«Қазақ күресі - спорттың төресі, оның жұлдызы әлі жанады».                                                                                                       Металбек Болғанбаев, үлкенбөкендік палуан. 

Үлкенбөкен ауылындағы орта мектепте «Қазақ күресі» секциясының ұйым-дастырылғанына бірнеше жыл-дың жүзі болды. Спорт секциясын ауданымызға танымал жаттықтырушы «Нұр Отан» партиясы мүшесі Дәурен Данабеков жүргізеді. Оның даярлайтын палуандары республика, облыс, аудан деңгейінде өткізілетін турнирлер мен чемпионаттарға ұдайы қатысып келеді.

Жуырда Батыс Қазақстан облысының орталығы Орал қаласында өткен «Жас барыс» турнирінде оның шәкірті Аманкелді Ғизатоллаев 64 килограмдық салмақта жақсы көрсеткіштер көрсетіп, үшінші орынға ие болды. Шәкіртінің алтынға бергісіз қола медалі, тынымсыз еңбектің жемісіндей, жаттықтырушыны алға же-телейді.
Аудандағы қазақ күресінің дамуына «Нұр Отан» партиясы мүшелері Ержан Ізғұттинов, Данабек Ахадов, Нығметжан Смағұлов, Қаршыға Тыныбаевтар зор үлес қосып келеді. Көкпекті ауднынан да «Қазақстан барысы» шығар деген үмітіміз жанып, сеніміміз күннен-күнге нығайып келеді.
Қайрат Мәлікаждар, Көкпекті аудандық «Нұр Отан» партиясы филиалы консультанты

Пікір: