Қазіргі таңда Қазақстанда спорттың ең бір дамыған түрі бокс десек, сірә қателеспейміз. Спорттың осы бір жарқын түрі елімізді дү-ниежүзіне танытып, әлемдік додаларда қан-жығамызды майлантып жүргені де рас.

«Азаматын көр де, ауылын таны», - демекші, құрыш білекті, шойын жұдырықты жігіттеріміз де ел намысын еш жерде аяқасты еткен емес. Қайта, «Қазақ жігіттерінің бәрі осындай. Бірі батыр, бірі палуан» деп ел мерейін үстем етіп жүр. Сондай жігіттердің бірі де бірегейі Көкпекті ауылындағы жасөспірімдер және балалар спорт мектебі және Преображенка орта мектебінің бокс үйірмесіне қатысатын жасөспірімдері. Олар ағымдағы жылдың 2-5 мамыр аралығында Өскемен қаласында өткен Қазақстан Республикасы Тәуелсіздігінің 25 жылдығына орай, 2003-2004 және 2005-2006 жылдары туған жас-өспірімдер арасында бокстан Ұлы Жеңіс күніне және Қазақстанның Халық Қаһарманы Қасым Қайсеновты еске алуға арналған ашық облыстық турниріне қатысты.
Аталмыш турнирға, жаттықтырушы Берік Са-ғынбаев және Алмас Мизамитов өз шәкірттерін баптап, жарысқа келген 14 ауданның ішінен топ жарып жүлдемен оралды. І орынды Әмірғали Исамиев, ІІ орын Сергей Цемер, ІІІ орынды Михайл Даукшта, Бекзат Донбаев, Ринат Махмудов қанжығалады. Сонымен қатар, жас жеткіншектердің турнирге баруға демеушілік көрсеткен «Сұлтман» ШҚ басшысы С. Ибраимовқа алғыстары шексіз.
Ендеше, көркейген Көкпекті жерінің жас дарын боксшылырына бақтарың жана берсін, көрінген биік тұғырларыңнан еш төмендемеңдер, әрбір ер жігіттің өзі шығар биігі бар демекпіз!

Клара ҚАЙЫПЖАНҚЫЗЫ

Пікір: