Семей полигоны - тарихтың қасіретті беттері. Адамзатқа үлкен қайғы-қасірет пен апат әкелетін ядролық қару. Кеңестер Одағында жасалынған ядролық қаруды сынайтын алаң қазақ жеріндегі Семей полигоны болды. Полигонда 40 жыл бойы 475 рет ядролық қару сынақтан өткен. 

Семей ядролық полигонындағы сынақ қуаты Хиросимаға тасталған бомбадан 2,5 есе асып түскен. Полигон зардабы адамдардың екінші және үшінші ұрпақтарына ауыр әсерін тигізіп отыр.
Оқырмандарға Семей өңірінде жүргізілген ядролық сынақ және оның зардаптары туралы мәлімет беру мақсатында 24 тамыз күні Көкпекті аудандық кітапханасы кітапханашыларының ұйымдастыруымен Семей полигонының жабылғанына 32 жыл толуына орай «Семей полигоны-тарихтың қасіретті беттері» атты іс шара өткізілді. Іс шараға ақсақалдар алқасы, К.Садуақасова, Н.Сүлейменов, мәдениет және тілдерді дамыту, дене шынықтыру және спорт бөлімі басшысының м.а Н. Ақмолдина, мемлекеттік және басқа тілдерді оқыту орталығының директоры А. Омарбекова және кітапханашылар қатысып, өз ойларымен бөлісті. Кітапханашы Жұлдыз Жакупова «Семей полигоны - тарихтың қасіретті беттері» атты кітап көрмесімен таныстырды. Осыдан кейін шара қонақтары кітап көрмесін тамашалап, Семей ядролық полигонының құрылуы және жабылуы туралы тың мағлұмат алды. «Невада - Семей» антиядролық қозғалысына және полигонының жабылуына көп еңбек сіңірген тұлғалар туралы жазылған әдебиеттерге шолу жасады. Шара соңында Нұршат Ақмолдина өз пікірін білдіріп,қорытындылады.

Аудандық кітапхана ақпараты

Пікір: