзгеріс енгізу жұмыстарын  жүргізудеміз. Желілік қоғамдастық құра отырып, күн сайын өзара тәжірибе алмасу жалғасын табуда.

Мұғалімдер интерактивті тақтамен жұмыс істеудің қыр-сырын меңгеруде, интернет желісін пайдалануды үйренуде, барлығы болмаса да пән кабинеттері соңғы үлгідегі компьютерлермен жабдықталуда.

Материалдық-техникалық жабдықталу жағынан ауыл мектептерінің жетіспеушілігі, интернет желісінің мүмкіндігінің төмендігі, интерактивті тақталардың аздығы қолбайлау болуда.

Осындай мүмкіндіктерге қарамай ауданымыздың мұғалімдері жаңалықтың жаршысы, қоғамымыздың көшбасшысы ретінде баршаға үлгі болуы шарт.

Аудандық білім беру бөлімінің методикалық кабинетінің мамандары да мұғалімдердің біліктілігін арттыру үшін арнайы мұғалімдердің кәсіби қоғамдастығын құрып, деңгейлік курстардан өтіп келген мұғалімдердің сабақтарын үлгі етіп, басқа мұғалімдерге семинарларды көптеп ұйымдастыруда.

«Сабақ беру үйреншікті жай ғана іс емес, ол жаңадан жаңаны табатын өнер» деп Жүсіпбек Аймауытов айтқандай, ең  бастысы-заман талабына сай білім беру үшін мұғалімдердің жаңа тәсілдерді жатсынбай меңгеріп,  оқушының жан-дүниесін жақсы түсіне отырып, сапалы білім беруін қамтамасыз ету. Жаңашыл ұстаздарға мектеп басшылары тарапынан жан-жақты қолдау көрсетілген жағдайда ғана табыс еселене түсері сөзсіз.

Ж.Ерботин, І.Жансүгіров атындағы орта мектептің директоры

Read more

НЕСИЕМІЗ НЕСІБЕГЕ ҰЛАСТЫ

Article Details

Халқымыздың тәмсіл сөздері көп-ақ. Соның бірінде еңбектенген жанның алмай қоймайтын биіктігі болмайтынын бір ауыз сөз түйіндейді. Ол - «Көз қорқақ, қол батыр» мақалы. Шынында да, осы бір мақал әлі күнге өміршең. Экономикалық тоқырау, жұмыссыздық, тұрақты жалақының болмауы және халықтың өмір сүру деңгейінің төмендеуі секілді өтпелі кезеңдегі қиындықтар бүгінгі күні Мемлекет басшысы Нұрсұлтан Назарбаевтың сарабдал саясатының арқасында артта қалды. Елбасының тапсырмасымен министрліктер мен ведомстволар халықтың әлжуаз бөлігін қолдауға арналған әлеуметтік бағдарламаларды және жобаларды ойлап тауып, Үкіметтің қаулысымен бекіткені белгілі.

2011 жылдан бастап ел аумағында мемлекеттік «Жұмыспен қамтудың жол картасы-2020» бағдарламасы жұмыс істейді. Жол картасын жүзеге асырудың басты бағыты - аймақтардағы инфрақұрылымдарды қамтамасыз етуге, ауылдағы шағын және орта кәсіпкерлікті дамытуға негізделген. Осындай келелі мақсаттарды мұрат еткен мемлекеттік бағдарламаның мүмкіндігін пайдаланған Құлынжон ауылдық округінің тұрғындары Мадат Анатпаева мен Әсем Күдебаева бүгінде өз кәсіптерінің жемісін көріп отыр.

 

ОН САУСАҒЫНАН ӨНЕР ТАМҒАН ІСМЕР

Тігінші кәсіби болуы тиіс. Сонда ғана оның қолынан шыққан туындылары сапалы болады. Күндіз-түні тапжылмастан жұмыс істейтін тігін ісінің маманы Мадат Анатпаева осынау пікірді берік ұстанады.

Шағын несие арқылы үйінің ауласынан шағын цех ашып, несібесін көре бастаған ол еңбектің жемісі оңайлықпен келмейтінін жақсы түсінеді. Қиын-қыстау кезеңдерді басынан кешірген Мадат апай «Мен ешқандай қиындықтан қорықпаймын. Алдағы уақытта да күндіз-түні қызмет етуге мүмкіндігім бар», - дейді.

Ісмер жан еңбекке жарар жастан бастап кеңес заманының барлық жұмыстарына араласып, қажырлы еңбек атқарған жан. 1977 жылы еңбек жолын бастаған бойжеткен өзінің өмірінде әртүрлі мамандық бойынша, атап айтқанда тракторист, бригадир, сауыншы, шұжық шығаратын цехтың басшысы болып қызмет атқарады. Ол - сол кездегі Самар ауданы бойынша тракторға отырған нәзік жандылардың алғашқысы еді. Осылайша, жастайынан еңбектің дәмін татқан Мадат апайдың еңбегі әрдайым билік тарапынан қолдау тауып, ол кісінің фотосуреттері облыстық басылым беттерінен жарық көріп тұрды. Мақалалар жарық көрген газет беттері бүгінде сарғыш тартып кетсе де, Мадат апай оларды көзінің қарашығындай сақтайды. Үйге келген қонақтарға көрсетеді. Әрине, бұл - мақтанарлық іс. Себебі, бүгінгі күннің өзін айтпағанда нәзік жан бола тұра трактордың құлағында ер адамның өзінен кем түспей ойнау – әркімнің қолынан келе бермейтін іс.

Ал, 2000 жылдан бері ол тігіншілік ісіне бет бұрып, іс тігуді күнкөріске айналдырған. Ауыл тұрғындарының тапсырысын үй ішіндегі бір бөлмеде қабылдап, жұмыс жасаған ол кәсібінің өрісін кеңейту мақсатында 2012 жылы «Жұмыспен қамтудың жол картасы-2020» бағдарламасының екінші бағыты бойынша шағын несие алады. Бұл қаражатқа 2 тігін машинасы мен тігуге қажетті бұл, ине, жіп сынды заттарды сатып алады. Кезінде трактордың, қазір тігін машинасының құлағында ойнайтын Мадат апай тұрғындардан тапсырыс қабылдау арқылы жұмыс жасайды. Арнайы тігінші білімі болмаса да, ісмер «Оқу — ойдан артық емес» деген сөзді дәлелдей түскендей.

–Тігіншілік ісі бала кезімнен жаныма жақын. Анам өмір бойы тігінмен айналысқан шебер жан. Алдағы уақытта анамның ісін жалғастырып, кәсібімді кеңейте түссем деген ойым бар. Ал, жалпы жеке кәсіппен шұғылданғысы келетін өзім секілді ісмерлерге мүмкіндік беріп, екінші бағыт бойынша субсидияға қол жеткізген жоба шартына өте ризамын, – дейді ол.

Ауылдағы шағын ғана цех. Соның өзі қыруар шаруа тындырып отыр. Себебі, өзі айтқандай, тігінші тапсырыс берушілердің көңілінен шығуға тырысады. Бағасы да ойға қонымды. Мәселен, көлемі үлкен көрпе – 3 мың теңге болса, шағын көрпелер – мың жарым теңге көлемінде. Сонымен қатар, жайма, жастыққап, көрпенің тысы, желең, киім тігу, қайта жөндеу, күрте, жейделердің сырмаларын орнату секілді өтініштерді орындайды. Алдағы уақытта тігінші қасына бір кісіні көмекшілікке алуды жоспарлап отырғанын жеткізді. Сонымен қатар, жүннен тігілетін байпақтар тігу де ойында бар екен. Бұл кәсіптің қыр-сырына қанық ісмер жан бүгінде дамыл таппай еңбектенуде. Қай кезде де аздан бастаған іс жұғымды бола отырып, жемісі де тез көзге көріне бастайды. Олай болса, қолда барын оқсатып, адал нәпақасын тауып отырған Мадат апай үлгі боларлық жан.

 

КӘСІБІН КЕЛІСТІРЕ БІЛГЕН КӘСІПКЕР

Ауылдың әл-ауқатын, тұрмыс-тіршілігін көтеру мақсатында құрылған «Жұмыспен қамтудың жол картасы-2020» бағдарламасы арқылы төмен пайызды несие  алып,  өзінің шағын бизнесін жандандырып жатқан тағы бір жан – Әсем Күдебаева.

Іскер әйел Құлынжон ауылының ортасынан, күре жолдың бойына халыққа арзан бағамен қызмет көрсететін асхана ашқан екен. Алған мамандығы аспазшы болғандықтан да, асхананың ас мәзірін өзі қадағалап, тұтынушылардың көңілін табуға тырысады. - Келушілер көбіне әңгімелесуге, еркін демалуға келеді. Сондықтан, ең бірінші жайлылыққа мән береміз. Екінші тағамның дәмділігіне, тіл үйірер дәмді тағамдар болса, қайтып айналып соғары сөзсіз. Тұтынушыны қазыққа байланған арқандай қайтып айналып келуі үшін, ең алдымен, тазалыққа, астың дәмділігіне мән беру керек деп ойлаймын. Сонда ғана тұрақты келушілердің санын арттыруға болады, - дейді Әсем.

Алғашқыда ауыл ортасынан шағын дүңгіршек ашып, халыққа қызмет етуді бастаған Әсемнің қолы, әрине, салған жерден жүріп кете қоймаған. Себебі, қаржы тапшылығынан шағын дүңгіршектің ішін тұтынушылар сұранысына сай барлық тауарлармен қамтамасыз ету мүмкін емес екені белгілі. Кейін күре жолдың бойында қаңырап бос тұрған үй сатылымға шыққанда оны сатып алады. Сол жерден шағын асхана ашуды жоспарлайды. Алайда, бұл іс біршама салымды қажет ететіні белгілі. Осылай күнді күнге ұрып жүргенде кәсіпкер мемлекеттің «Жұмыспен қамтудың жол картасы-2020» бағдарламасы жайлы естіп, несие алуға бел буады. Кәсіп ашып, күнкөрісін жақсартамын дегендерді демеп, қаржылай қолдау ұсынып отырған осы бір мүмкіндікті қалт жібермей, тез арада керек құжаттарын тапсырады. «Әрекет түбі — берекет» демекші, осылайша мемлекеттің қамқорлығын тиімді пайдалана отырып, шаруаны өрге домалатудың зор мүмкіндігі туады. Мемлекет берген 1 жарым миллион қаражатқа ғимарат ішін жөндеуден өткізіп, жылу батареяларын орнатады. Жаңадан үстел, орындықтарға тапсырыс береді.

- Алғашқыда қиын болғанымен, қазір жағдай оңалып, жұмыс жүріп жатыр. Келушілер қатары күн санап өсуде. Күре жолдың бойында орналасқандықтан, көбіне жолшыбай өткендер келіп тамақтанады. Жаз мезгілінде клиенттеріміз бұдан да көбейеді деген ойдамыз. Себебі, өздеріңіз білетіндей біздің ауыл өткелге жақын орналасқан. Елбасымыздың қолдауының арқасында дүниеге келген «Жұмыспен қамтудың жол картасы-2020» бағдарламасымен ойға алған арманымды қысқа уақыттың ішінде орындап отырмын. Сол үшін оған зор алғысымды білдіремін, - деп ризашылығын білдірді ол.

Бұл асханада екі жұмыс орыны бар. Сонымен қатар, балалары да сабақтан қолдары босаған кезде аналарына келіп, қолғабыс жасайды. Келген адам ас мәзірінен лағман, қуырдақ, түшпара, манты сынды қалаған тағамдарының бәрін табады. Бұлардың бағалары да арзан әрі дәмі тіл үйірерліктей. Алдағы уақытта кәсіпкер «шағын асхананың көлемін ұлғайтсам ба» деген жоспары бар екенін жеткізді. Себебі, таңертеңгі сағат 8-ден кешкі сағат 8-ге дейінгі аралықта дамылсыз жұмыс жасайтын асхананың ішіне келген адамдар сыймай кететіндей жағдайлар болып жатады. Олай болса, Әсел Күдебаеваның еңбегіне жеміс, жұмысына сәттілік тілейміз.

Отандық өндірісті дамытуға қолдау көрсету жөніндегі Елбасы тапсырмасын орындауға жол ашқан аталмыш бағдарлама кәсібін енді бастаған ауыл халқы үшін барынша тиімділік әкелгеніне көзіміз жетіп отыр.

Арайлым МИРАТҚЫЗЫ

Read more