Наурыз 2020

НАШ ЗЕМЛЯК – ЧЕМПИОН АЗИИ

Article Details

На протяжении долгого времени спортсмены нашего района успешно выступают на соревнованиях различных масштабов по разным видам спорта. Недавним ярким спортивным достижением стала золотая медаль уроженца Кокжайыкского сельского округа Данияра Алибековича Кайсанова на чемпионате Азии по вольной борьбе в Нью-Дели . 

Данияр Кайсанов добился успеха в весовой категории до 74 килограммов. В стартовом поединке он с разгромным счётом одолел иракца Карама Махмуда – 10:0, после чего оказался повержен японец Дайчи Такатани – 9:4 В финальной схватке против нашего земляка на ковер вышел Джитендер из Индии. Первым баллы заработал Данияр, проведя контратаку - 2:0. Затем соперник сумел сократить отставание в счете. На перерыв борцы ушли при 2:1. Буквально сразу после возобновления схватки Кайсанов заработал еще балл - 3:1. В итоге так противостояние и завершилось - «золото» у Данияра.

Read more

ШАЙБАЛЫ ХОККЕЙ - ШАЛҒАЙ АУЫЛДА

Article Details

Ақпан айының 20 жұлдызында аудандық хоккейдің бастауына айналған Үлгілімалшы ауы-лында, аудандық білім беру бөлімінің нұсқауымен, аудандық спорт бөлімінің басшысы Ержан Кәрібаевтың, Талғат Қасайновпен ауыл әкімі Мерей Смағұлов сынды азаматтардың ықпалымен, Абай атындағы мектеп-балабақша кешенінің директоры Ермек Сыдықұлының ұйымдастыруымен облыстық «Шайбалы хоккей» дүбірлі додасының іріктеу кезеңі өткен болатын. Сайысқа Тарбағатай, Зайсан, Көкпекті аудандары қатысып кіл мықтыдан кім мықтыны анықтады.

Негізі Үлгілімалшы ауылында өткен «Шайбалы хоккей» бәсекесі 3 күнге жоспарланған болатын. Дегенмен ауа-райының қолайсыздығына байланысты жол болмай Жарма, Аягөз аудандарының командалары жарысқа қатыса алмай қалды. Сондықтан мұз айдынындағы марқасқалардың теке-тіресін 1 күнде өткізуге тура келді. Зайсан ауданынан 1 команда, яғни, үлкен топ 12 бала, жаттықтырушы жүргізушісімен келсе, Тарбағатай ауданынан үлкен және кіші 2 топ, барлығы 20 адам келді. Көкпекті құрамасының намысын Үлгілімалшы, Көкпекті Үлкенбөкен, Теректі ауылдарының оқушылары қорғады. Жарысқа қатысушылар Үлгілімалшы ауылына 1 күн бұрын келіп, жатын орны, 3 уақыт тамақтары тегін беріліп, барлығы мектеп қаражатынан жұмсалды. Осы орайда, мектеп директоры Ермек Сыдықұлы бастаған мектеп ұжымының ерекше табандылығын, еңбекқорлығын айтып өтпей болмас. Мұзайдынының айнадай болуына кепілдік жасап, таң атысымен қалың қармен арпалысып жарыстың жоғары деңгейде өтуіне ықпал жасаған мектеп жұмысшыларының да жүйелі жұмысын атап өткен жөн. Қарасы қалың болған ауыл тұрғындарымен қатар, мектеп ұстаздарының да күннің суығына қарамастан өз оқушыларына қолдау көрсетіп тұрғандары сайысқа қатысушы саңлақтарымызға қосымша күш бергені сөзсіз.

Read more

БІРЛІГІ ЖАРАСҚАН ЖАС ҰСТАЗДАР

Article Details

Ақпан айының 14-ші жұлдызында Көкжайық орта мектебі жас ұстаздарының бастамасымен «Көңілді старт» эстафеталық ойындары ұйымдастырылды. Эстафетаға Көкжайық орта мектебінің «Жалын» командасы, Үлгілімалшы ауылының Абай атындағы мектеп-балабақша кешені «Жалынды жастар» командасы, Мамай ауылы Аманкелді атындағы орта мектебі «Мамай» командасы және Ақой ауылы Пушкин атындағы орта мектебінің жас ұстаздары «Молодежь» командасы қатысты. Әр командада 5 ойыншыдан өнер көрсеткен топтар тартыс-ты ойын өрнегін көрсетті. Бұл іс-шара Кеңес әскерлерінің Ауғанстан жерінен шығарылғанына 31 жыл толуына орай өткізіліп отыр. Әнұранымыз шырқалған соң құттықтау сөзін алған Көкжайық ауылдық округінің әкімі Қайрат Айыпқазыұлы мен Көкжайық орта мектебінің директоры Сау-ле Тоқтарқызы қатысушыларға сәттілік тіледі. Әділқазылар алқасында ауылдық округ әкімімен қатар, Көкжайық орта мектебінің «Бәйтерек» әкелер клубының мүшесі Шубаров Мұрат ағамыз және де аудандық жастар мәслихатының депутаты Ерлан Әзімбаев болды.

Read more

ҰРПАҚ КӨКЖИЕГІН КЕҢЕЙТКЕН КЕШ

Article Details

Көкпекті ауданы полиция бөлімінің кадр саясаты тобының ұйымдастыруымен аудандық тарихи-өлкетану мұражайында «Жас сақшы» кадет сыныбының оқушыларымен Ұлы Абайдың 175 жылдық мерейтойына орай «Артында өшпес сөз қалдырған» атты іс-шара өткізілді. Іс-шара аудандық тарихи-өлкетану мұражайының жетекшісі К.Смаилованың Президентіміз Қасым-Жомарт Тоқаевтың: «Ұлы ойшыл Айбайдың 175 жылдығына арналған іс-шаралардың халқымызға ой салатын, ұрпағымыздың санасының көкжиегін кеңейтіп, тәрбие-тағылым алатындай маңызды мағыналы істер атқаруымыз керек», - деп айтуы, Абай іліміне ғылыми тұрғыдан мемлекеттік деңгейде өте жоғары мән беретіндігі туралы сөздерімен басталып, «Жас сақшы» кадет сыныбының оқушылары Ұлы Абайдың өнегелі өмірімен және шығармашылық көрмесімен танысты.

Read more

ЕР МІНЕЗДІ НӘЗІК ЖАН

Article Details

Көптеген кәсіптің арасынан бүгін біздің әңгімемізге арқау еткелі отырған ерекше құрметке ие құрылысшы мамандығы. Олар қыстың қақаған сары аязы мен шіліңгір шілденің аптап ыстығын да, сары ала күздің сылбыр жауыны мен даланың жазғытұрым соғатын дауылды желін де елеместен, бар ынтасымен жұмысын сапалы жасауға ұмтылады. Осындай іскерлігімен, ер мінезділігімен ерекшеленетін жандардың бірі Көкпекті ауданының жол жөндеу құрылысына белсене араласып, осы салада жемісті еңбек етіп жүрген «ДЭУ - 29», «Қазавтожол» РММ басшысы Гүлрайхан Закариянқызы Мұхамадиева. Ол «темір тұлпар үстінде» азаматтармен қатар ел тізгінін ұстап жүр. Жүрегі жылулыққа толы абзал ана, немерелерінің сүйікті апасы Гүлрайхан Закариянқызының ауданымыздың өркендеуіне қосқан үлесі жайлы сөз етпекпіз.
Жалпақ жұртқа сыйлы Гүлрайхан апай өз еңбек жолын қатардағы қарапайым жұмысшыдан бастап, жол маманы, мекеме басшысы болып, жауапты қызметтерді абыроймен атқаруда. Гүлрайхан Закариянқызы «Әкеге тартып туса игі, әке жолын қуса игі» дегендей, әкесі Закария ақсақал баласының адал, еңбекқор болып өсуін қадағалап, соған сай тәрбиеледі.
Ел мен жерге еңбек сіңіріп келе жатқан үлкен әулеттің бүгінгі өкілі Гүлрайхан апай әке өсиетін мінсіз орындап, аманатын адал атқара білді. Жастайынан турашыл, ісіне мығым ол әке атына кір келтірмеді. Кішкентайынан 5 ағаның соңынан ерген, қайсар мінезі мен алған бетінен қайтпайтын қызынан әкесі үлкен үміт күтетін.
Қызығынан гөрі қиындығы басым құрылысшы мамандығының қыр-сырын меңгере отырып, кәсібіне төселіп, біраз жылдар жол құрылысы шебері, прораб, жол жұмыстары қоры бойынша инженер міндеттерін атқарды. Ал 2011 жылдан бастап «ДЭУ - 29» «Қазавтожол» РММ басшысы дәрежесіне дейін көтерілді.

Read more

ӨЗЕКТІ МӘСЕЛЕЛЕР - БАҚЫЛАУДА

Article Details

Самар ауылдық округінде өткен қоғамдық кеңестің кезекті отырысында шұғыл шешімді талап ететін өзекті мәселелер қаралды. Жергілікті қоғамдастық жұмысына аудан әкімі А.С.Смаилов, оның орынбасары М.Қ.Теміржанов, округ әкімі А.Ф.Кудербаев, қоғамдық кеңес мүшелері, сондай-ақ шақырылған жауапты тұлғалар қатысты.

Күн тәртібіне бірінші болып «Көкпекті ауданының № 2 аудандық ауруханасы» жанындағы мәйітхана ғимаратын пайдалану туралы мәселе шығарылды. Мекеменің бас дәрігері Е.Ф.Зиядановтың айтуынша, күн жылына ағымдағы жөндеу жұмыстары жүргізіліп, мәйітханаға 4 млн.теңгеден астам сомаға Тоңазытқыш қондырғысын орнату қажет екенін айтты.
Аудан әкімі өзінің орынбасары М.Қ.Теміржановқа осы мәселе бойынша тексеру актісін жасау, жазғы уақытта мәйітхананы толық сәйкестікке қалпына келтіру туралы хаттамалық тапсырма берді.

Read more

ЖӘРМЕҢКЕ ЖҰМЫСЫ ЖАНДАНДЫ

Article Details

22 ақпан күні аудан орталығында ауыл шаруашылық өнімдері жәрмеңкесі жұмысын жандандырды. Биылғы жылдың кезекті жәрмеңкесі жұпыны өтті. 2-3 ауылдық округтен басқалары төбе көрсетпеді. Есесіне халық көптен күткен жәрмеңке жұмысын көруге аудан әкімі Асхат Смаилов өзі келді. Аудан басшысы жәрмеңкеде көзбояушылық болмауын, өнім бағасы мен сапасы халыққа тиімді әрі қолжетімді болуы керектігін қатаң ескертті.
Сондай-ақ, ауыл шаруашылығы бөлімінің ақпараты бойынша бұл күні тек Көкпекті, Тассай, Теректі, Үлкенбөкен, Қ.Аухадиев атындағы, Биғаш ауылдық округтері өз өнімдерін саудалады. Атап айтсақ, Теректі: сиыр еті - 100 кг, сүт – 30 литр, май -10 кг, жұмыртқа - 300 кг, қаз еті -10 дана, үйрек еті – 5 дана, құрт – 10 кг, ірімшік - 10 кг, қатық – 10 кг, тауық еті- 5 дана.

Read more

ҚАЙСАНОВ - ҚҰРЛЫҚ ЧЕМПИОНЫ

Article Details

Қазақ елінің спортшылары үшін қашанда әлемдік додада топ жару – қанына біткен қасиетпен тең. Қай байрақты бәсекені алып қарасақ та, елдің беделін биікке көтерер спорт саңлақтардың саны жетіп артылады. Олардың арасында біздің ауданнан жасындай жарқырап жүрген, астын сызып тұрып көрсететін есімдердің де аталып жүргені баршылық. Оған айқын дәлел болатын ауданымызға қарасты Көкжайық ауылдық округінің тумасы, жерлесіміз, спортқа жаны құмар, өмірге деген құштарлығы ерекше байқалатын Данияр Әлібекұлы Қайсановты айтуға болады.

Кіл мықтылар бақ сынасатын бұл жарыс Үндістан астанасы Нью-Делиде өткізілді. Күрес түрлерінен өтіп жатқан Азия чемпионатында біздің ауданымыздың мақтанышы Данияр Қайсанов та болды. Жалауын көтерген Азия чемпионаты көптеген спорт түрін қамтыды. Ал біздің Данияр әр кезеңнен сүрінбей, қарсыластарын шаң қаптырды.
74 келіге дейінгі салмақта белдескен балуан Данияр Қайсанов жарыс барысында қарсылас шақ келтірмеді. Шешуші кездесуде ол Үндістан спортшысын 3:1 есебімен жеңіп, еркін күрестен ел қоржынына алғашқы алтынды салды. Ол жартылай финалда жапон балуаны Даичи Такатаниді, ширек финалда ирактық Карам Шакирді ұтты.

Read more

ТОЛАҒАЙ СҰЛТАНЫ – 2020: ХАЛЫҚАРАЛЫҚ ШАРАҒА ДАЙЫНДЫҚ БАСТАЛДЫ

Article Details

Тамыз айында ауданымызда 3 күнге жоспарланған «Толағай сұлтаны 2020» халықаралық мәдени – спорттық сайысы өткізіледі. Бұл туралы 27 ақпан күні Көкпекті ауданының әкімі      Асхат Смайлов ауданның қоғамдық кеңес мүшелерімен, ақсақалдар алқасы және іргелі шаруа қожалық басшыларымен, мекеме және ұйым басшыларымен,  жеке кәсіпкерлермен кездесу барысында айтылды.

Қалихан Алтынбаев атындағы мәдениет үйінде өткен кездесуде қаралған мәселе – «Толағай Сұлтаны - 2020» халықаралық сайысына дайындық шаралары. Биыл екінші мәрте өткізілетін халық-аралық деңгейдегі мәдени-спорттық шараны үйлестіруші Шығыс Қазақстан облысының Жастар ресурстық орталығының директоры Арайлым Есімбекова кездесуге арнайы келген екен.
Кіріспе сөз алған аудан әкімі Асхат Смаилов бірінші кезекте әлемнің түкпір-түкпірінен қатысушылар келіп, алыс-жақыннан қадірменді қонақтар мен көрермендер ағылатын шараның маңыздылығына тоқталды. – Ұлы ақын Абай Құнанбайұлының 175 жылдық мерейтойына арналған «Толағай сұлтаны 2020» мәдени-спорттық шарасын лайықты деңгейде өткізу Көкпекті ауданына үлкен жауапкершілік жүктейді. Былтырғы жылы өткізген тәжірибемізді ескере отырып, кеткен кемшіліктердің орнын толтырып, халықаралық деңгейге сай кең ауқымда атқару міндет. Сайысқа қатысушы әрбір үміткерге қолайлы жағдай жасау, шақырылған қонақтарға лайықты құрмет көрсету әрбір көкпектілік азаматтар атсалысатын шаруа. Ұлттық құндылықтарды ұлықтап, өскелең ұрпақты елжандылыққа, батырлыққа тәрбиелеуге бағытталған жобаны жоғарғы деңгейде атқару елдігімізге сын, - деді аудан басшысы.

Read more