14 ақпан күні білім бөлімінің ұйымдастыруымен Кеңес әскерінің Ауған жерінен шығарылғанына 36 жыл толуына орай Қ.Аухадиев атындағы орта мектебінің базасында аудандық шаңғы жарысы өтті. Жарысқа аудан мектептерінің оқушылары қатысып, жоғары дайындықтарын көрсетті.
Бұл жарыс спорттың қысқы түрлеріне ауданымыздың оқушыларының қызығушылығын арттырып, салауатты өмір салтын насихаттауға бағытталды. Шаңғы тебуден шеберліктерін шыңдауға ер балалар мен қыздар белсенділіктерін таныта білді. Сонымен қатар шаңғы спортына деген аудан жастарымыздың қызығушылықтары жылдан жылға артып келеді.

Жалпы командалық есеп бойынша негізгі мектептер арасында 1 орын – Куйбышев атындағы негізгі мектебі, 2 орын – Романовка негізгі мектебі, 3 орын – Шәріптоғай негізгі мектебі жеңіске жетті. Ал, орта мектептер арасында 1 орын – Қ.Аухадиев атындағы орта мектебі, 2 орын – Преображенка орта мектебі, 3 орын – Үлкенбөкен орта мектебі жеңіс тұғырынан көрінді.
Спорттық шара соңында жеңімпаздар арнайы медальдармен, мақтау қағаздарымен және де бағалы сыйлықтармен марапатталды.
Ұйымдастырушылар мен қатысушылардың еңбегі бағаланып, болашақта осындай іс-шаралар көптеп ұйымдастырылып, жастардың спортқа деген қызығушылығы арта түседі деп сенеміз.

Пікір: