Елбасы Н.Назарбаев жыл сайынғы Жолдауында халықтың әл-ауқатын жақсартуға және жұмыссыздықты мейлінше азайтуға баса мән беріп келеді. Бұл ретте, Үкіметтің «Жұмыспен қамтудың жол картасы – 2020» бағдарламасы ел игілігіне қызмет жасауда.
Биыл аталмыш бағдарламаның аясында біздің ауданда ауқымды жұмыстар атқарылуда. Бұл бағдарламаның екінші бағыты жеке кәсібін ашып, екі қолға бір күрек табам деушілерді қаржылай қолдауды көздейді. Аталмыш бағыт бойынша берілетін несиенің шарттары да өте тиімді. Несиенің пайыздық үстемеақысы төмен, несие бірнеше жылға қарастырылған. Осындай мүмкіндіктерді ұтымды пайдаланып отырған кәсіпкерлер біздің ауданда жетерлік. Солардың бірі Теректі ауылының тұрғыны Рымғайша апай.

Теректі ауылдық округінің әкімі Ержан Ниязбекұлы Күзембаевтан өңірдің бүгінгі тыныс-тіршілігі, шаруақожалық иелерінің қам-қарекеті, өзекті мәселелері мен жетістігі туралы ақпарат алуды ұйғардық.
Ержан Ниязбекұлы әңгімесін нақты дерек келтіре отырып, округ өмірін жан-жақты, әр қырынан сипаттауды жөн көрді. Кеңес дәуірінде бұл өңір жыл он екі ай жайылымда мал өсіретін танымал шаруашылықтың бірі болған. Ресми дерек бойынша Теректіде 54 шаруа қожалығы ісін дөңгелетуде. Олардың басты бағыты егін егу, мал шаруашылығын өркендету. Сонымен қатар, ауылдың көріктендіру, санитарлық тазалық айларының нәтижелеріне қанықтық. Ауылдас-тармен бірге айналаны тазартуға жәрдемдескен шаруақожалық ие-лерінің еңбегіне де көңіліміз толды.