22 ақпан күні аудан орталығында ауыл шаруашылық өнімдері жәрмеңкесі жұмысын жандандырды. Биылғы жылдың кезекті жәрмеңкесі жұпыны өтті. 2-3 ауылдық округтен басқалары төбе көрсетпеді. Есесіне халық көптен күткен жәрмеңке жұмысын көруге аудан әкімі Асхат Смаилов өзі келді. Аудан басшысы жәрмеңкеде көзбояушылық болмауын, өнім бағасы мен сапасы халыққа тиімді әрі қолжетімді болуы керектігін қатаң ескертті.
Сондай-ақ, ауыл шаруашылығы бөлімінің ақпараты бойынша бұл күні тек Көкпекті, Тассай, Теректі, Үлкенбөкен, Қ.Аухадиев атындағы, Биғаш ауылдық округтері өз өнімдерін саудалады. Атап айтсақ, Теректі: сиыр еті - 100 кг, сүт – 30 литр, май -10 кг, жұмыртқа - 300 кг, қаз еті -10 дана, үйрек еті – 5 дана, құрт – 10 кг, ірімшік - 10 кг, қатық – 10 кг, тауық еті- 5 дана.

Қ. Аухадиев атындағы округ: тартылған ет (фарш) - 20 кг, тартылған балық еті - 20 кг, тұшпара -15 кг, сүт – 20 литр, бал – 45 келі.
Үлкенбөкен ауылдық округі: сүт – 15 литр, жұмыртқа - 300 кг, ірімшік - 10 кг, қатық – 10 кг, бал – 20 кг, тұздалған өнімдер – 50 кг, қой еті - 50 кг.
Көкпекті ауылдық округі бойынша жылқы еті - 150 кг, Биғаш ауылдық округі: нан өнімдері: тоқаш -120 дана, бауырсақ - 120 дана, ши бауырсақ – 10 кг, қоспа -10 кг, құрт – 15 кг, тұздалған өнімдер – 10 литр, ірі қара мал еті – 150 кг, Тассай ауылдық округі: балық - 100 кг әкелді.
Дәстүрге айналған жәрмеңке жұмысы алдағы уақытта кең ауқымда, мол өніммен өтуін күтеді тұрғындар.

Клара ҚАЙЫПЖАНҚЫЗЫ 

Пікір: