Көзімізге ыстық, көңілімізге қайғы мен қуаныш орнатқан жыл сайынғы желтоқсаным да елімізге келіп жетті. Еліміздің тәуелсіздігінің белгісі, жырымның арнаған шуағы, Желтоқсан құрбандарыма жаққан шырағым сен - Желтоқсан! 31 жыл қысым өтіп, көктемім келіп бүр жарса да біздің боздақтарымыз мәңгі есімізде.

Жастардың патриоттық сезімін ояту, Отанын, туған жерін қадірлеуге, сүюге біз алдыңғы ұрпақ міндеттіміз. Ново-Тимофеевка орта мектебінде өткен барлық игі іс-шаралар осы Желтоқсан мерекесіне арналды. Шағын орталық пен сыныптардан бастау алған іс-шара қазақ тілі және әдебиет пәнінің мұғалімі Г.Түстікпаеваның ұйымдастыруымен үлкен мерекелік атауы бар желтоқсан боздақтарын еске алу кешіне айналды. Желтоқсанда халқым деп аттандап жүріп қазаға ұшыраған Ербол Сыпатаев, жазықсыз жазаға тартылған Қайрат Рысқұлбеков, Өскемен педагогикалық училищесінің студенті Сәбира Мұхаметжанова, Алматы музыкалық училищесінің оқушысы Ләззәт Асанова және басқа он екіде бір гүлі ашылмаған, ерте солған жауқазындарымызға басымызды ию біз үшін үлкен сый. Әр орындалған сахналық көрініс, бойды шымырлатқан ән, Ләззаттың анасының жоқтауы бәрі орнымен, ұйымдастырушының арқасында көрермен көңілінен шықты. Аға буын ұрпақтың салған сара жолы мәңгілік таймасын!
Қуанам осы елде туғаныма,
Кір-қоңды мөлдір суға жуғаныма.
Аспанда тізбектеліп құстар ұшсын,
Сүйгенін туған жерде жігіт құшсын! – деп кеудемді кере айқайлағым келеді, ағайын! Мереке ұзағынан болсын!

Н.Ибраева, Ново-Тимофеевка ОМ кітапханашысы

Пікір: