Барлық ауыл шаруашылығы тауарын өндірушілер үшін жұмыстың маңызды кезеңдерінің бірі-алдағы қыста азық-түлік қорын дайындау, өйткені біздің облыс-та қыс өте ұзақ. Шілде айының басынан Көкпекті ауданында шөп шабу науқаны басталды. Қолайлы ауа-райының басталуымен жұмыс жанданды. Негізгі міндет: ауылшаруашылық жануарларына жем-шөп жеткілікті болу  үшін мүмкіндігінше көп шөп шабу.

Аудандық ауыл шаруашылығы және кәсіпкерлік бөлімінің басшысы Серік Байсенгіровтың ақпараты бойынша шөп шабудан Тассай, Теректі ауылдық округтерінде, сондай-ақ Қ. Аухадиев ауылдық округінде белсенді жұмыс жүргізілуде. 10 шілдеге қажетті 105 мың тоннадан 150 тонна шөп дайындалды.
- Орташа өнімділік гектарына 12-15 центнер мөлшерінде. Мысалы, Тассай ауылдық округінде шабындық алқаптарының ауданы 1000 га құрайды, әзірге фермерлер тек 150 тонна дайындады. Ауа-райының қолайсыздығына және көктемгі су тасқынына байланысты жұмыстар барлық жерде жүргізілмейді: көптеген шабындық жерлерде жоғары ылғалдылық сақталады. Сонымен қатар жауын-шашын жемшөп дақылдарының да, бидайдың да өсуіне жағымды әсер етеді, - деді Серік Дүйсембайұлы.
Мал азығы базасы ауыл шаруашылығы саласында мал шаруашылығын табысты дамыту үшін негіз болып табылады. Сондықтан болашақта жақсы көрсеткіштерге қол жеткізу үшін қыста жануарларды азықпен қамтамасыз етуге барынша күш салу қажет.

Пікір: