Материалдар

Құрметті мемлекеттік қызметкерлер!

Сіздерді кәсіби мерекелеріңізбен құттықтаймыз! Мемлекеттік қызмет – бұл барлық мемлекеттік басқаруды ұйымдастырудағы жетекші рөлді атқаратын мемлекет жүйесінің ең маңызды тетіктерінің бірі. Билікке деген сенім мемлекеттік қызметкерден басталады. Ол халық пен билік арасындағы дәнекерге айналып, заманауи қоғамдағы талаптарды шешуге бейім болуы тиіс. Сондықтан, мемлекеттік қызметті таңдаған адамдар зор құрметке лайық. Өйткені, олардың мойнында халқымыздың бүгінгі ахуалы мен болашағының тағдыры міндеттелген.

Мемлекеттік қызметкерлер күнін мерекелеу – мемлекеттік өкімет органдарының аса маңызды рөлінің дәлелдемесі. Себебі, әлеуметтік-экономикалық реформалардың жетістіктері, қоғамның демократияландыру жолымен жылжуы, құқықтық мемлекеттің қалыптасуы мен елдің тұрақты дамуы мемлекет басқару тетігі жағдайы және мемлекеттік қызметкерлердің жігерлілігі және елдің таңдаған курсына байланысты.
Мемлекеттік қызмет жүйесіндегі реформалау – ел дамуының алғышартының бірі, оны Елбасы Нұрсұлтан Назарбаев та міндеттеп отыр. Мақсаты – мемлекеттік басқарудың тиімділігін арттыру, тұрғындарға көрсетілетін қызмет сапасын және мемлекеттік қызметкерлердің қызмет жағдайын жақсарту.
Халық мемлекеттік қызметкерлерден жоғары рухани тұрақтылықты, отансүйгіштікті, заң талаптарын бұлжытпай орындауды күтеді. Сіздердің әр істеріңіз бен аудан өміріне қосқан үлестеріңіз оның дамуына ықпал етеді, бақуаттылық деңгейін көтереді. Ауданымыздың қарқынды дамуы Сіздердің біліктіліктеріңізге, тәжірибелеріңізге, ұмтылыстар мен жігерлеріңізге тікелей байланысты. Аудан тұрғындарының әл-ауқатын арттыру және олардың болашағын жақсартуға бағытталған мемлекеттік бағдарламалардың жүзеге асуы үшін жауапкершілік мемлекеттік қызметкерлерге артылады. Одан бөлек, тұрғындардың күнделікті тыныс-тіршілігі мен мәдени өмірінде де аталған жандардың алатын орны ерекше. Жеке тұлғалармен кездесу барысында мемлекеттік қызметкердің өзін ұстау этикасы, сөйлеу әдебі әр уақытта да халыққа үлгі болып келеді.
Құрметті әріптестер, Сіздерге шын жүректен зор денсаулық, отбасыларыңызға береке, ғұмырларыңызға бақыт тілейміз. Қазақстан халқына қызмет ету жолындағы адал еңбектеріңіздегі ізденімпаздықтарыңыз арта берсін!

Р.Сағандықов, Көкпекті ауданының әкімі
Т.Сарманов, аудандық мәслихаттың хатшысы

Пікір: