Жуырда аудан әкімі Ділдәбек Оразбаев дарынды спортшыларымыз Ерзат Арғынов пен Дидар Тукушевты қабылдады.
Біздің ауданымызда спортты дамыту мен қолдауға әрдайым үлкен көңіл бөлінген. Әсіресе, жас спортшыларды. Спортшыларымыз әр түрлі деңгейдегі жарыстарда ауданымыздың намысын абыроймен қорғап жүр.

Ерзат пен Дидар жарыстарда үнемі өнер көрсетіп, жеке жетістіктерінің қоржынын толтыратын спортшылардың қатарында. Негізгі спорттық жетістіктерін айтар болсақ, Ерзат дзюдодан 81 келі салмақта Азия чемпионы болса,

Дидар қазақ күресінен 66 келі салмақта Қазақстан Республикасының чемпионы. Екі спортшы да аудандық балалар мен жасөспірімдер спорт мектебінде шәкірттерді жаттықтырады. Сондай-ақ Ерзаттың Парижде өтетін Олимпиада ойындарында республикамыздың атынан шығуға толық мүмкіндігі бар екенін атап өтеміз. Жерлесіміздің арқасында Франция астанасында Қазақстан Республикасының Әнұраны шырқалатынына шын жүректен сенеміз.
Ділдәбек Тәжібайұлы спортшылармен тілдесіп, спортты өркендетуге, өскелең ұрпақ арасында салауатты өмір салтын насихаттауға қосқан үлестері үшін спортшыларды жеңістерімен құттықтап, алғыс хаттар табыс етті. Кездесуге Көкпекті аудандық балалар мен жасөспірімдер спорт мектебінің директоры Аслан Танысбаев та қатысты.
Спортшы жастарға - тек жүлде, атақ, медальдар маңызды емес, оларды өскелең ұрпақтың салауатты болашағы алаңдатады. Шағын ауылдардан Қазақстанның көптеген спорт таланттары, отандық және әлемдік спорттың нағыз жұлдыздары шыққан. Сондықтан, бұл алдағы жетістіктерге ынталандыратын жас спортшыларымызға көмектесіп, қолдау көрсету маңызды. Ауданымыздан шыққан жас спортшыларымызға қолдау білдіріп, көмектесу маңызды, бұл оларды одан әрі табысқа жетелейді.

Пікір: